बळयिर 13:2 - माडिया गोंड पवित्र सास्त्रम

² उंद दिया ओर देवुळतुन मोळ्कसोरे, उपस-पार्तना कीसोर मतोर. अस्के देवुळता जीवा ओरिन इद्रम वेहता इतेके, “नना बार्नबसिन, सोलुन बेद कबळतेनाह्‌क आचतन, अद कबळतेनाह्‌क ओरिन मियग्डाह निल्पिह कीम्ह्‌टु,” इता.

बळयिर 13:2 Iomraidhean Croise

मत्याल 17:21

[मति मीटु देवुळतुन पार्तना कीसोर, उपस कीसोर मतेकेने, इद्रमता देयमतुन पूंड पग़यकिर,]” इन्जि इतोग़.

मत्याल 6:16

“मीट बेस्के उपस कीय्ह्‌निर अस्के, सोङ केवालोरा लेह्‌का मीवा मोकम सोळसोळ आयमाकि. माट उपस कीसोर मह्‌नोम, इद्रम लोकुर ऊळिस माक मान ईयनुर इन्जि, ओरु तमाङ तोडिङ वाग़िह कीस्तोर. इह केंजाट, नना सेतेम वेहतह्‌नन, लोकुरा मान, अचोने ओरा इनम!

मत्याल 9:38

अदिह्‌के पोलमता माल्काललेह्‌काडा देवुळि, लोकुरिन बेसता कबुर वेहचि, तनगा तवालोर बूतिनोरिन लोहि इन्जि, मीटु अर्ज कीसोर मन्ह्‌टु,” इन्जि येसु ओरिन वेहतोग़.

लूकाल 10:1

पया येसुसामि मूंड वीसाङ बारा (72) तनाङ कग़यवालोरिन आचतोग़, आचिसि तन्क दायना मतव सबे नाह्‌कने, ओरिन इर्वुर-इर्वुरिन कीसि, मुनेह लोहतोग़.

बळयिर 10:19

अदे तूकने पत्रु देवुळ तोहतद लेकातुन विचर कीयलाह आस मतोग़; अस्केन देवुळता जीवा ओन वेहता, “पत्रु इके केंजा, मुवुर मन्कलोर नीक पर्ह्‌कसोर वातोर.

बळयिर 10:30

अस्के कुरनेलि इतोग़, “मूंड दियाङ मुने, बह्‌ट अर्स मतस्के, नावा लोतगा पार्तना कीसोर मतन. अस्के ऊळा, तिर्मिळ्स्कना जगा केग़तोग़ ओर्वोग़ मन्कल, नावा मुनेह वास नितोग़.

बळयिर 13:3

इतस्के ओर उपस कीसि, तमाङ कय्किन वेर इर्वुरा पोग़ोन तासिसि,पार्तना कीतोर. कीसि देवुळता कबळतेनाह्‌क ओरिन लोहतोर.

बळयिर 13:4

पया देवुळता जीवा ओरिन ओसीतस्के, इर्वुर आसि अंताकियाताहि सम्दुरकचुदा सिलुकिया इनदनद नाग़ अतोर, अन्जि अग्डाहि ओडातगा उदिसि, कुपरुस देसेमते अतोर.

बळयिर 14:26

अग्डाहि ओडातगा उदिसि, सुरिया पटटा अंताकिया सहरते मल्स वातोर. अद सहरता विस्वसि लोकुर, पोलुन, बार्नबसिन, देवुळता कबुरतुन पोकुर कीयलाह, देवुळता देय्वा ओरगा मनि इनजोर, पार्तना कीसि लोहच मतोर. अदे कबळतुन मारिह कीस, ओर इर्वुर मल्स वास मतोर.

बळयिर 20:28

ओसो आपुना, अहे मियग्डोर विस्वसिरा मुडा, बेस राका कीसोर मन्ह्‌टु. बह इतेके ओराङ मुक्यालोर आयना इन्जि, देवुळता जीवाये मीक निल्पिह कीता. देवुळि तना मग़ना नेतुरता कर्सा कीसि ओरिन असता, इदिन सीताते तासाटु. अदिह्‌क मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु.

