बळयिर 16:25 - माडिया गोंड पवित्र सास्त्रम

²⁵ पया नडुमनग़्का पोलु, सीलास, वेरु पार्तना कीसोर देवुळताङ पाटाङ ओसोर मतोर. अस्के अद जेलतगा दोहच मतोर मन्कलोर वने केंजसोर मतोर.

बळयिर 16:25 Iomraidhean Croise

लूकाल 22:44

येसु पका दुकमते निंदिसि, जीवा काल्सतप आसि, पार्तना कींदोग़. अद्रम पार्तना कीनेके, ओना एपुरि नेतुरताङ डोंगेना लेह्‌का नेल अर्न्दु.]

बळयिर 15:22

पया बळयिर, विस्वसिराङ पेदल्कु, येरुसलेमतोर विस्वसिरा पूरा मुलु, बाताल इतोर इतेके, “इंजेके याकुब इतव पोल्‍लोन रासिसि, मयग्डोर विस्वसिरा कयदे अंताकिया सहरते लोहतकल. ओरु पोलुना, बार्नबसिना संगे दायनुर,” इतोर. पया यहुदा बार्सबा इनवान आचतोर, ओसो सीलास इनवान वने आचतोर. वेर इर्वुर आसि विस्वसिरगा पेदा मन्कलोर मतोर.

बळयिर 16:19

अस्के अद पिलातुन तासिस मतोर माल्कालोर, इंजेके माक कमय कीयलाहि अग़ दोर्को इनजोर, बेद्रम कीतोर इतेके, पोलुन, सीलासिन पोसि, बजरतगा गुंजिस ओतोर.

बळयिर 16:33

पया नग़्काडा नग़्कान दरोगाल ओरिन ओसि, ओराङ देबान नोग़तोर. नोग़तस्के ओग़ु ओसो ओना लोतोर सबेटोर, येसुना पेदिरते एग़ मीतोर.

बळयिर 5:41

विळ्सिस ईतस्के बळयिर, येसुना पेदिरतेनाह्‌क माक देबाङ अरताङ इनजोर, बेस गिर्दाते पंचताहि पेसिस अतोर.

रोम सहरतोर 12:12

देवुळि मीक ईतद आसाते, गिर्दा आस मन्ह्‌टु. तिपल्क वातस्के, आरेम आयवा निच मन्ह्‌टु. अमेसा पार्तना कीसोर मन्ह्‌टु.

रोम सहरतोर 5:3

वेट आसातेन आयो, मति मावाङ तिपल्कने वने, बेस-नेह्‌ना गिर्दा आतल. बह इतेके, बेस्के माट तिपल्कने अरयह्‌नल, अस्के माट दीरा पोस मनदनदिन कग़यिह्‌नल.

2 कुरिंततोर 6:10

दुकम आतेक तेला, बेस गिर्दा आस मह्‌नोम. माट कोताङलेवोरोम मह्‌नोम, मति वेल्‍लाटोर मन्कलोर देवुळता बेरा बर्कततुन दोर्किह कीयनाह कीय्ह्‌नोम. मयगा बाताले इलवेक तेला, किर्स्तुनग्डाह दोर्कनव सबेटव मयेनाह्‌के मन्ह्‌ताङ.

इपिसुसतोर 5:19

निंदिस मन्जि, देवुळता सास्त्रमताङ पाटाङ ओसो रीतरीतिनाङ पाटाङ, इविस्कने सामिना जोहर कीसोर, मीवा पूरा जीवाताहि ओसोर मन्ह्‌टु.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

इब्रितोर 5:7

येसु इद बूमतगा मतोग़ अस्के, तनाह्‌क हामुरताहि पिसिह कीया पग़यनद देवुळतुन जोरते केयसोर, अळसोर पार्तना कींदोग़, अर्जि कींदोग़. ओग़ देवुळतुन मान ईताह्‌कु, अद ओना पार्तनातुन केंजता.

याकुब 1:2

मावोर विस्वसिरिर, मियगा बेस्के मीवा आसातुन देहतनव अलग-अलग रीतताङ पोल्‍लोङ वायनुङ, अस्के मीट पका गिर्दा आम्ह्‌टु.

याकुब 5:13

मियगा बोग़ाय तिपलते मतेके, पार्तना कीयेग़. बोग़ाय बेस सुकमते मतेके, देवुळतुन जोहर कीसोर पाटाङ ओयेग़.

1 पत्रु 4:14

मीटु किर्स्तुना लोकुरिर मताह्‌कु, बोग़ाय मीवा मोकम एग़ रेहतेके, मीट देय्वातोरिरे. बाराह्‌क इतेके, मीवा पोग़ोन देवुळता जीवाता दळ्म मन्ह्‌ता, अद मीकु देवुळता डीसा तोहतग़ा.