बळयिर 10:11 - माडिया गोंड पवित्र सास्त्रम

¹¹ पोग़ोटा बूमि पग़्क विरियिस, अग्डाहि बेरा गेंदेता लेह्‌का, तानाङ नालुङ कोङिन बातालो पोस नेल रेहतलाह आता.

बळयिर 10:11 Iomraidhean Croise

मत्याल 8:11

इदे निटम पोल्‍लो, मीट केंजाटु, वेग़ दरोगानलेह्‌काडोर बूममेटोर यहुदि आयवोर ईनाह-आनाह जमा आयनुर. जमा आसि देवुळदीपता राजेमतगा मावाङ मुनेतोर पेदल्क अब्रहमि, इसकि, याकुबि, वेरा संगे कुळ्प तिनदना बतते उदनुर.

योहन 1:51

इह केंजाट, नना सेतेम वेहतह्‌नन, मीटु पोग़ोटा बूमि पङ्ने आसि, अगाह्‌कु देवतुल्कु माने-मन्कना नडुम पुटटोना पोग़ोन तग़्ङनदिन-रेगनदिन ऊळकिर,” इनजोर येसु तनाय लोप्पा वेहतोग़.

योहन 11:52

सिरप अदे देसेमतेनाह्‌क आयो मति, सबे देसेह्‌कने मनवालोर देवुळताङ मग़्क-मयास्किन, उंदिय कुटुमते ओंडे कीयना इन्जि, येसु हायवाल मतोग़.

योहन 12:32

नाक नेदाहि गुटातगा पोग़ोन तेहतस्के, नना नयके सबेटोरिन ओंडे कीकन,” इन्जि येसु इतोग़.

बळयिर 10:12

अद गेंदेतगा, इद बूमतगा मनदनव तिनदलाह पोलनव, पोलवव, सबे जातिनाङ नालुङ काल्कनाङ जन्वर्क, कोरियनाङ-बेङनाङ जन्वर्क, ओसो पिटेङ वने मताङ.

बळयिर 11:5

कीसि ओग़ इद्रम इतोग़, “नना यापा नाटे मतन अस्के, उंद दिया पार्तना कीसोर मतन. अस्के नना इद्रम देवुळ तोहतनद लेकातुन ऊळतन इतेके, बेरा गेंदेता लेह्‌का बातालो मता. बोग़ो तानाङ नालुङ कोङिन पोसि, पोग़ोटा बूमतग्डाहि दोम्ह्‌क्ने नावा मुनेह रेहतोग़.

बळयिर 7:56

“ओद ऊळाट! पोग़ोन देवुळदीप पङ्ने आतदिन, ओसो मान्वना नडुम पुटटोग़ु, देवुळता तिनळ बाजे नितदिन नना ऊळलाह आतन!” इनजोर इतोग़.

रोम सहरतोर 1:16

मुने यहुदिरिन, पया यहुदि आयवोरिन, किर्स्तुन विस्वस केवालोर सबेटोरिन पिसिह कीयलाहि, इद कबुरतगा देवुळता लाव मन्ह्‌ता. अदिनेनाह्‌क नना दीराते इदिन वेहतलाह पेग़्के-मुने आयोन.

रोम सहरतोर 9:4

ओरिन देवुळि तनाङ पिलाङ-पेकोर आयलाह आचता, ओरिह्‌के तना सोबा ओसो डीसा दिसिह कीता. ओरा संगे करल कीसि, तनाङ अडोना सास्त्रम ईता. तन्क बेद्रम माळना इनजोर, ओरिने वेहच मता. ओसो ओरिह्‌क वेल्‍लाङे बेसताङ पोल्‍लोन विळ्सिस मता.

गलातितोर 2:15

“माट यहुदिरल दुस्रा जाततोरल आयवल (ओरिन पाप्यहलोर इन्ह्‌तोर, ऊळविन!), माटु यहुदि जातते पुटटल, अयो?

गलातितोर 3:28

यहुदि जाततोग़ आयेग़, दुस्रा जाततोग़ आयेग़, ओर्युलतोग़ आयेग़, माल्काल आयेग़, आंचाळ आयि, कोय्तोग़ आयेग़, इद्रम उड्लोग़-बेरोग़ बातय इले; मीट सबेटोर विस्वसिरिर इतेके, किर्स्तु येसुना राजेमते उंदिय मह्‌निर, इदिन सीता कीम्ह्‌टु.

इपिसुसतोर 1:10

अद पोल्‍लो इद्रम मन्ह्‌ता: देवुळि तना विचर कीतद कगो एवतस्के, पोग़ोटा बूमतगा मनदनव, ओसो इळ्ता बूमतगा मनदनव, सबेटविन जमा आनाह कीसि, येसु किर्स्तुना कयदे ईयनदु.

कुलुसितोर 3:11

पूना पिसमुळ दोर्किह कीताह्‌कु, डायना रिवज कीतोग़ यहुदि मन्कल मनेग़, डायना केवोग़ यहुदि आयवोग़ मनेग़, कग़यतोग़ मनेग़, गेळा-माळातोग़ मनेग़, ओर्युलतोग़ मनेग़, मता मन्कल मनेग़, इव पोल्‍लोङ देवुळता मुनेह बेराङ आयोङ. बाराह्‌क इतेके किर्स्तुये मोदुल आंदोग़, ओग़ माट सबेटोर विस्वसिरगा मन्ह्‌तोग़.

तोहचीतव पोल्‍लोङ 11:19

इतस्के अचोटेने देवुळदीपतगा मनदनद मंदिरता अग़ि पङ्ने आता. आतस्के, अगा देवुळि मन्कलोरिह्‌क करल कीस मतद पोल्‍लोतुन, तासिस मतद संदुकतुन नना ऊळतन. अस्के पका मिळ्स्कता, नेकता, गुळ्न्जता, बूम गल्जता, ओसो पकाय आदुर्क अरताङ.

तोहचीतव पोल्‍लोङ 19:11

पया देवुळदीप पङ्ने आस मतद ऊळतन. अगा उंद पांड्रि कोडा मता. ताना पोग़ोन ओर्वोग़ उदिस मतोग़. ओना पेदिर बर्वस लायकतोग़, सेतेमतोग़. ओग़ सेतेमते नेयम कीसि, लळय कीस्तोग़.

तोहचीतव पोल्‍लोङ 4:1

इव पोल्‍लोङ आतापया, ऊळाट, पोग़ोन देवुळदीपतगा अग़ तेग़यिस मतदिन, नना योहननन ऊळतन. मुने बेरा अकुम नेकतप लेह्‌का, नावा संगे वळ्ह्‌कतद लेङु, इंजेके नाक इद्रम इता: “इगा पोग़ोन देवुळदीपतगा वय. इंजेक मुनेह आयनव पोल्‍लोन, नीक तोहतह्‌नन,” इता.