बळयिर 16:15 - माडिया गोंड पवित्र सास्त्रम

¹⁵ पया अद आंचाळि, ओसो ताना लोते मनवालोरु, येसुना पेदिरते एग़ मीतोर. एग़ मीतापया, अद माक इता, “नाक येसुना सेतेम विस्वसि आंचाळि इनजोर मीट इतेके, मीट सबेटोरिर नावा लोन वास मन्ह्‌टु,” इनजोर इता. माट केंजनाह्‌जोम अद पका गोंडगोंड आता, अस्के माट ताना लोन अतोम.

बळयिर 16:15 Iomraidhean Croise

मत्याल 10:41

देवुळता कबुरतोग़ ओर्विन, कबुरतोग़ इन्जि बोर बेस ऊळिह्‌तोर, ओरिह्‌कु देवुळतेनाह कबुरतोनाय इनम दोर्कग़ा. ओसो सेतेम मन्कल ओर्विन, सेतेमतोग़ इन्जि बोर बेस ऊळिह्‌तोर, ओरिह्‌कु सेतेमतोनाय इनम दोर्कग़ा.

मत्याल 3:6

ओर तमा कीता पापमतुन कबुल आसि, योर्दन बेरेटगा वासि, योहनना कयदे देवुळता पेदिरते एग़ मींदुर.

लूकाल 14:23

इतस्के ओना माल्काल इतोग़, ‘निमा ओसोवन अन, अन्जि नाह्‌कनाङ अग़िना कचुल, ओसो पोलह्‌कने अन्जि, ओर लोकुरिन अर्जि कीसि, ओरिन पोस वायु. नावा लोन पूरा निंदिस मनि.

लूकाल 24:29

अदिनेनाह्‌क ओरु, “इंजेके पोळ्‍द अता, नेटुह्‌क मयगान रोमा दादा” इनजोर, ओन गोंडगोंड आतोर. अस्के येसु ओरगान रोमतोग़.

बळयिर 11:14

ओग़ वासि मीक देवुळता पोल्‍लोतुन वेहतनोग़, अद पोल्‍लोते देवुळि नीकु, नीवा लोते मनवालोर सबेटोरिन पिसिह कीयग़ा,” इनजोर वेहता,’ इतोग़.

बळयिर 16:31

ताल्ह्‌कतस्के ओर वेहतोर “येसुसामिन विस्वस कीम, अस्के नीकु, नीवा लोतोरिह्‌क, अमेसाता पिसमुळ दोर्कग़ा,” इतोर.

बळयिर 16:33

पया नग़्काडा नग़्कान दरोगाल ओरिन ओसि, ओराङ देबान नोग़तोर. नोग़तस्के ओग़ु ओसो ओना लोतोर सबेटोर, येसुना पेदिरते एग़ मीतोर.

बळयिर 16:34

पया दरोगाल ओरिन तना लोन ओसि, ओरिह्‌क गाटो ईतोग़. ओग़ तना लोतोरा संगे, देवुळतुन विस्वस कीसि, पका गिर्दा आतोग़.

बळयिर 18:8

पया पार्तनाता लोतुन ताकिह केवाल, किरिस्पुस पेदिरतोग़ मुक्याना पूरा लोतोर येसुन विस्वस कीतोर. ओसो कुरिंत सहरतोर वेल्‍लाटोर पोलुना पोल्‍लोतुन केंजिसि, येसुन विस्वस कीतोर, कीसि येसुना पेदिरते एग़ मीतोर.

बळयिर 8:12

मति पिलिप अगा अन्जि, देवुळि मन्कलोरगा राजेम कीयनद बेसता कबुरतुन, ओसो येसुये देवुळ लोहतोग़ पिसिह केवाल किर्स्तु आंदोग़ इनजोर, वेहता बोटटोग़. अद पोल्‍लोतुन केंजिस विस्वस कीतोरु, आस्क-कोय्तोर येसुना पेदिरते एग़ मीया बोटटोर.

बळयिर 8:38

पया कोडागाडातुन अगान निल्पिह कीया वेहतोग़. निल्पिह कीसि पिलिप, ओग़ मंत्रि, इर्वुर आसि एतगा नेङतोर. अस्के पिलिप ओन येसुना पेदिरते एग़ मीहतोग़.

रोम सहरतोर 16:23

गयुसना लोतगा माट इर्वोम आस मह्‌नोम, ओनाय लोते इद कुरिंत सहरता विस्वसिरा पूरा मुलु जमा आस्तोर. ओग़ वने मीक जय येसु इन्ह्‌तोग़. मावा तोळतोर विस्वसिर कवारतुस, ओसो इद सहरताङ कोतान ऊळेवाळे केवाल इरास्तुस, वेर वने मीक जय येसु इन्ह्‌तोर.

