2 तिमोति 4:8 - माडिया गोंड पवित्र सास्त्रम

⁸ (गेल्सवालोरिह्‌क दोर्कना लेह्‌कान,) देवुळि इंजेटाहि नयेनाह्‌क उंद राजटोपि तासता, अदु सेतेमते पिसवालोरिह्‌क ईयनद इनम आंदु. सेतेमते नेयम केवाल येसुसामि, तना नेयम कीयनद दियाते, अद राजटोपतुन नाक ईयनोग़. सिरप नाके आयो, सामि ओसोवने मल्स वायनदिन गिर्दाते केपवालोर सबेटोर मन्कलोरिह्‌क ईयनोग़.

2 तिमोति 4:8 Iomraidhean Croise

मत्याल 24:36

“मति देवुळ लोहतोग़ राजाल मल्स वायनद दियातुन, वेलातुन बोग़े पुनोग़. देवुळदीपताङ देवतुल्क वने पुनोङ, नना इंका पुनोन, सिरपि नावा बाबाले पुन्ह्‌तोग़.

मत्याल 7:22

नना नेयम कीयनद आक्रि दियाते, वेल्‍लाटोर नयगा वासि, देवुळदीपते नेङलाह ईयनोग़ इन्जि, ‘ओ सामि, माट नीवा पेदिरते देवुळता कबुर वेहतोम, ओसो नीवाय पेदिरते देयह्‌क-बूतह्‌किन पूंडटोम, ओसो नीवाय पेदिरते बेचोटाङ बेरा डीसाताङ कबस्क कीतोम. कीतोमा, केवोम, सामि?’ इनजोर नाक इनदनुर.

लूकाल 10:12

ओसो नना मीक वेहतह्‌नन, सोदोम नाटेनोरिन देवुळि (ओराङ लाग्वाङ कबस्कनेनाह्‌क मुने सिक्सा ईसि) बूळे कीता. तान्काय वीळिसि नेयमता आक्रि दियाते, अद नाटेनोर सिक्सा आयनुर,” इनजोर येसु ओरिन वेहतोग़.

रोम सहरतोर 2:5

मति निमा इतेके कैंगम आसि, पापमता अग़दाहि मलवोन इह्‌निन. देवुळि तना ओङतुन उंद दिया तोहतग़ा. अस्के ताना सेतेमता नेयमतुन, सबेटोर ऊळनुर. नेंड निमा ताना पोल्‍लोतुन केंजविन इतेके, अद दिया नीवा सिक्सातुन बेर्सिह कीयना लेह्‌कान आतिन.

रोम सहरतोर 8:23

अविस्कना संगे माट वने ऊल्गलाह आतले. ओसो पया दोर्कनद बर्कत बेद्रम मनदग़ा इनजोर तोहतलाहि, देवुळि इंजेकेन माक तना जीवातुन ईता. अद जीवा वेहतपु, उंद दिया मयगा देवुळताङ मग़्क-मयास्‍क आयनद, पूरा अदिकर दिसग़ा. अस्के मावाङ मेंदुस्किन तिपल्कनाहि विळ्सिह कीसि, पूनाङ मेंदुस्क माक ईयग़ा. अद दियातेनाह्‌क, माट पका ऊल्गसोर केपलाह आतल.

1 कुरिंततोर 2:9

मति माक बार अद पोल्‍लोतुन, देवुळि तना जीवाते तोहचीता. देवुळता सास्त्रमतगा इद्रम रासतद मन्ह्‌ता: बोग़े बेस्केन ऊळवव, बोग़े बेस्केन केंजवव, बोना बुदते पुटवव, वेहता वावव पोल्‍लोन, तन्क जीवा केवालोर मन्कलोरेनाह्‌क, देवुळि तयर कीस तासता. इनजोर रासतद मन्ह्‌ता.देवुळता जीवा सबे पोल्‍लोन पर्ह्‌किह्‌ता. देवुळतग्डाङ पुनवव पोल्‍लोन इंका पर्ह्‌किह्‌ता.

1 कुरिंततोर 3:13

किर्स्तु बेद दिया तना लोकुरा नेयम कीयलाह वायनोग़, अद दिया तना ओर्वोग़-ओर्वोग़ सेवकना कबळतुन, किसते पट ऊळनोग़. इद्रमि ओरा कबळ बेद्रमता इनजोर, पुनाह आयग़ा. अस्के ओर कीतद कबळ बेद्रमता इनजोर, किसते पर्ह्‌किस ऊळनद आयग़ा.

