बळयिर 17:3 - माडिया गोंड पवित्र सास्त्रम

³ देवुळ लोहतोग़ पिसिह केवाल किर्स्तु तिपल आसि डोलनाये मता, डोलिस ओसोवने जीवा अरयना मता इनजोर, देवुळता सास्त्रमतग्डाङ पोल्‍लोन उंद-उंद वचन तोहचि, तेळियिह कीस वेहतोग़. ओसो “बोग़ येसुना लोप्पा मीक वेहतन ओग़े येसु, पिसिह केवाल किर्स्तु आंदोग़,” इनजोर वेहतोग़.

बळयिर 17:3 Iomraidhean Croise

लूकाल 24:32

पया ओर तमतमाय, “ओग़ मावा संगे वासोर अग़दे गोटिङ कीतोग़, ओसो देवुळता सास्त्रमताङ पोल्‍लोन तेळियिह कीतोग़. अस्के ओना पोल्‍लो मावा जीवातुह्‌क बेचोन मिटस दल्गता, आयोया?” इनजोर ओर्विह्‌क-ओर्वोग़ इतोर.

लूकाल 24:44

तिन्जि ओरिन इद्रम इतोग़, “इव पोल्‍लोङ बेव इतेके नाक हव्कनामुने मीवा संगे मतन, अस्के मीक वेहतव आंदुङ. मोसानाङ अडोना सास्त्रमतगा, देवुळता कबुरतोराङ पुस्तकिनगा, ओसो देवुळताङ पाटानगा, नावा लोप्पा रासतव सबे पोल्‍लोङ करल आयनद मता. अदिनेनाह्‌क इद्रम आता,” इनजोर वेहतोग़.

लूकाल 24:46

ओसो इद्रम इतोग़, “सास्त्रमतगा इद्रम रासतद मन्ह्‌ता इतेके: देवुळ लोहवाल पिसिह केवाल किर्स्तु, तिपल आस डोलनोग़. ओसो मूंड दियाने ओसोवन जीवा अरयनोग़.

योहन 20:9

बाराह्‌क इतेके येसु हामुरताहि ओसो जीवा अरयनद गावले, इद्रम सास्त्रमते रासिस मतद पोल्‍लो, ओरिह्‌क अचानाहि तेळियवाय मता.

बळयिर 1:4

उंद दिया ओग़ ओरा संगे मतस्के, ओरिन जमा कीसि, इद्रम उकुम ईतोग़, “देवुळता पेदिरते मीहवाल योहन, लोकुरिन एते मीहन्दोग़. मति वेल्‍ला दिया आयो, देवुळि तना पवित्र जीवाते मीक मीहतग़ा. इदिन कीकन इन्जि, बाबाल पोल्‍लो विळ्सिस मतोग़ इनजोर, नना मुनेन मीक वेहच मतन. अदिह्‌क मीट येरुसलेम सहरतुन विळ्समाट मति, अद जीवातेनाह्‌कु केपाट,” इनजोर वेहतोग़.

बळयिर 18:28

बेद्रम इतेके, अग्डोर यहुदिरिन येसुये पिसिह केवाल किर्स्तु आंदोग़ इनजोर, देवुळता सास्त्रमतग्डाहि ओरिन बेस-नेह्‌ना तोहतोग़. ओर वळ्ह्‌कवाह, सबेटोरा मुनेह देवुळताङ पोल्‍लोङ वेहन्दोग़.

बळयिर 18:5

पया सीलासि, तिमोति, मकिदुनिया पटटाहि कुरिंत सहरते वातोर. ओर वातापया, पोलु (तना टमिना कबळतुन विळ्सिस,) देवुळता पोल्‍लोतुन दिनमे पोकुर कींदोग़. सास्त्रम वेहतपु, देवुळि बोग़ पिसिह केवान लोहतना मता, ओग़ येसुये आंदोग़ इनजोर, यहुदिरगा साक्सि वेहन्दोग़.

बळयिर 3:18

किर्स्तु राजाल सिक्सा आयनोग़ इन्जि, देवुळि तना कबुरतोर कतमतोरा संगे, मुनेन वेहच मता. देवुळि ओन अद्रमे कीसि, अद पोल्‍लोतुन इद्रम करल कीता.

बळयिर 9:22

मति सोलुना दीरा वेल्‍लाय वीळसोर अता. येसुना पोल्‍लोतुन ओग़ वेहचोरे अंदोग़. दमिस्क सहरतोर यहुदिरिन येसुये देवुळ लोहतोग़ पिसिह केवाल किर्स्तु आंदोग़ इन्जि, बेस-नेह्‌ना सास्त्रमताहि वेहतोग़, अदिह्‌क ओर पकाय एक्बेक आतोर.

गलातितोर 3:1

ए गलातितोर बुदलेवोरिर! येसु किर्स्तुह्‌कु बेद्रम हव्कनागुटाता सिक्सा दोर्कता, अवटे माक बह अमेसाता पिसमुळ दोर्किह्‌ता, इदिन मीकु नना पिङम-पङम वेहच मतन. इतेके बोरो मति (मीक अडोने ताकलाह काग़्हचि) मूसेङ कीतोरे, इद बेस आयो!