बळयिर 19:1 - माडिया गोंड पवित्र सास्त्रम

¹ अद्रमे अपुलोस अकाया पटटा कुरिंत सहरतगा मनदह्‌पा, पोलु गलाति पटटाहि पेसिस वानेके, इपिसुस सहरते एवतोग़. एवतस्के अगा ओन्क उच्वुर विस्वसिर कलियतोर.

बळयिर 19:1 Iomraidhean Croise

बळयिर 18:1

पया पोलु एतेंस सहरताहि अकाया पटटा कुरिंत सहरते अतोग़.

बळयिर 18:8

पया पार्तनाता लोतुन ताकिह केवाल, किरिस्पुस पेदिरतोग़ मुक्याना पूरा लोतोर येसुन विस्वस कीतोर. ओसो कुरिंत सहरतोर वेल्‍लाटोर पोलुना पोल्‍लोतुन केंजिसि, येसुन विस्वस कीतोर, कीसि येसुना पेदिरते एग़ मीतोर.

बळयिर 19:17

इपिसुस सहरतगा मनवालोर, वेल्‍लाटोर यहुदिरिह्‌क ओसो युनानिरिह्‌क वने, इद पोल्‍लो एर्का आता. ओर केंजिस पका रेयतोर. रेयिसि येसुसामिना पेदिरतुह्‌क पकाय कदर ईंदुर.

बळयिर 19:26

मति इंजेके वेग़ पोलु बाताल कीयलाह आतोग़, अदिन मीट इतेके ऊळसोरेन-केंजसोरेन मह्‌निर. कयदे पंडटव पेन्कु बाताङ इलेङ, उगसताङे मन्ह्‌ताङ इनजोर, लोकुरिन वेहता बोटटोग़. अह इनजोर सिरप इपिसुस सहरतगान आयो, मति मावा आसिया पटटोर वेल्‍लाटोर मन्कलोरिन, तना पोल्‍लोतुन विस्वस कीयनाह वेहतोग़.

बळयिर 20:16

पंटाता पंडुमतुह्‌कयेरुसलेम सहरते एवयलाह, पोलु कंद्रेम आंदोग़. अदिह्‌क इपिसुस सहरते रोमतेक अचोन, इदे आसिया पटटगा पका आल्सेम आयग़ा इन्जि, इपिसुस सहरतुन एग़िस दायनद ओडा पोयतकन इनजोर, मुने विचर कीस मतोग़.

बळयिर 20:18

ओर वातस्के ओरिन इद्रम इतोग़, “नना मुने आसिया पटटे वासि, इग्डाह पेसिस अनाह्‌जोम, मीवा संगे बेद्रम मतन इनजोर, मीट पुतिरे.

बळयिर 21:29

ओर मन्कलोर इपिसुस सहरतोग़ युनानि जाततोग़ तुरुपिमुसिन, पोलुना संगे येरुसलेमते तिरियनेके, ऊळिस मतोर. अदिह्‌क वेन वने पोलु मंदिरता लोप्पा तच मनदनोग़ बहे, इनजोर विचर कीतोर. (मति पोलु इतेके अद्रम केवोग़).

1 कुरिंततोर 1:12

अद इद्रमि: मीवा मन्कलोरग्डाहि ओर्वोग़ इन्ह्‌तोग़ “नना पोलुनकेडोनन,” ओर्वोग़ इन्ह्‌तोग़ “नना अपुलोसनकेडोनन,” ओर्वोग़ इन्ह्‌तोग़ “नना पत्रुनकेडोनन,” ओर्वोग़ इन्ह्‌तोग़ “नना किर्स्तुनकेडोनन,” इद्रम इन्जि, मीट वळ्ह्‌कलाह आतिर!

1 कुरिंततोर 15:32

इपिसुस सहरतगा, गेळा जन्वर्कना बुदलेह्‌काडोर मन्कलोरा संगे लळेम आतन. डोलतोर ओसोवने जीवा अरवोर इतेके, ओरा संगे नना लळेम आस, नाक बाताल पाय्दा दोर्कालि? अह इतेके, इस्रयेलतोर मुने इनदना लेह्‌कान, “नाळ कोनि डोलना मन्ह्‌ता, अदिनेनाह्‌क तिनदकल, उनडकल, गिर्दाते मनदकल,” इनजोर मनाह आवालि.

1 कुरिंततोर 16:12

मावा ऐंगेटोग़ विस्वसि अपुलोसना पोल्‍लो इद्रमि: “दुस्रोर विस्वसिरा संगे कुरिंत सहरते अन” इनजोर नना ओन पकाय वेहच ऊळतन. मति इंजेके मियगा वायलाह, ओन्क मुर्तिय विचर इले. पया मोका दोर्कतेक वायनोग़.

1 कुरिंततोर 16:8

मति पंटाता पंडुम एवनाह, इगा इपिसुस सहरतेन मनदकन.

1 कुरिंततोर 4:6

मावोर विस्वसिरिर! सास्त्रमते रासतव पोल्‍लोह्‌कु वीळिस दायनद आयो इनजोर इन्ह्‌तोर. इद पोल्‍लोता अर्तमतुन मीट कग़यना इन्जि, नना अपुलोसना ओसो नावा लोप्पाडाङ पोल्‍लोन पोग़ोन रासिस तोहतन. अव पोल्‍लोन बेस केंजतिर इतेके, माट सेवकिरग्डाहि ओर्विना लोप्पा बार पोग़यना, दुस्रोना बार कदर रेहतना, इद्रम मीट केविर आयकिर.

इपिसुसतोर 1:1

नना पोलुनन, देवुळता विचर मतपु, येसु किर्स्तुना बळयिनन आतन. मीट इपिसुस सहरते मनवालोर देवुळता मन्कलोरिह्‌क इद सीटि रासलाह आतन. मीट किर्स्तु येसुन विस्वस कीसोर दायलाह आतिर.