बळयिर 1:11 - माडिया गोंड पवित्र सास्त्रम

¹¹ निचि ओरिन इद्रम इतोर: “ए गालिल पटटोरिर! बाराह्‌क पोग़ोन ऊळसोर नितिर? देवुळि येसुन पोग़ोन देवुळता जागातगा ओता. मीट ऊळनाह बेद्रम ओग़ पोग़ोन अतोग़, अद्रमे उंद दिया ओसोवन मल्स वायनोग़,” इतोर.

बळयिर 1:11 Iomraidhean Croise

मत्याल 16:27

केंजाटु, माने-मन्कना नडुम पुटटोनन, नना नावा बाबाना डीसाते, नावाङ देवतुल्कना संगे वायकन. अद तूकने नना सबेटोराङ, बोना ओना कबळतुन ऊळिसि, नेयह्‌क कीकन;

मत्याल 16:28

इह केंजाट, नना सेतेम वेहतह्‌नन, माने-मन्कना नडुम पुटटोनन इद दुनियाते राजेम कीयलाह वायकन अस्के, मियग्डाहि उय्तुर नावा संगे मनवालोरिर, हायनामुनेन नाक ऊळकिर,” इतोग़.

मत्याल 24:30

अस्के माने-मन्कना नडुम पुटटोनन, नना मोयुदगा सीना तोहतकन. पया दुनियाताङ सबे जातिनोर मन्कलोर, अर्युल पासोर हामुर-रेगाङ अळयनुर. नना बेरा डीसाते मोयुलपोग़ोन वायनदिन ओर ऊळनुर.

मत्याल 25:31

“माने-मन्कना नडुम पुटटोनन, नना राजाल आसि, सबे देवतुल्कना संगे नावा डीसाते वायकन अस्के, नना नावा राजगादेतगा डीसाते उदकन.

मार्कल 13:26

अस्के माने-मन्कना नडुम पुटटोनन, नना बेरा लावते ओसो डीसाते मोयुलपोग़ोन वायनदिन, लोकुर ऊळनुर.

मार्कल 14:70

इतस्के पत्रु “नना आयोन” इतोग़. पया गळ्क मनेके, अगा निच मतोरु ओसो पत्रुन इतोर, “निमा कोन निटमे ओनाय संगेतोनिन! निमा गालिल पटटोना लेह्‌का वळ्ह्‌किह्‌निन, (अदिह्‌क माट पुह्‌नोम,)” इतोर.

मार्कल 16:19

पया येसुसामि ओरिन इव पोल्‍लोङ वेहतापया, देवुळि ओन पोग़ोन तना जागातगा ओता. येसु पोग़ोन अतोग़ अस्के, देवुळता तिनळ बाजे उदतोग़.

लूकाल 21:27

अस्के कोनि माने-मन्कना नडुम पुटटोनन नना बेरा डीसाते, लावते, मोयुलता संगे वायनदिन, लोकुर ऊळनुर.

लूकाल 24:5

अस्के अव आस्कु पका रेयिसि, ओरा मुनेह तला वग़्हताङ. पया ओरु, “जीवात मनवाल मन्कन, डोलतोरगा मीट बाराह्‌क पर्ह्‌कलाह आतिर?

योहन 14:3

नना अन्जि मियेनाह्‌क जागा तयर कीतन इतेके, मल्स वासि मीक नयगा ओयकन. बाराह्‌क इतेके बेगा नना मह्‌नन, अगा मीट वने मनदना इन्जि.

बळयिर 1:9

ओग़ इद्रम वेहतापया, ओर ऊळनेक-ऊळनेके, देवुळि येसुन पोग़ोन देवुळदीपतगा ओता, ओतस्के मोयुल अडम आसि, ओनु ओरिह्‌क दिसवाह मुचता.

बळयिर 13:31

येसु हामुरताहि तेग़्कतापया, ओना संगे गालिल पटटाहि येरुसलेम सहरते अन्ज मतोरिह्‌क, वेल्‍लाङे दियाङ दिससोर मतोग़. इंजेके ओरे मन्कलोर मावा यहुदि लोकुरा मुनेह, येसुना साक्सितोर मन्ह्‌तोर.

बळयिर 2:7

एक्बेक आसि, ओर पका बामिस इतोर; “वेर इतेक गालिल पटटोरु!

बळयिर 3:12

पत्रु ओर सबेटोरिन ऊळिस इतोग़, “ए मावोर इस्रयेलतोरिर! बह आता, मीट इद्रम बाराह्‌क बामलाह आतिर? मावाय लावतुह्‌के, मावाय कोळ्‍वतुह्‌के, वेग़ मन्कल ताकतोग़ इतपे, मयेकेन बेट-बेट बाराह्‌क ऊळिह्‌निर?

बळयिर 3:21

पूरा दुनियातुन पूना कीकन इन्जि, देवुळि वेल्‍लाय मुने तना पवित्र कबुरतोरा संगे वेहच मता. पूना कीयनद कालम एवनाह, किर्स्तु पोग़ोन देवुळदीपते मनदनोग़.

1 तिसलुनितोर 1:10

बह मीट देवुळता मग़ि, तना जागाताहि ओसो वायनद दियातुन, अग़ ऊळसोर मह्‌निर, इव सबे पोल्‍लोन लोकुर वेहतलाह आतोर. देवुळ जीवा अर्हतोग़ ताना मग़ि येसुये, देवुळ ईयनद आक्रिता सिक्साताहि माक पिसिह कीस्तोग़.

1 तिसलुनितोर 4:16

येसुसामि देवुळदीपताहि इळ्न रेगनोग़, रेगतस्के बेरा लेङते उकुम ईयनदु, मोदुल देवतुलता आल्का, देवुळता अकुम ऊरनदु, इव सबे केंज वायनुङ. अस्के किर्स्तुन विस्वस कीस डोलतोरु, मुने जीवा अरयनुर.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

तोहचीतव पोल्‍लोङ 1:7

ऊळाट, ओग़ मोयुलते वायलाह आतोग़; सबेटोर ओन ऊळनुर. ओन मोल्‍लाङ कोटिस हव्कतोर इंका ऊळनुर. दुनियाताङ सबे जातिनोर, ओनेनाह्‌क अर्युल पासोर केयनुर. इंगो आमेन.