2 कुरिंततोर 12:11

नना बेदिह्‌क ओजोन! मति माटे किर्स्तुनाङ बळयिरगा पका बेरोरोम इनजोर, उच्वुर जोल वेहचोर तिरियिह्‌तोर. निटमे ओरिह्‌काय नना बेदे पोल्‍लोते उड्लोनन आयोन. अदिह्‌क नावा लोप्पा मीट पोग़यना मता! मति मीट केमेन मताह्‌कु, ननाय पोग़यतन, ओसो बुदलेवोना लेह्‌कान आतन! पोग़यलाह मीटे नाक तग़्हतप लेह्‌का कीतिर!

2 कुरिंततोर 5:14

माट बह मतेकाय, किर्स्तु माक जीवा कीतोग़, अदे पोल्‍लो माक पूरा ताकिह कीस्ता. अदिह्‌क इद्रम विचर कीतोम: ओग़ वग़ोग़ सबेटोर मन्कलोरा जागाते डोलिस मतोग़. अदिह्‌क ओना हामुरते माट सबेटोरल कलियतल, ओना संगे हातप आतल.

गलातितोर 6:10

अदिनेनाह्‌कु माक बह मोका दोर्किह्‌ता, अह माट सबेटोरेनाह्‌क बेसताङ कबस्क कीयिङ, कास कीसि मावोर विस्वसिरेनाह्‌कु. (इद्रमलेह्‌का माट देवुळता जीवाता पेग़्के ताकना गावले.)

इपिसुसतोर 1:1

नना पोलुनन, देवुळता विचर मतपु, येसु किर्स्तुना बळयिनन आतन. मीट इपिसुस सहरते मनवालोर देवुळता मन्कलोरिह्‌क इद सीटि रासलाह आतन. मीट किर्स्तु येसुन विस्वस कीसोर दायलाह आतिर.

पिलिपितोर 1:7

मीट सबेटोरिन इद्रम सीता कीयनद नाक बेस ओप्पिह्‌ता. बह इतेके नना इगा जेलते मनदह्‌पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्‍लो मल्हचि, ओना बेसता कबुर सेतेम मन्ह्‌ता इनजोर करल कीयनद, इद नावा कबळते वने, मीट तोळ आतिर. अदिनेनाह्‌क मीक नना जीवा कीय्ह्‌नन.

पिलेमोन 1:17

सामिना कबळते निमा नाक नीवा ऐंगेटोग़ इनजोर इतेक अचोन, नीवा लोतगा नाक बेस-नेह्‌ना केयिस उदिह कीयना लेह्‌कान, ओन वने केया.

इब्रितोर 13:2

अग़दुह्‌क अनवालोर विस्वसिर मियगा वातेके, ओरिन पुनवेक तेला, बेस ऊळाटु. बह इतेके, इद्रम कीसि उच्वुर मन्कलोर पुनवालेवाये, देवतुल्किह्‌क वने जावा-एग़ कीसीतोर.

1 पत्रु 5:12

नना मीकु इद उड्ला सीटि, नावा तमोग़लेह्‌का मनवाल, कर्तुळ विस्वसि सीलास, वेना साय्ताते रासिस लोहतह्‌नन. मीकु बाताले आयि, देवुळता देय्वा मियगा अमेसा तोळ मन्ह्‌ता इन्जि, मीकु तेळियिह कीयलाहि, ओसो पेग़्के-मुनेह आलिह केवा, मीट विस्वसतुन पोस मन्ह्‌टु इन्जि बुद वेहतलाह, नना इद सीटि रासतन.

2 योहन 1:10

अदिनेनाह्‌क वेहतलाह आतन, किर्स्तु काग़्हतव पोल्‍लोन काग़्हवोग़ मन्कल, मियगा काग़्हतलाह वातेके, ओन मीवा लोते केयमाटु, ओसो जोहर वने केमाटु.

3 योहन 1:5

नावा गोतयानिन! मावोर विस्वसिर नियगा वातेके, निमा ओरिह्‌क बेदाय कबळ कीसीयह्‌पा, नाळेह केवालेवा कीसीय्ह्‌निन. पुनवोर विस्वसिर मतेक तेला, ओरिन बेस ऊळिह्‌निन.

3 योहन 1:8

ओरु सेतेम पोल्‍लोन वेहतनद कबळ केवालोर आंदुर. अदिनेनाह्‌क माट अद्रमतोरिह्‌क साय्ता कीयना गावले. अद्रम कीतेके, माट वने ओरा संगे सेतेमतेनाह्‌क कबळ केवालोरा लेह्‌का आयकल.