बळयिर 17:11 - माडिया गोंड पवित्र सास्त्रम

¹¹ बिरिया सहरतोर यहुदिर, तिसलुनि सहरतोर यहुदिरा लेह्‌काडोर कैंगम बुदतोर आयोर. अदिनेनाह्‌क पोलु वेहतद पोल्‍लोतुन, बेस केव वाटिस केंजिदुर. ओसो इव पोल्‍लोङ निटमेया-जोलिया इनजोर, दिनमे पोलु वेहतदिन, सास्त्रमतगा पर्ह्‌किस ऊळिंदुर.

बळयिर 17:11 Iomraidhean Croise

मत्याल 13:23

मति राब जागा इहलेह्‌काडा आंदु. बोर कबुरतुन केंजिह्‌तोर, काळ्ङिह्‌तोर, पया ओरु पलत पेसिसि बेसताङ कबस्क कीस्तोर. बेद्रम राब जागातगा अरतद विजा, उंद-उंद मोदुदुह्‌कु बेगा डेडा वीसा (30), बेगा मूंड वीसाङ (60), बेगा नूरु (100) इद्रमलेह्‌का तेना पंटा वाता, अद्रमता राब जागालेह्‌का ओर मन्कलोर आस्तोर, अद्रमता पंटालेह्‌का ओराङ कबस्क दिसनुङ,” इन्जि येसु इतोग़.

लूकाल 11:3

मावा दिनमता तिंडि दिनम ईसोर मनु.

लूकाल 16:29

इतस्के अब्रहम इतोग़, ‘ओरगा इतेके मोसाल रासतव अडोङ, ओसो दुस्रोर देवुळता कबुरतोर रासतव पुस्तकिङ मन्ह्‌ताङ. अविस्किन अर्विसि, अग्डा पोल्‍लोतुन केंजिर, अद्रमलेह्‌का ताकिर,’ इतोग़.

लूकाल 24:44

तिन्जि ओरिन इद्रम इतोग़, “इव पोल्‍लोङ बेव इतेके नाक हव्कनामुने मीवा संगे मतन, अस्के मीक वेहतव आंदुङ. मोसानाङ अडोना सास्त्रमतगा, देवुळता कबुरतोराङ पुस्तकिनगा, ओसो देवुळताङ पाटानगा, नावा लोप्पा रासतव सबे पोल्‍लोङ करल आयनद मता. अदिनेनाह्‌क इद्रम आता,” इनजोर वेहतोग़.

योहन 3:21

मति सेतेमते ताकवालोर मन्कलोर वेह्‌चलेह्‌काडोना एरे वास्तोर; वानाह्‌कु, देवुळ वेहतपु ओर ताकनदु, सबेटोरिह्‌क दिसिह्‌ता.

योहन 5:39

पवित्र सास्त्रम पुन्जि, माकु अमेसाता पिसमुळ दोर्कग़ा इन्जि, मीटु अग्डाङे कग़यसोर मह्‌निर. केंजाटु, इदे सास्त्रम नावाय लोप्पा वेहतह्‌ता.

बळयिर 10:33

अदिनेनाह्‌क नना तोप्नेन नियेके कबुर लोहतन. निमा एवतिन अदिह्‌क पकाय बेस कीतिन. इंजेके देवुळि नीक वेहतव सबे पोल्‍लोन केंजलाहि, माट देवुळता मुनेह जमा आतोम,” इनजोर कुरनेलि इतोग़.

बळयिर 11:1

अद्रमे पया, यहुदि आयवोर वने देवुळता पोल्‍लोतुन विस्वस कीतोर इन्जि, येसुनाङ बळयिर ओसो पूरा यहुदा पटटा विस्वसिर केंजतोर.

बळयिर 17:1

पोलु, सीलास, वेरु (पिलिपि सहरताहि पेसिस,) अंपिपोलिस ओसो अपुलोनिया इव सहर्किह्‌क अतापया, तिसलुनि सहरते एवतोर. अगा यहुदिरापार्तनाता लोन मता.

बळयिर 2:41

पत्रुना कबुरतुन केंजिस वेल्‍लाटोर विस्वस कीतोर, विस्वस कीसि, येसुना पेदिरते एग़ मीतोर. अद दिया जोक-जोक मूंड अजर्क मन्कलोर विस्वसिरा मुडगा कलियतोर.

1 तिसलुनितोर 1:6

मीट वने येसुन विस्वस कीताह्‌कु, पकाय तिपलते अरतिर. तेला मति देवुळता जीवा, मीक ईतद गिर्दाते, बेसता कबुरतुन नमतिर. अचोन तिपलते वने, बेसता कबुरतुन नमताह्‌कु, मावा लेह्‌का ओसो सामिना लेह्‌का ताकलाह आतिर.

1 तिसलुनितोर 2:13

माट मीक देवुळता पोल्‍लोतुन वेहतोम अस्के, मीट तान मन्कलोरा आयो, मति देवुळता पोल्‍लो इनजोर केंजतिर. अदिनेनाह्‌क वने, माट अमेसा देवुळतुन जोहर कीय्ह्‌नोम, अद निटम देवुळता पोल्‍लोये! अद पोल्‍लो इंजेके मीक विस्वस कीतोरिन, देवुळतुह्‌क विचर वानाह पिसलाह, बद्ले कीयलाह आता.

2 तिसलुनितोर 2:10

सबे रीतिनाङ लाग्वाङ कबस्क तोहतनोग़; ओनाङ कबस्कु, बूळेम आयनद अग़दे अनवालोरिन नाळेह कीयनुङ. ओरु येसु किर्स्तुना पिसिह कीयनद सेतेम पोल्‍लोतुन केंजोर.

याकुब 1:21

अदिनेनाह्‌क मीवा जीवातग्डाहि सबे रीतिना माचतुन, ओसो लाग्वाङ कबस्किन, जेक कीम्ह्‌टु. कीसि देवुळ मीवा जीवातगा ओग़्सतद पोल्‍लोतुन, कुलुल बुदते मोन्ह्‌टलाह ईम्ह्‌टु. अद पोल्‍लो मीक पिसिह कीया पग़यह्‌ता.