बळयिर 22:21

मति येसु इतोग़, ‘आयो, यहुदि आयवोरिन नावा पोल्‍लोतुन वेहतलाह नना नीक जेक-जेक लोहतह्‌नन, इग्डाहि अन!’ इतोग़.”

बळयिर 4:36

अद्रमे योसेप पेदिरतोग़ ओर्वोग़ मतोग़. ओग़ कुपरुस इनदनद देसेमतोग़लेविना पुळ्गतोग़ (इतेके देवुळवडे) आंदोग़. ओग़ बाताल कीतोग़ इतेके, तना बूमतुन वमिसि, कतम कोताङ बळयिरगा तचि ईतोग़. किर्स्तुनाङ बळयिर ओन बार्नबस (इतेके दीरा एवाल) इंदुर.

बळयिर 6:4

मति माट बळयिरोम इतेके, पार्तना कीयनद ओसो देवुळता पोल्‍लोतुन पोकुर कीयनदे सेवाते मनदकोम,” इनजोर इतोर.

बळयिर 8:29

अस्के देवुळता जीवा पिलिपिन, “निमा अगा अन्जि, अद कोडागाडाता संगे अन,” इता.

बळयिर 9:15

इतस्के येसु इतोग़, “आयो, निमा ओनगा अन. बाराह्‌क इतेके, नावा पोल्‍लोतुन यहुदि आयवोर दुस्राङ जातिनोरगा, ओरा राजालोरगा, ओसो इस्रयेल लोकुरगा इतेके यहुदिरगा एव्सिह कीयलाहि, ओग़ नावा आचतोग़ सेवक आंदोग़.

रोम सहरतोर 1:1

नना पोलुनन, येसु किर्स्तुना कय इळ्न मनवानन; ओना बळयि आयलाह देवुळि नाक आचता. तना बेसता कबुर वेहतलाह नाक एग़िह कीता.

रोम सहरतोर 10:15

लोहवालोर लेवेके, ओरगा बोग़ दायनोग़? अदिनेनाह्‌क देवुळता सास्त्रमतगा इद्रम रासतद मन्ह्‌ता: बेसता कबुरतुन तवालोर वायनदिन ऊळिसि, बेचोन गिर्दा वास्ता! इनजोर देवुळता कबुरतोग़ यसयाल वेहतोग़. अद्रमे देवुळि तना कबुरतोरिन पोकुर कीयलाहि लोहताये.

रोम सहरतोर 15:16

यहुदि आयवोरिह्‌क बेसता कबुर वेहतलाहि, नाक किर्स्तु येसुना बळयि आयना इन्जि लोहता. बेद्रम देवुळता बूमयाल ताना मुनेह, तान्क विचर वायनद कोड वाटिह्‌तोग़, अद्रमलेह्‌काने नना पोकुर कीतद कबुरतुन नमवालोर यहुदि आयवोर विस्वसिर, नावा कयदाहि देवुळतुह्‌क वाटटद कोडलेह्‌का मन्ह्‌तोर.देवुळता पवित्र जीवा ओरिन एडिह कीताह्‌कु, ओर वने देवुळता मुनेह पवित्र आतोर.

1 कुरिंततोर 12:11

इव सबे उंदिय जीवाताङ बुदिङ मन्ह्‌ताङ. अद तना विचरते इव बुदिनु, ओर्वोग़-ओर्वोग़ विस्वसिह्‌क तूसिस ईस्ता.

1 कुरिंततोर 7:5

अदिनेनाह्‌क मीवाङ मेंदुस्कने, ओर्विह्‌क-ओर्वोग़ अलग मनमाट. रेंड-मूंड दियाङ पार्तनातेने मनदकल, अलग मनदकल इनजोर, मुनेन आळ इर्विर विचर आतिर इतेके, गळ्किह्‌क अलग मन्ह्‌टु. मति ताना पया ओसो कलियिस मन्ह्‌टु. इद्रम मनवेके, कुदतुन आव्रे कीयलाह पग़विर आयकिर. अस्के देयह्‌कना मुक्याल मीक साट्याल कबळ कीया वेसनाह कीयग़ा.