1 कुरिंततोर 9:25

कग़्सनगा गेल्सवालोरिह्‌कु, आकिने पंडटद सोबाता गीळि केग़्‍पिह कीस्तोर. अद वतनव आकिने पंडटद आंदु. तान दोर्किह कीयलाहि, ओर तमाङ मेंदुस्किन आव्रे कीस ताकिह्‌तोर. माट बारा बेस्केन वाग़वद गीळता इनम दोर्किह कीय्ह्‌नल.

2 कुरिंततोर 5:2

माट इद मेंदुलते मनदह्‌पा, पूना गेंदे उहपिह कीयना लेह्‌कान, देवुळि पोग़ोटा तना जागाता पूना मेंदुलतुन, माक बेस्के उहपिह कीयग़ा इनजोर ऊल्गिह्‌नल.

1 तिसलुनितोर 1:10

बह मीट देवुळता मग़ि, तना जागाताहि ओसो वायनद दियातुन, अग़ ऊळसोर मह्‌निर, इव सबे पोल्‍लोन लोकुर वेहतलाह आतोर. देवुळ जीवा अर्हतोग़ ताना मग़ि येसुये, देवुळ ईयनद आक्रिता सिक्साताहि माक पिसिह कीस्तोग़.

1 तिसलुनितोर 5:4

मति मावोर विस्वसिरिर, मीट ईकळते मतप, देवुळतुन पुनवोरा लेह्‌का मनविर. अदिनेनाह्‌क कले कुस्क्ने वातस्के, जीवा गाबर आयना लेह्‌कान, अद दिया वातस्के, मीट गाबर आयविर आयकिर.

2 तिसलुनितोर 2:8

ओग़ मायतस्केने, देवुळताङ अडोन पास्कवाल दिसनोग़. मति येसुसामि वातस्के, ओग़ अडोन पास्कवान तना ऊकुरते हव्कनोग़. येसुसामि वायनदिन ऊळिसिये, ओग़ लाग्वोग़ु बूळेम आयनोग़.

1 तिमोति 6:19

ओर इद्रम मतेक अचोन, पोग़ोन देवुळता जागातगा, पका बर्कत जमा कीतप आस्ता.(लोता जोता दोहतना लेह्‌कान,) अगा मनदलाह जोता दोहतप लेह्‌कान आस्ता. अस्के बह पिसना इन्जि, देवुळता विचर मन्ह्‌ता, अद्रमे ओर पिसनुर.

2 तिमोति 1:10

इंजेके माक पिसिह केवाल किर्स्तु येसु बूमतगा वास मताह्‌कु, देवुळि मावा पोग़ोन दया कीता इनजोर तोहचीता. किर्स्तु हामुरता लावतुन बूळे कीतोग़, ओसो बेसता कबुरतुन विस्वस केवालोर मन्कलोर, अमेसा-अमेसातुह्‌क देवुळता संगे पिसिह्‌तोर इनजोर तोहतोग़.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

2 तिमोति 1:18

तना नेयम कीयनद दियाते, सामिनाहि ओन्क दया दोर्कि. नना इपिसुस सहरते मतस्के वने, ओग़ नाक बेद-बेद सेवा कीसीतोग़, इदिन निमा बेस-नेह्‌ना पुतिन.

2 तिमोति 2:5

अहे कग़्सवाल मन्कल, अग्डा अडो मतप वितवेक अचोन, ओन्क इनम दोर्को.

2 तिमोति 4:1

देवुळि ओसो किर्स्तु येसु (ओग़े किर्स्तु उंद दिया तना राजेमतुन निल्पिह कीयलाह मल्स वायनोग़; अस्के हातोरा-पिसतोरा नेयम केवाल आयनोग़); वेरा अदिकरते नना नीक इद उकुम ईय्ह्‌नन:

तीतुस 2:13

माट इद्रम पिससोर, पका बेसता पोल्‍लोतुन आसा कीयलाह आतल इतेके: माक पिसिह केवाल बेरोग़ येसु किर्स्तु देवुळि, तना डीसाते बूमतगा वायनद दिसग़ा इनजोर, आसा कीयलाह आतल.

इब्रितोर 12:11

देवुळि माक सुद्रे कीयह्‌पा, माक इंजेके गिर्दा वास्ताया? वावो. माक दुकम आस्ता; मति तान मर्सतोरिह्‌क, पेग़्के पाय्दा दोर्किह्‌ता. आल्सुळलेवा पिसनाह आस्ता; सेतेमते पिसनाह आस्ता.

