बळयिर 19:11 - माडिया गोंड पवित्र सास्त्रम

¹¹ (पोलु इपिसुस सहरते मनदह्‌पा,) लोकुर मुने बेस्केन ऊळवा-केंजवा मतोर, अद्रमताङ देवुळि तना लावताङ कबस्किन पोलुना कयदे तोहता.

बळयिर 19:11 Iomraidhean Croise

योहन 14:12

इह केंजाट, नना सेतेम वेहतह्‌नन, नना कीयनव बेरा डीसाताङ कबस्किन, नाक नमवालोर वने कीयनुर, ओसो अविस्किह्‌काय वीळिस बेह्‌राङ कबस्क कीयनुर. बाराह्‌क इतेके नना बाबानेके दाय्ह्‌नन इनजोरे.

बळयिर 14:3

अस्के पोलु, बार्नबस, वेर इर्वुर बळयिर वेल्‍लाङे दियाङ अगान मतोर. येसुसामिना पोग़ोन विस्वस कीसि रेयवालेवा, ओना दयाता पोल्‍लोतुन पोकुर कीसोर मतोर. पोकुर कीनेके, येसु ओरा कयदे तना लावताङ वेल्‍लाङे बामिह कीयनाङ सीनाङ तोहचि, ओर वेहतनाङ पोल्‍लोङ सेतेमे इनजोर तोहतोग़.

बळयिर 15:12

पत्रु इद्रम इतापया, पोलु, बार्नबस वने, तमा कयदे यहुदि आयवोरगा देवुळि बेव-बेव बामनव सीनाङ तोहता, इनजोर वेहतोर. वेहतह्‌पा, सबेटोर केमेन आसि ओरा पोल्‍लो केंजतोर.

बळयिर 16:18

वेल्‍लाङे दियाङ अद अद्रमे कीसोर मता. पया उंद दिया पोलु पका नारज आतोग़. आसि पेग़्के मिळ्न्दिस तानगा मतद देयमतुन इतोग़, “येसु किर्स्तुना पेदिरते नीक उकुम ईय्ह्‌नन, इद पिलाताहि पेसिस अन!” इनजोर, देयमतुन दगाङ ईतोग़. इताहे अद देयम पेसिस अता.

बळयिर 5:12

अद्रमे पया बळयिरा कयदे, देवुळताङ बामनाह लेह्‌काडाङ वेल्‍लाङे सीनाङ, लोकुरा मुनेह आंदुङ. (विस्वसिरा मुलु मंदिरता साल्मोन राजाना मंडातगा, उंदिय एकाते जमा आंदुर.

बळयिर 8:13

पया सिमोन वने विस्वस कीसि, येसुना पेदिरते एग़ मीतोग़. पिलिप, देवुळता लावते बेराङ-बेराङ डीसाताङ कबस्क कींदोग़. अव कबस्किन ऊळिसि, सिमोन बामिंदोग़. अदिनेनाह्‌क ओग़ पिलिपनाय संगे मंदोग़.

गलातितोर 3:5

इतेके देवुळि तना पवित्र जीवा मीक ईस्ता, मियेनाह्‌कु बामिह कीयनाङ कबस्क कीस्ता बहु? मीट अडोन माळताह्‌कु कीस्ताया, बार किर्स्तुनाङ केंजिसि, विस्वस तासताह्‌कु कीस्ताया?