बळयिर 16:9 - माडिया गोंड पवित्र सास्त्रम

⁹ ओर अगा मनदह्‌पा, पोलु नग़्का देवुळ तोहतना लेकातुन ऊळतोग़. अद लेकाते मकिदुनिया पटटोग़ ओर्वोग़ मन्कल ओन्क दिसतोग़. ओग़ मन्कल निचि, “इबर दडटेके वासि, मावा मकिदुनिया पटटोर मन्कलोरिन काग़्हा,” इनजोर अर्जि कीतोग़.

बळयिर 16:9 Iomraidhean Croise

बळयिर 10:3

अद्रमे उंद दिया पियल बह्‌ट अर्स मता. अस्के उंद देवतुलि ओनगा वासि नितदिन, देवुळ तोहतनद लेकाते पोळ्क्नेन कुरनेलि ऊळतोग़. अस्के अदु “ए कुरनेलि!” इता.

बळयिर 10:30

अस्के कुरनेलि इतोग़, “मूंड दियाङ मुने, बह्‌ट अर्स मतस्के, नावा लोतगा पार्तना कीसोर मतन. अस्के ऊळा, तिर्मिळ्स्कना जगा केग़तोग़ ओर्वोग़ मन्कल, नावा मुनेह वास नितोग़.

बळयिर 16:10

कीतस्के, पोलु अद देवुळ तोहतद लेकातुनु, (सीलासिन, तिमोतिन ओसो नाक वने) वेहतोग़ (अगा नना लूकानन ओरा संगे मतन); वेहतस्के येसुना बेसता कबुरतुन पोकुर कीयलाहि, देवुळि माक मकिदुनिया पटटे लोहतलाह आता इनजोर, उंदिय विचर कीसि चट्पिट अगा दायलाह पेसतोम.

बळयिर 16:12

पया अग्डाहि ताकसोर अन्जि, पिलिपि सहरते एवतोम. अदु मकिदुनिया पटटा मुनेटा जिलाता सहर मता; अगा रोम सहरतोरेनाह्‌क गूळा कीतद आंदु. अद सहरतगा माट उचुक दियाङ मतोम.

बळयिर 18:5

पया सीलासि, तिमोति, मकिदुनिया पटटाहि कुरिंत सहरते वातोर. ओर वातापया, पोलु (तना टमिना कबळतुन विळ्सिस,) देवुळता पोल्‍लोतुन दिनमे पोकुर कींदोग़. सास्त्रम वेहतपु, देवुळि बोग़ पिसिह केवान लोहतना मता, ओग़ येसुये आंदोग़ इनजोर, यहुदिरगा साक्सि वेहन्दोग़.

बळयिर 19:21

इव पोल्‍लोङ आतापया, पोलु मकिदुनिया पटटे, अकाया पटटे अन्जि, अग्डाह येरुसलेम दाय्ह्‌नन इनजोर, तना विचर कीतोग़. “येरुसलेम अतापया, अग्डाहि रोम सहरते वने नाक दाया पोयग़ा,” इतोग़.

बळयिर 19:22

पया तना तोळतोर तिमोतिन ओसो इरास्तुसिन मुनेन मकिदुनिया पटटे लोहचि, आसिया पटटगान तना उचुक दियाङ मतोग़.

बळयिर 19:29

अद्रमे ओरा सहरतगा पका रोदा पोसि, सहरता मुल बाताल कीतोर, पोलुना संगे नाह्‌क-नाह्‌क तिरियवालोर गयुस ओसो अरिस्तरकुस, वेर मकिदुनियातोर मन्कलोरिन पोयतोर. वेरिन पोसि कतमतोर गोटुदगा ओळियतोर.

बळयिर 20:1

अद्रमे विरुद कीयनद कट्ला रोमता. पया पोलु विस्वसिरिन तनगा केयतोग़. ओर ओनगा वातस्के, ओरिह्‌क दीरा वानाह वेहतोग़. वेहचि, दाय्ह्‌नन इनजोर ओरिन कलियिस, इपिसुस सहरताहि मकिदुनिया पटटे दायलाह बोटटोग़.