इब्रितोर 9:28

अद्रमे किर्स्तु उंदिय मल्का, वेल्‍लाटोर मन्कलोरा पापमतुन ओयलाह, तना नेतुर पोहच डोलतोग़. ओग़ ओसोवने दिसनोग़; इद मल्का पापमतुन ओयलाह वावोग़, मति तनेनाह्‌क केपतोरिन, पूरा पिसिह कीयलाहि वायनोग़.

याकुब 1:12

पापमते अर्हतनव पोल्‍लोङ वातेक तेला, बोर लोकुर विस्वसते मेग़्किस निच मन्ह्‌तोर, ओर देय्वातोरु. ओर दीरा पोसि देवुळतुन विळ्सवाह्‌कु, ओरिह्‌क देवुळतेनाह अमेसाता पिसमुळता इनम दोर्कग़ा. बह इतेके, नाक बोर जीवा कीस्तोर, ओरिह्‌क अद अमेसाता पिसमुळता इनम ईकन इन्जि, देवुळि पोल्‍लो विळ्सिस मता.

1 पत्रु 1:4

ओसो मयेनाह्‌कु इन्जि, देवुळदीपते बेरा उंदि जीवाता बर्कत तासतद मन्ह्‌ता. अद उंदि बेस्केन बूळेम आयवदु, माचलेवदु, वाग़वदु बर्कत आंदु. इद बर्कत आक्रिता दियाते देवुळि सबेटोर विस्वसिरिह्‌क तोहतग़ा. अदु बर्कत मीक दोर्कनाह्‌जोमु, देवुळि तना लावते मीकु काप आडग़ा, बाराह्‌क इतेके, मीटु देवुळता पोग़ोन बर्वस तासिह्‌निर इनजोरे.

1 पत्रु 5:4

इद्रम मतिर इतेके, सबेटोरा बेह्‌रा कोपाल येसु वानेके, मीकु बेस्केने मायवदु, बूळेम आयवदु डीसाता पाय्दा दोर्कग़ा.

तोहचीतव पोल्‍लोङ 1:7

ऊळाट, ओग़ मोयुलते वायलाह आतोग़; सबेटोर ओन ऊळनुर. ओन मोल्‍लाङ कोटिस हव्कतोर इंका ऊळनुर. दुनियाताङ सबे जातिनोर, ओनेनाह्‌क अर्युल पासोर केयनुर. इंगो आमेन.

तोहचीतव पोल्‍लोङ 19:11

पया देवुळदीप पङ्ने आस मतद ऊळतन. अगा उंद पांड्रि कोडा मता. ताना पोग़ोन ओर्वोग़ उदिस मतोग़. ओना पेदिर बर्वस लायकतोग़, सेतेमतोग़. ओग़ सेतेमते नेयम कीसि, लळय कीस्तोग़.

तोहचीतव पोल्‍लोङ 2:10

मीट तिपल आयकिरे, मति तान्क रेयमाट. केंजाट! देयह्‌कना मुक्यानाङ केंजिसि, ताना मुडोर मियग्डोर उच्वुरिन जेलते वाटिह्‌तोर. इद्रम देवुळिये मीवा विस्वसता पट ऊळिह्‌ता. दहा दियाङ मीट तिपल आयकिर; मति जीवा अनाह, विस्वस विळ्सवा मन्ह्‌टु. अस्के नना मीकु अमेसाता पिसमुळता इनम ईकन.

तोहचीतव पोल्‍लोङ 22:20

इव पोल्‍लोन वेहवाल येसु इन्ह्‌तोग़, “इंगो! नना जल्दि वायकन,” इन्ह्‌तोग़. आमेन! ए येसुसामि वय!

तोहचीतव पोल्‍लोङ 4:10

वेर वीसा नालवुर पेदल्क वने, राजकुर्सतगा उदतदिनाङ काल्क अर्सि, अमेसा-अमेसातुह्‌क जीवात मनदनदिन मोळ्किह्‌तोर. ओसो तमाङ राजटोपिन, राजकुर्सता मुनेह तासिसि, इद्रम इन्ह्‌तोर:

तोहचीतव पोल्‍लोङ 4:4

राजकुर्सता सर्ने वीसा नालुङ कुर्सिङ मताङ. अव कुर्सिनगा वीसा नालवुर पेदल्क उदिस मतोर. ओर पांड्रि गेंदेङ केग़्स मतोर; ओसो तमाङ तलानगा, राजालोर केग़यना लेह्‌काडाङ बंगरताङ राजटोपिङ केग़्स मतोर.