बळयिर 16:1 - माडिया गोंड पवित्र सास्त्रम

¹ पया पोलु, (सीलास, गलाति पटटा) दिरबे ओसो लुस्त्रा, इव सहर्कने अतोर. लुस्त्रा सहरतगा तिमोति पेदिरतोग़ ओर्वोग़ विस्वसि मतोग़, ओना तपे युनानि जाततोग़ु, मति तलोग़ि यहुदि आंचाळ आंदु, अद विस्वस वने कींदु.

बळयिर 16:1 Iomraidhean Croise

बळयिर 14:1

इकुनियुम सहरतगा इद्रम आता इतेके, पोलु, बार्नबस, मुनेता लेह्‌का यहुदिरा पार्तनाता लोन अतोर. अगा वेल्‍लाटोरा जीवातगा गडनाह, येसुना बेसता कबुरतुन वेहतोर. अदिह्‌क यहुदिर ओसो दुस्राङ जातिनोर वेल्‍लाटोरे लोकुर, येसुन विस्वस कीतोर.

बळयिर 14:21

पया पोलु, बार्नबस, वेर दिरबे सहरतोर लोकुरिह्‌क, येसुना बेसता कबुरतुन वेहतोर. वेरा पोल्‍लोतुन केंजिस, वेल्‍लाटोर येसुन विस्वस कीतोर. ताना पया वेर दिरबे सहरताहि लुस्त्रा सहरते मलतोर, अग्डाहि पया इकुनियुम सहरते वातोर, इकुनियुमताहि पिसिदिया एरियाता अंताकिया सहरते अतोर.

बळयिर 14:6

इद पोल्‍लो पोलुह्‌क, बार्नबसिह्‌कु, एर्का आता. अदिनेनाह्‌क ओर इकुनियुमताहि पेसिस, गलाति पटटा लुकावनिया जिलाते विततोर. अद जिलाता लुस्त्रा सहरते, दिरबे सहरते, ओसो एरे-गूरेताङ नाह्‌कनगा अन्जि, बेसता कबुरतुन पोकुर कींदुर.

बळयिर 17:14

अदिह्‌क बिरियातोर विस्वसिर बाताल कीतोर इतेके, उय्तुर विस्वसिरा संगे पोलुन ओडाते उदिस दायलाहि, सम्दुरकचुल लोहतोर. मति सीलास, तिमोति, वेर इर्वुर बिरिया सहरतगान मतोर.

बळयिर 18:5

पया सीलासि, तिमोति, मकिदुनिया पटटाहि कुरिंत सहरते वातोर. ओर वातापया, पोलु (तना टमिना कबळतुन विळ्सिस,) देवुळता पोल्‍लोतुन दिनमे पोकुर कींदोग़. सास्त्रम वेहतपु, देवुळि बोग़ पिसिह केवान लोहतना मता, ओग़ येसुये आंदोग़ इनजोर, यहुदिरगा साक्सि वेहन्दोग़.

बळयिर 19:22

पया तना तोळतोर तिमोतिन ओसो इरास्तुसिन मुनेन मकिदुनिया पटटे लोहचि, आसिया पटटगान तना उचुक दियाङ मतोग़.

रोम सहरतोर 16:21

नावा संगे किर्स्तुना सेवा केवाल तिमोति, मीक जय येसु इन्ह्‌तोग़. मावा यहुदि विस्वसिर लुकियुस, यासोन, सोसिपत्रुस वने मीक जय येसु इन्ह्‌तोर.

1 कुरिंततोर 16:10

ओसो उंद पोल्‍लो: तिमोति मियगा वातेके, ओन रेय्‍पिह केवालेवा तासाट. ओग़ वने नावा लेह्‌कान, सामिना कबळ केवाल आंदोग़.

1 कुरिंततोर 4:17

इदे पोल्‍लोतेनाह्‌क नना तिमोतिन मियगा लोहतन. ओग़ नावा जीवा कीतोग़ मग़ना लेह्‌कान आतोग़. ओग़ किर्स्तुना सेवाते, मुर्तिय नाळेह केवोग़. किर्स्तुना अग़दे नना बेद्रम ताकलाह आतन इनजोर, ओग़ मीक सीता अर्हचीयनोग़. नना सबे जागाने, सबेटोर विस्वसिरा मुडोरगा वने, अवे पोल्‍लोन काग़्हतह्‌नन.