2 कुरिंततोर 11:27

बेसता कबुरतुन पोकुर कीयनदिना लोप्पा तिपल आसि, एपुर पेसनाह कह्‌टेम कीतन. वेल्‍लाङे मल्काङ, निद्रलेवा तिपल आस मतन. जावा-एग़ दोर्कवा तिपल आंदन. वेल्‍लाङे मल्काङ सेवा कीसोर, गाटो तिनदलाह पुर्सत दोर्को. इर्ङमते मुचलाह, वेल्‍लाङे मल्काङ गेंदेङ आलोङ.

2 कुरिंततोर 6:5

मन्कलोर माक नल्हतह्‌तोर, जेलते वाटिह्‌तोर, लोकुरिन जमा कीसि, मावा विरुद रोदा पोयह्‌तोर, बागिस-दोगिस कह्‌टेम कीय्ह्‌नोम, उस्कंडलेवा मह्‌नोम, कग़्वते मह्‌नोम.

गलातितोर 1:15

पया बेद देवुळि तना देय्वाते नना पुटनामुनेन नाक आचता, आचिसि दुस्राङ-दुस्राङ देसेह्‌कनोरगा, ताना मग़ि येसु किर्स्तुना बेसता कबुर वेहतना इन्जि नाकु केयता, इदे देवुळि नाकु तना मग़िन पुन्पिह कीयलाह, विचर कीता इन्जि, मीट पुतिर. अस्के नना बोनगाने बुदिङ ताल्ह्‌कलाह अनोन;

इपिसुसतोर 3:7

देवुळि नयगा तना लावतुन पका ताकिह कीताह्‌कु, नाक इद बेसता कबुरतुन पोकुर कीयनद सेवाता देय्वा दोर्कता.

कुलुसितोर 4:17

ओसो अरकिपुसिन इद्रम वेहाटु: “सामि नीवा कयदे ईतद सेवातुन मारिह कीमु,” इनजोर वेहाट.

1 तिमोति 2:7

अदिनेनाह्‌क इद सेतेम पोल्‍लोतुनु, यहुदि आयवोर वने नमना इन्जि, निमा ओरेके अन्जि वेहवाल-काग़्हवाल, नावा बळयिनिन आयकिन, इह इनजोरे देवुळ नाक लोहता; नना जोल वळ्ह्‌कोन, सेतेमे वेहतह्‌नन.

2 तिमोति 1:11

इदे बेसता कबुरतुन पोकुर कीयलाह, काग़्हतलाह इनजोर, देवुळि नाक किर्स्तुना बळयि इनजोर निल्पिह कीता.

2 तिमोति 2:2

नना काग़्हतव पोल्‍लोन, वेल्‍लाटोर मन्कलोरा मुनेह निमा केंजतिन. अव पोल्‍लोन काळ्ङलाहि, दुस्रोरिन काग़्हतना लायकतोर सेतेमतोरिह्‌क वेहा.

2 तिमोति 4:5

निमा मात्रम अमेसा सबे पोल्‍लोने उसर मन. तिपल आयह्‌पा आरेम आयमा, बेसता कबुरतुन वेहचोर मन. नीवा कयदे ईतद सेवातुन मारिह कीम.

इब्रितोर 5:4

यहुदिरा पेर्माल आयनद कबळ, पकाय बेरा मन्ह्‌ता. बोग़े तनाय विचरते पेर्माल आया पग़वोग़; मति मुनेतोग़ पेर्माल, मोसाना दादाल आरुन पेर्मान निल्पिह कीतप लेह्‌का, अद कबळ कीयलाहि, देवुळि ओन निल्पिह कीतेकेने आया पग़यह्‌तोग़.