बळयिर 15:12 - माडिया गोंड पवित्र सास्त्रम

¹² पत्रु इद्रम इतापया, पोलु, बार्नबस वने, तमा कयदे यहुदि आयवोरगा देवुळि बेव-बेव बामनव सीनाङ तोहता, इनजोर वेहतोर. वेहतह्‌पा, सबेटोर केमेन आसि ओरा पोल्‍लो केंजतोर.

बळयिर 15:12 Iomraidhean Croise

योहन 4:48

(आपुना गालिल पटटोरा बुद पुन्जि,) येसु ओन इतोग़, “बामिह कीयनाङ सीनाङ ऊळवालेवा, मीटु मुर्तिय विस्वस केविर आयकिर!”

बळयिर 14:27

वातस्के विस्वसिरा मुडुन जमा कीतोर. जमा कीसि, देवुळि ओरा कयदे कीतव बेराङ-बेराङ कबस्किन वेहतोर. ओसो यहुदि आयवोरेनाह्‌क वने, येसुन विस्वस कीयलाहि, देवुळि बेद्रम अग़दुन तेग़यिस ईता, इन्जि वने वेहतोर.

बळयिर 15:3

ताना पया अंताकियातोर विस्वसिरा मुलु ओरिन येरुसलेम लोहतोर. लोहतस्के पोलु ओना तोळतोर बार, पिनिके ओसो सामरिया पटिह्‌क अनेके, यहुदि आयवोर बेद्रम देवुळतके वातोर, अदिन अग्डोर विस्वसिरिह्‌क पूरा वेहचोर अतोर. तान केंजिसि सबेटोर विस्वसिर पका गिर्दा आतोर.

बळयिर 15:4

अद्रमे पया येरुसलेम एवतोर, एवतस्के विस्वसिरा मुलु, बळयिर, विस्वसिराङ पेदल्कु, ओरिन गिर्दाते कलियतोर. कलियतस्के पोलु, बार्नबस, तमा कयदे यहुदि आयवोरगा, देवुळि बाताल बाताल कबळ कीता इनजोर, कतम पोल्‍लोन ओरिह्‌क वेहचीतोर.

बळयिर 21:19

अस्के पोलु ओर सबेटोरिन जोहर कीसि, देवुळि पोलुना सेवाते यहुदि आयवोरगा बाताङ बाताङ कबस्क कीस मता, अव सबेटविन मुर्तिय तपवालेवा वेहतोग़.

रोम सहरतोर 15:18

यहुदि आयवोरु नना वेहतव पोल्‍लोन केंजतोर; नावा कयदे कीतवु, बामनाह लेह्‌काडाङ सीनान ऊळतोर. ऊळिसि, केंजिसि, किर्स्तुन विस्वस कीतोर. इद्रमलेह्‌का देवुळता जीवाता लावते, येरुसलेम सहरताहि इलुरिकुम पट एवनाह, नना किर्स्तुना बेसता कबुरताङ सबे पोल्‍लोन तपवालेवा वेहतन. इद्रम किर्स्तु नावा कयदे कीतव पोल्‍लोनु दीराते वेहतह्‌नन, अविस्किन विळ्सिसि दुस्रा बेदे वेहोन.