1 कुरिंततोर 7:14

विस्वस केवोग़ मुजो तना मुतेन कळ्‍वोग़ कीस्तोग़ इनजोर इनमाटु. आयो, मुतेना विस्वसतेनाह्‌क, ओरा जोळजंतुर पवित्र मन्ह्‌ता. अद्रमे मुते विस्वस केवेकाय, मुजोना विस्वसतेनाह्‌क, ओरा जोळजंतुर पवित्र मन्ह्‌ता. अद्रम आयवेके, ओराङ पिलाङ-पेकोर कळ्‍वोग़ आवेर, मति इंजेके ओर देवुळता मुनेह पवित्र मन्ह्‌तोर.

2 कुरिंततोर 1:1

देवुळता विचरते किर्स्तु येसुना बळयि आयलाह, अद निल्पिह कीतोनन पोलुनन. नना कुरिंत सहरते मनवालोर देवुळता मुडोरिर मीकु, ओसो मीवा अकाया पटटोर सबेटोर देवुळता मन्कलोरिह्‌क, इद सीटटुन रासिह्‌नन. मावा तोळतोग़ विस्वसि तिमोति, नावा संगे इगा मन्ह्‌तोग़.

2 कुरिंततोर 1:19

बह इतेके देवुळता मग़ि येसु किर्स्तुना पोल्‍लोतुन, नना, सीलास, तिमोति, माट मुवोम आस मियगा पोकुर कीतोम. अगा येसु किर्स्तु वने इंगो, आयो इनजोर, इद्रम रेंड विचर्कने वेहोग़. ओग़ अमेसा तोडटा पोल्‍लो पेसतपु, अहे केवाल आंदोग़.

पिलिपितोर 1:1

नना येसु किर्स्तुना कय इळ्न मनवानन पोलुनन आंदन. नावा तोळतोग़ सेवक तिमोति बार इद सीटि, पिलिपि सहरते मनवालोर येसु किर्स्तुन विस्वस कीतोर देवुळता मन्कलोरिह्‌क रासलाह आतोम. मीट विस्वसिरेनाह्‌कु, मीवा मुडगा मनवालोर मुक्यालोरेनाह्‌कु, ओसो सेवा केवालोरेनाह्‌कु, इद सीटि लोहतलाह आतोम.

पिलिपितोर 2:19

येसुसामिना विचर मतेके, नना नावा तोळतोग़ तिमोतिन मियगा चट्पिटे लोहतकन इनजोर, आसा कीयलाह आतन. ओग़ मल्स नयेके वायनोग़ अस्के, मियग्डा कबुरतुन केंजिसि, निटमे नावा जीवातुह्‌क सितुर आयग़ा.

कुलुसितोर 1:1

नना पोलुनन, देवुळता विचर मतपु, येसु किर्स्तुना बळयिनन आंदन. कुलुसि सहरते मनवालोर देवुळता मन्कलोरिर मीक इद सीटि रासलाह आतन. मावा तोळतोग़ विस्वसि तिमोति वने, इगा नावा संगे मीक जय येसु वेहतह्‌तोग़. मीट किर्स्तुन विळ्सवा विस्वस कीय्ह्‌निर इनजोर माट पुतोम. मावा देवुळबाबानाहि मीक सुकमि, देय्वा दोर्कि.

1 तिसलुनितोर 1:1

नना पोलुनन, सीलास ओसो तिमोति, माटु इद सीटटुन मीक तिसलुनि सहरते मनवालोर विस्वसिरा मुडुह्‌क रासलाह आतोम. मीट देवुळबाबाना संगे, ओसो येसुसामि किर्स्तुना संगे जोळेम आतोरिर, मीक देवुळताहि सुकमि, देय्वा दोर्कि.

1 तिसलुनितोर 3:2

मावा तोळतोग़ तिमोतिन मियगा लोहतलाह विचर कीतोम. ओग़ किर्स्तुना बेसता कबुर पोकुर कीयनद कबळते, मावा ऐंगेटोग़ देवुळता सेवा केवाल आंदोग़; इंजेके किर्स्तुनेनाह्‌क वायनव तिपल्कनेनाह्‌कु, बोग़े पेग़्के-मुनेह आयमाकेग़ इनजोर, मीवा विस्वसतुन मेग़्किह कीसीयलाह, मीवा जीवातुन सितुर कीसीयलाह, ओन लोहतोम. माट विस्वसिरल किर्स्तुनेनाह्‌क तिपल आयना इन्जि, देवुळता विचर मन्ह्‌ता इनजोर, मीट पुतिरे.

