बळयिर 1:1 - माडिया गोंड पवित्र सास्त्रम

^1-2 तियुपिलु साय्ब! नावा मुनेता कागिदते येसुसामिनाङ कबस्किन रासिस तासतन, (तान निमा अर्वतिने). येसुसामिन देवुळि (हामुरताहि तेग़्किह कीसि) पोग़ोन देवुळदीपतगा ओतद दिया एवनाह, इद बूमते मनदनस्के ओग़ बाताल बाताल कीतोग़, बाताल बाताल काग़्हतोग़, इव सबेटविन अगा रासतन. देवुळि येसुन पोग़ोन ओयनामुने, ओग़ आचतोरु तनाङ बळयिरिन, इद्रम इद्रम कीम्ह्‌टु इनजोर, देवुळता पवित्र जीवा वेहतपु उकुम ईतोग़.

बळयिर 1:1 Iomraidhean Croise

मत्याल 11:5

नाक देवुळ ईतद लावते गुडिर तोवयलाह आतोर, कूटालोर ताकलाह आतोर, मोंडरोगमतोर सव्रेम आस्तोर, एव्डालोर वेनदलाह आतोर, हातोर बार तेग़्किह्‌तोर, गरिबतोरिह्‌क बेसता कबुर केंजलाह दोर्किह्‌ता.

लूकाल 1:24

अतस्के पया, तना मुते इलीसिबा सेळो नेलाङ हव्कता, नेलाङ हव्कतस्के एयुङ नेलाङ आनाहि, लोताह पलते पेसो आस मता.

लूकाल 14:22

इतस्के ओर्युलतोग़ अतोग़, अन्जि अद्रमे कीतोग़. पया मल्स वासि तना माल्कान वेहतोग़, ‘साय्ब! निमा बह उकुम ईतिन, अद्रमे ओरिन केयिस ततन. मति ओसोवने जागा पिसताये,’ इतोग़.

लूकाल 24:19

अस्के येसु “बेव पोल्‍लोङ रा?” इनजोर ताल्ह्‌कतोग़. ताल्ह्‌कतस्के ओर इद्रम वेहता बोटटोर, “नासरेत नाटेनोग़ येसुना पोल्‍लो आंदु रा! ओग़ बाताल कींदोग़, बाताल वेहन्दोग़, अव पूरा देवुळता लावताङ मताङ. ओग़ देवुळता कबुरतोग़ मतोग़. लोकुर वने ओन बेसतोग़ इनजोर इंदुर.

लूकाल 3:23

अद्रमे पया येसु तना सेवा सुरु कीतोग़, अस्के जोक-जोक डेडा वीसा वर्सानोग़ मतोग़. लोकुरा विचरते येसु योसेपना मग़ आंदोग़. योसेप इतेके एलिना मग़ मतोग़.

बळयिर 2:22

“मावोर इस्रयेलतोरिर, नावा पोल्‍लो केंजाट. नासरेत नाटेनोग़ येसुना मेटे, देवुळि मीक रीतरीतिनाङ बामनाह लेह्‌काडाङ कबस्क कीस तोहता इनजोर, मीट बेस-नेह्‌ना पुतिर.