बळयिर 20:3

अन्जि अगा मूंड नेलाङ मतोग़. पया सुरिया पटटे दायलाह ओडातगा उदसोर मनेके, यहुदिर ओन हव्कलाह अग़ ऊळिह्‌तोर इनजोर केंजतोग़. केंजतस्के, (सम्दुरता अग़दुन विळ्सिस,) नना मकिदुनिया पटटुह्‌क अन्जि, बूमता अग़दुन पोयतकन इन्जि, विचर कीतोग़.(अस्के मकिदुनियाते नना लूकानन, ओना तोळ मतन.)

बळयिर 27:2

माट आसिया पटटा अद्रमुतियुम सहरताहि वातद ओडातगा उदतोम. अद ओडा आसिया पटटा कचुल मतव सहर्कनगा दायलाह, पेसिस मता. मकिदुनिया पटटा तिसलुनि सहरतोग़ अरिस्तरकुस वने, मावा संगे वातोग़. (पया केसरिया सहरताहि) पेसतोम.

बळयिर 9:38

इंजेके लुदा नाग़ इतेके, यापा नाटेनाहि एरेन मता. पत्रु लुदा नाटेनगान मन्ह्‌तोग़ इन्जि, अग्डोर विस्वसिरिह्‌क एर्का आता. इद पोल्‍लोतुन केंजिसि, इर्वुर मन्कलोरिन पत्रु चट्पिट वायेग़ इन्जि, ओनेके कबुर लोहतोर.

रोम सहरतोर 15:26

येरुसलेमते मनवालोर मावा ऐंगेटोर गरिब विस्वसिर तिपलते मन्ह्‌तोर इन्जि, मकिदुनिया पटटोर ओसो अकाया पटटोर यहुदि आयवोर विस्वसिर, ओरेनाह्‌क कोताङ अर्हचि लोहचीयना इनजोर, विचर कीतोर. इवे कोताङ एव्सिह कीयलाहि, नना इंजेके दायलाह आतन.

2 कुरिंततोर 11:9

नना मियगा मतन अस्के, नाक कोताना गर्ज अर्स मताये! मति नना बोनाय पोग़ोन मोता वाटोन. मकिदुनिया पटटाहि वास मतोर विस्वसिर, नावा गर्जतेनाह्‌क पूरा तोळ ईतोर. इचानाह नना मियग्डोग़ बोनाय पोग़ोन मोता वाटोन, इंजेक मुनेह वने अद्रमलेह्‌कान मोता वाटोन.

2 कुरिंततोर 8:1

मावोर विस्वसिरिर! मकिदुनिया पटटोर सबेटोर विस्वसिरा मुडोरिह्‌कु देवुळि देय्वा ईताह्‌कु, ओर बह कीतोर, अदिन मीक वेहतह्‌नन:

2 कुरिंततोर 9:2

बह इतेके कोताङ ईयलाह, मीट पका विचर आतिर इनजोर, नना पुतन. नीरेताहि अकाया पटटोर विस्वसिर, कोताङ ईयलाह तयर मन्ह्‌तोर इनजोर, मीवा लोप्पा मकिदुनिया पटटोर विस्वसिरिन वेहतन. मीट गिर्दा आतदिन केंजिसि, अग्डोर वेल्‍लाटोर मन्कलोर वने, कोताङ ईयलाह तयर आतोर.

1 तिसलुनितोर 4:10

मीवा मकिदुनिया पटटोर सबेटोर विस्वसिरिन, मीट जीवा कीय्ह्‌निरे. मति मावोर विस्वसिरिर! इंका ओसो पका जीवा कीसोर मन्ह्‌टु इनजोर, माट मीक वेहतलाह आतोम.