1 तिसलुनितोर 3:6

मति इंजेके तिमोति मियग्डाहि मलतोग़, ओसो मीट विस्वसतुन विळ्सविर, इंजेके वने लोकुरिन जीवा कीसोर मह्‌निर इनजोर, बेसता कबुर ततोग़. मीक ऊळलाह पकाय मावा जीवा पर्ह्‌कना लेह्‌कान, माक ऊळलाह पकाय मीवा वने जीवा पर्ह्‌किह्‌ता इनजोर वेहतोग़, अद्रमलेह्‌का मीट बेस-नेह्‌ना मावा सीता कीसोर मह्‌निर.

2 तिसलुनितोर 1:1

नना पोलुनन, सीलास ओसो तिमोति, माटु इद सीटटुन मीक तिसलुनि सहरते मनवालोर, विस्वसिरा मुडुह्‌क रासलाह आतोम. मीट देवुळबाबाना संगे, ओसो येसुसामि किर्स्तुना संगे जोळेम आतोरिर, मीक ओरग्डाहि सुकमि, देय्वा दोर्कि.

1 तिमोति 1:18

इंजेके तिमोति नावा पेकानिन, पोग़ोन रासतद बेद जबब्दर नीक ईतन, अद पूना पोल्‍लो आयो. इतेके मुने देवुळता कबुरतोर नीवा लोप्पा बाताङ बाताङ वेहतोर, अहलेह्‌काने नना नीकु इव पोल्‍लोङ वेहतह्‌नन. इव पोल्‍लोनु सीता कीतेके, निमा जोल काग़्हमुळतुनु विरुद कीसोर मनदा पग़यकिन.

1 तिमोति 1:2

तिमोति, नीके नना इद सीटि रासिह्‌नन. विस्वसताङ पोल्‍लोन निमा नयग्डाहि कग़यसोर वातिन इन्जि, निमा नावाये मग़ना लेह्‌काडोनिन. मावा देवुळबाबाल ओसो मावा येसुसामि किर्स्तु, नीकु देय्वा ईयिर, जीवा लोपिर, अह आसि निमा सुकमते पिसा.

2 तिमोति 1:5

नीवा विस्वस निटमता विस्वस इनजोर, नना सीता कीतन. मुने नीवा काको लोयिस, अद्रमे विस्वसता मता. पया नीवा यायालि यूनिके वने, अद्रमे विस्वसता मता. निमा वने अद्रमताय विस्वसतोनिन इनजोर, नावा बर्वस मन्ह्‌ता.

2 तिमोति 3:11

पिसिदिया एरियाता अंताकिया सहरतगा, इकुनियुम सहरतगा, लुस्त्रा सहरतगा, मन्कलोर नाक तिपल कीतदिन, नना सिक्सा आतदिन, मन्कलोर नाक बेद्रमताङ तिपल्क ईतोर, इव तिपल्किन नना आपतदिन वने पुतिन. सामि नाक तोळ आताह्‌कु, नना अव सबे तिपल्कनाहि पिसतन.

पिलेमोन 1:1

नना पोलुनन, किर्स्तु येसुना सेवा कीयनाह्‌क जेलते मह्‌नन, मावा तोळतोग़ तिमोति बार, इद सीटटुन पिलेमोनिह्‌क रासलाह आतोम: पिलेमोन, मावा गोतयानिन ओसो ऐंगेटोग़ सेवकनिन, (नीक जय येसु)! ओसो मियग्डद विस्वसि अपियाह्‌कु, मावा संगे बेसता कबुरतासाटि लळेम आयवाल अरकिपुसिह्‌क, अहे नीवा लोतगा जमा आयवालोर विस्वसिरा मुडुह्‌क, (मयेनाह जय येसु)!

इब्रितोर 13:23

मावा ऐंगेटोग़ तिमोति जेलताहि पेसतोग़, इदिन मीट पुनदना इन्जि, कबुर वेहतह्‌नन. ओग़ इगा चट्पिट एवतेके, माट ऐंगे मियगा वायकोम.