बळयिर 2:17 - माडिया गोंड पवित्र सास्त्रम17 ओग़ इद्रम रासतोग़: देवुळि इन्ह्ता, ‘आक्रिताङ दियाने नना नावा जीवातुन कतमतोरा पोग़ोन उदिह कीकन. अस्के मीवाङ मग़्क-मयास्क वने नावा कबुर वेहतनुर. मियग्डोर लेया मन्कलोर नना तोहतनद लेकातुन ऊळनुर. मुय्तो मन्कलोर बार नना ईतव कलाङ कळ्स्कनुर. Faic an caibideil |
बळयिर 2:17
38 Iomraidhean Croise
येसुन नमवालोरिह्क देवुळता जीवा दोर्कना मता, अदे जीवाता लोप्पा येसु इद पोल्लो वळ्ह्कतोग़. (येसु हातोग़, तेग़्कतोग़, पया देवुळतके मल्स अतोग़, अस्के) ओन्क देवुळताहि मान दोर्कता.(दोर्कतस्के ओग़ पवित्र जीवातुन बूमते लोहचीतोग़.) मति अद कगो इंका एववाय मता, अदिह्के पवित्र जीवा बोनगान रेगवाय मता, इनजोर इह वळ्ह्कतोग़.
रेगतस्के कुरनेलिना लोतगा मनवालोर, तमा मुर्तिय पुनवव बासाने वळ्ह्कलाह, ओसो देवुळि बेरा डीसाता इनजोर जोहर कीयलाह आतोर. पत्रुना संगे यापा नाटेनाहि वास मतोर यहुदि विस्वसिर इव सबे ऊळतोर, केंजतोर. केंजिसि, डायना रिवज केवोर दुस्राङ जातिनोरा पोग़ोन वने, पवित्र जीवा रेगिह्ता इन्जि, ऊळिस बामतोर. पया पत्रु तना तोळतोरिन इतोग़,
अदे जीवा ओर्विह्क बामिह कीयनाङ कबस्क कीयलाह लाव ईस्ता, दुस्रोना पोग़ोन बार दळ्म अर्सि वळ्ह्कनाह कीस्ता. ओर्विह्क बेव देवुळता जीवाताङ कबस्कु, बेव तानाङ आयोङ इनजोर पुनदनद बुदि ईस्ता. ओर्विह्क तन्क तेळियवव बासाने वळ्ह्कनद बुदि ईस्ता, दुस्रोन्क बार अव बासानाङ पोल्लोन पुन्जि, दुस्रोरिह्क तेळियिह कीसीयनद बुदि ईस्ता.
विस्वसिरा मुडगा, देवुळि मुनेन किर्स्तुनाङ बळयिरिन निल्पिह कीता. ओरा पेग़्के देवुळता कबुरतोरिन निल्पिह कीता. ओरा पेग़्के देवुळता पोल्लोतुन काग़्हवालोरिन निल्पिह कीता. पया देवुळता लावताङ कबस्क कीयनद बुदतोरिन निल्पिह कीता. अहे ओसो दुकतोरिन सव्रे कीसीयनद बुदतोरिन निल्पिह कीता. अहे साय्ता कीयनद बुदतोरिन निल्पिह कीता. ओसो विस्वसिरा मुडुन ताकिह कीयनद बुदतोरिन निल्पिह कीता. ओसो तमा तेळियवव बासाने वळ्ह्कनद बुदतोरिन निल्पिह कीता.
Sanasan