बळयिर 10:39 - माडिया गोंड पवित्र सास्त्रम

³⁹ मावा यहुदिर मनदनद देसेमतगा, अहे येरुसलेम सहरतगा, येसु कीतव सबे कबस्किन माटु ओनाङ बळयिरोम मावाङ कोंडाने ऊळतोम. पया ओन मराता गुटातगा मोल्‍लाङ कोटिस हव्कतोर.

बळयिर 10:39 Iomraidhean Croise

लूकाल 24:48

इव सबे पोल्‍लोना मीट साक्सितोरिर मह्‌निर.

योहन 15:27

ओसो मीट वने नना बोनन आंदन इन्जि वेहतकिर. बाराह्‌क इतेके बेस्के नना काग़्हता बोटटन, अस्केडाहि मीट नावा संगे मंदिर.

बळयिर 1:8

मति मियगा देवुळता जीवाता दळ्म अरतापया, मीक लाव दोर्कग़ा. अद लावते येरुसलेम सहरतगा, पूरा यहुदा पटटगा, सामरिया पटटगा, ओसो बूम मारेंगा एवनाह, नावा पोल्‍लोता साक्सितोरिर मनदकिर,” इन्जि वेहतोग़.

बळयिर 10:41

येसु दिसनेके सबेटोर लोकुरिह्‌क दिसोग़ मति, सिरप माके दिसतोग़. इतेके ओग़ जीवा अरतापया, ओना संगे कलियिस तितोम-उटोम. बाराह्‌क इतेके इद पोल्‍लोता साक्सि मनदलाहि, देवुळि मुनेन माक आचिस मता.

बळयिर 13:31

येसु हामुरताहि तेग़्कतापया, ओना संगे गालिल पटटाहि येरुसलेम सहरते अन्ज मतोरिह्‌क, वेल्‍लाङे दियाङ दिससोर मतोग़. इंजेके ओरे मन्कलोर मावा यहुदि लोकुरा मुनेह, येसुना साक्सितोर मन्ह्‌तोर.

बळयिर 2:32

“वेग़े येसुन देवुळि जीवा अर्हचीता इनजोर, माट सबेटोर विस्वसिरोम इद पोल्‍लोता साक्सि मह्‌नोम.

बळयिर 4:10

मीट ओसो मावोर सबेटोर इस्रयेलतोर बेस पुन्ह्‌टु, नासरेत नाटेनोग़ येसु किर्स्तुन हव्कनागुटातगा हव्कनाह कीतिर, मति देवुळि ओन जीवा अर्हचीता. ओग़े येसु किर्स्तुना अदिकरते, वेग़ मन्कल सव्रेम आसि, मीवा मुनेह नितोग़.

बळयिर 7:52

देवुळता कबुरतोरग्डाहि मीवा तादोर-बाबोर ओर्विन वने तिपल केवोरा, अले वेहाट? देवुळ लोहवाल सेतेमतोग़ किर्स्तु वायनोग़ इनजोर, अद कबुरतुन मुनेन पोकुर कीतोरिन, मीवा तादोर-बाबोर हव्कतोर. अद्रमलेह्‌का ओग़ किर्स्तु वातस्के, मीट ओना पोग़ोन उगसिन तप तोहचि, हव्कनाह कीतिर.

गलातितोर 3:13

मति दुस्राङ जातिनोरिह्‌क इंका, किर्स्तु येसुनगा विस्वस कीताह्‌कु, अब्रहमिह्‌क ईतद बर्कत दोर्कग़ा. ओसो देवुळ मुने पोल्‍लो विळ्सतपे, ताना पवित्र जीवा माक विस्वसिरिह्‌क दोर्कग़ा, इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़. बह इतेके बोग़ाय मरातगा वेळ्हतोग़ु सरपतोग़ आस्तोग़ इन्जि, सास्त्रमते रासतद मन्ह्‌ता.

1 पत्रु 2:24

माटु मावा पापमताङ विचर्कनाहि पिह्‌ट अर्सि, सेतेमते ताकनेनाह्‌क, ओग़ु मावा पापमता सिक्सातुन तना मेंदुदा पोग़ोन एचि,हव्कनागुटातगा डोलतोग़. ओग़ु देबाङ तिन्ज नोमुर आताह्‌के, मीट मीवा जीवाते बेस आतिर.