बळयिर 19:23 - माडिया गोंड पवित्र सास्त्रम

²³ अद तूकने इपिसुस सहरतगा, येसुसामिना कबुर आबुर आताह्‌कु, बेरा गळ्बळ आता.

बळयिर 19:23 Iomraidhean Croise

बळयिर 18:26

पया ओग़ इपिसुस सहरतगा देवुळता पार्तनाता लोन अतोग़, अन्जि अगा पका दीराते पोल्‍लोङ वेहन्दोग़. उंद दिया पिरिस्किलालि, अक्‍विलाल, वेरु ओग़ वेहतनाङ पोल्‍लोन केंजतोर. केंजिसि ओन तमा लोन ओसि, देवुळताङ पोल्‍लोन ओसो बेस-नेह्‌ना तेळियिह कीसीतोर.

बळयिर 19:9

मति उय्तुर मन्कलोर कैंगम आसि, पोलुनाङ पोल्‍लोङ केंजोर. ओसो येसुना अग़ मुर्तिय लागो इनजोर, जमा आता मुडा मुनेह पास्क बोटटोर. अदिनेनाह्‌क अद पार्तनाता लोतुन विळ्सिस, विस्वसिरिन पोसि पोलु पेसिस अतोग़. अन्जि तुरनुस इनवाल गूरु काग़्हतनद लोतगा, लोकुरिन येसुनाङ पोल्‍लोङ दिनमे वेहन्दोग़.

बळयिर 22:4

अदिह्‌क येसुसामिना अग़दे ताकवालोर आस्क-कोय्तोरिन दोहच, जेलतगा वाटिंदन. ओरिन हव्कनाह तिपल कीसोर मतन.

बळयिर 24:14

“मति इद उंद पोल्‍लो नना कबुल आय्ह्‌नन. बेद अग़दुन वेर लाग्वा अग़दा तुंगा इन्ह्‌तोर, अदे येसुसामिन विस्वस कीयनद अग़दे नना ताकिस, मावाङ तादोर-बाबोरा देवुळतुन माळिह्‌नन. मोसानाङ अडोनगा, ओसो देवुळता कबुरतोरा सास्त्रमतगा रासतव सबे पोल्‍लोन माळिह्‌नन.

बळयिर 24:22

पेलिक्स इतेके येसुसामिन विस्वस कीयनद पोल्‍लोतुन बेस केंजिस मतोग़, अदिह्‌क “सीपय्कना मुक्याल लूसियाल वातापया, नीवा पोल्‍लोता पय्सल कीकन,” इनजोर वेहच मारिह कीतोग़.

बळयिर 9:2

“इंजेके नना दमिस्क सहरते दाय्ह्‌नन. येसुना अग़दे ताकवालोर आस्क-कोय्तोरिन दोहचि, येरुसलेम ततलाहि सोलुनगा अदिकर मन्ह्‌ता इनजोर, सीटि रासिस ईम. नना अद सीटटुन पोस अन्जि, अग्डोर यहुदिरा पार्तनाताङ लोह्‌कनाङ मुक्यालोरिह्‌क तोहतकन,” इनजोर इतोग़.

2 कुरिंततोर 11:26

अमेसा नाह्‌क-नाह्‌क तिरियिंदन, अनेके बेरेह्‌क वने ओसोर मताङ, कलेरा रेय मंदु, नावाय यहुदि जाततोर ओसो यहुदि आयवोर मन्कलोर वने, नाक कोटुल कींदुर. सहर्कनगा वने तिपल आंदन, पेळ्ह्‌कल बूमतुह्‌क अनेक वने तिपल आंदन, सम्दुर वेंडिस अनेक वने तिपल आंदन, विस्वसिरोम इनजोर नाळेह केवालोर मन्कलोर वने, नाक तिपल कींदुर.

2 कुरिंततोर 6:5

मन्कलोर माक नल्हतह्‌तोर, जेलते वाटिह्‌तोर, लोकुरिन जमा कीसि, मावा विरुद रोदा पोयह्‌तोर, बागिस-दोगिस कह्‌टेम कीय्ह्‌नोम, उस्कंडलेवा मह्‌नोम, कग़्वते मह्‌नोम.

2 कुरिंततोर 6:9

उच्वुर माक अदिकरलेवोर इन्ह्‌तोर, वेल्‍लाटोर बार माक किर्स्तुनाङ बळयिर इन्जि, बेस पुन्ह्‌तोर. डोललाह आतोर इनजोर, मन्कलोर माक इन्ह्‌तोर, मति इदु! माट जीवातेन मह्‌नोम. देवुळि माक सुद्रे कीसोर मन्ह्‌ताये, मति मावा जीवातुन ओयो.