बळयिर 13:40 - माडिया गोंड पवित्र सास्त्रम

^40-41 देवुळता कबुरतोर मुनेन (ताना पोल्‍लोतुन केंजवोरिह्‌क) इद्रम रासतोर इतेके, देवुळ इन्ह्‌ता, ‘इद ऊळाट, नावा पोल्‍लोतुन पास्कवालोरिर, नावा नेयमतस्के मीट बामिस डोलकिर, बाराह्‌क इतेके, मीवा वेलाते नना इद्रमता कबळ कीकन इतेके, बोग़ाय वासि मीकु तेळियिह कीतेके, नना इद्रम कीकन इन्जि, मीट मुर्तिय विस्वस केविर आयकिर,’ इनजोर देवुळि वेहता, इन्जि रासतद मन्ह्‌ता. ओर रासतद सिक्साता लेह्‌का मीक आयमाकि इन्जि, पुन्ज मन्ह्‌टु,” इनजोर वेहचि पोलु रोमतोग़.

बळयिर 13:40 Iomraidhean Croise

लूकाल 24:44

तिन्जि ओरिन इद्रम इतोग़, “इव पोल्‍लोङ बेव इतेके नाक हव्कनामुने मीवा संगे मतन, अस्के मीक वेहतव आंदुङ. मोसानाङ अडोना सास्त्रमतगा, देवुळता कबुरतोराङ पुस्तकिनगा, ओसो देवुळताङ पाटानगा, नावा लोप्पा रासतव सबे पोल्‍लोङ करल आयनद मता. अदिनेनाह्‌क इद्रम आता,” इनजोर वेहतोग़.

योहन 6:45

मुनेतोर देवुळता कबुरतोरा सास्त्रमते बह रासतद मन्ह्‌ता इतेके, ओर कतमतोरिन देवुळि काग़्हतग़ा, इद नाक नमवालोरा लोप्पा रासतदु. बोर बाबानग्डाहि केंजिसि कग़यिह्‌तोर, ओर नावाङ पोल्‍लोङ केंजलाह नयगा वास्तोर.

बळयिर 15:15

इद पोल्‍लोतुन देवुळता कबुरतोर वने वेल्‍लाय मुने वेहच मतोर, अद इद्रम रासतद मन्ह्‌ता,

बळयिर 7:42

अदिह्‌क पोग़ोटा पोळ्‍दतुन, नेलातुन, उकान मोळ्किर इन्जि, देवुळि ओरिन विळ्सिस ईता. इद पोल्‍लो देवुळता कबुरतोरा सास्त्रमतगा, इद्रम रासतद मन्ह्‌ता इतेके, ‘ए इस्रयेल मन्कलोरिर, मीट रेंड वीसाङ वर्साङ पेळ्ह्‌कल बूमते जन्वर्कनाङ मोकिङ ईतिर, अविस्किन नयेनाह्‌क ईतिरा? बार दुस्राङ-दुस्राङ पेन्कनेनाह्‌क ईतिर?

इब्रितोर 12:25

अदिनेनाह्‌क उसरते मन्ह्‌टु! देवुळ वेहतनदिन पास्कमाट. इद बूमते मतोग़, (तना कबुरतोग़ मोसाना कयदे,) देवुळि कबुर वेहतस्के, केंजोम इनजोर इस्रयेल मन्कलोर कैंगम आतोर. ओर अद्रम कीताह्‌कु, सिक्साताहि पिस पग़वोर. इतेके अद इंजेके, देवुळदीपते मनवाल (ताना मग़ना मेटे) माक वेहतह्‌पा, केंजोम इनजोर कैंगम आतेके, माट सिक्साताहि बह पिस पग़यकल? मुर्तिय पग़वल!

इब्रितोर 2:3

(देवतुल्क ततद कबुरतुन केंजवोरु, सिक्साताहि पिस पग़वा मतोर;) इतेके मन्कलोर पिसना लोप्पाडा बेरा कबुरतुन, माट पास्कतेक अचोन, बेद्रम पिस पग़यकल? मुने तान वेहतोग़ु, मावा येसुसामिये. पया सामिनाङ केंजतोरु, अद पोल्‍लो निटमे इनजोर, माक तोहचीतोर. ओरा साक्सि सेतेम मन्ह्‌ता इन्जि तोहतलाहि, देवुळि ओरा कयदे बामिह कीयनाङ सीनाङ, बेरा लावताङ कबस्क कीस तोहता. ओसो तना जीवाता मेटे, तना विचर मतपु, विस्वसिरिह्‌क अलग-अलग बुदिङ तूसिसीता; इद्रमता बेरा कबुरतुन, मुर्तिय पास्कनद आयो.

इब्रितोर 3:12

अदिनेनाह्‌क मावोर विस्वसिरिर, जीवात मनदनद देवुळतुन विळ्सिस दायना लेह्‌काडा लाग्वद बुदि, विस्वस केवद बुदि, मियगा मनमाकि!