2 तिमोति 3:2 - माडिया गोंड पवित्र सास्त्रम

² मन्कलोर दुस्रोरिन सीता केवा, कुदतासाटिये आलिह कीयनुर, कोताना लालुस कीयनुर, पोग़यसोर तिरियनुर, मोर्दोप आयनुर, देवुळतुन पास्कनुर, तलोग़-तपेरा पोल्‍लो केंजोर आयनुर, दुस्रोर बेस कीतदिन सीता केवोर आयनुर, देवुळतुन मुर्तिय सीता केवोर आयनुर,

2 तिमोति 3:2 Iomraidhean Croise

लूकाल 12:15

ओसो येसु ओरिन इतोग़, “इद उंद पोल्‍लो मीट बेस केंजाटु, सबे रीतिना लालुसतग्डाह मीटु जेक मन्ह्‌टु, बाराह्‌क इतेके बोनगाय वेल्‍ला मालसोम मतेकेन, ओग़ बेस पिसिह्‌तोग़ इन्जि इनमाटु,” इनजोर इतोग़.

लूकाल 16:14

येसु इव पोल्‍लोङ वेहनेके, अगा उय्तुर परुसिर मतोर. ओरु कोताना पोग़ोन पका जीवा कींदुर. अदिह्‌क येसु इतव पोल्‍लोन केंजिसि, ओन पास्किंदुर.

लूकाल 6:35

अद्रम केवा, मीवा विरुदतोरिन वने जीवा कीम्ह्‌टु, ओरिह्‌क बेसताङ कबस्क कीसीम्ह्‌टु. ओसो मल्स दोर्कग़ा इनजोर, सीता केवालेवा करा ईम्ह्‌टु. अस्के देवुळि मीकु बेरा इनम ईयग़ा, मीटु सबेट्काय बेरा देवुळताङ मग़्क-मयास्‍क आयकिर. बाराह्‌क इतेके देवुळता सीता केवोरा ओसो लाग्वोरा पोग़ोन वने, देवुळि गूनम तोहतह्‌ता.

बळयिर 5:36

बाराह्‌क इतेके, बेचोको वर्साना मुने, तियुदास पेदिरतोग़ ओर्वोग़, नना बेरोनन इनजोर नडुमिय पुटिस मतोग़. अस्के नालुङ नूह्‌क मन्कलोर ओनेके आस मतोर, मति बाताल आता, रोम सर्करतोर सीपय्क ओन हव्कतोर. ओनेके आस मतोर सबेटोर बिरोबटो आतोर, ओना कबळ मायता.

रोम सहरतोर 11:18

अदिह्‌क (मीट जोळेम आतोर यहुदि आयवोरिर,) देवुळ एळ्पिस पोहतोर यहुदिरिन पास्कमाट. मीक पास्क वसनेके, इद पोल्‍लोतुन सीता कीम्ह्‌टु: कोमाङ मडानेनाह्‌क एग़ गुंजोङ, मति मडाङे कोमानेनाह्‌क एग़ गुंजिह्‌ताङ.

2 कुरिंततोर 5:15

बेद्रम इतेके, पूना पिसमुळ दोर्किह कीतोर मन्कलोर, इंजेटाहि तमेनाह्‌क पिसमाकिर. मति किर्स्तु डोलिसि ओसोवने जीवा अरतोग़, ओनेनाह्‌क पिसिर इनजोर, ओग़ सबेटोरेनाह्‌क डोलिस मतोग़.

पिलिपितोर 2:21

दुस्रोर आपुनाङ-आपुनाङ विचर्कने ताकिह्‌तोर, किर्स्तुना विचर बाताल मन्ह्‌ता, तान बोरे सीता केवोर.

कुलुसितोर 3:5

मावा पिसमुळ किर्स्तुनगाने मनाह्‌कु, इद बूमताङ विचर्किन हव्किस पोहाटु: इतेके साट्याल कबळ, साट्याल बुदि, लाग्वाङ विचर्क, लालुस कीयना. बेदिनेनाह्‌क मीवा लालुस मन्ह्‌ता, अदिने मीट मोळ्किह्‌निर.

2 तिसलुनितोर 2:4

ओग़ लाग्वोग़ मन्कल ननाये निटम देवुळतन इनजोर वेहचि, देवुळता मंदिरतगा उदनोग़. मन्कलोर मोळ्कनव सबे पेन्क-हानास्क, सबे देवुळ्क नावा मुनेह बाताङ इलेङ इनजोर, ओग़ पोग़यनोग़.

1 तिमोति 1:20

ओरा नडुमि अगा उमनेयाल, सिकंदर, वेर ईवुर मन्कलोर मन्ह्‌तोर. ओरु किर्स्तुना मुडुन कलियना आयो इनजोरे, नना ओरिनु गळ्किह्‌कु पेहचीतन. देयह्‌कना मुक्याल ओरिन बह कीयना, कीयि, अस्के देवुळतुन उस्किस-पास्किस वळ्ह्‌कनदायो इन्जि, ओरिह्‌क बुद वायग़ा.

1 तिमोति 1:9

इद पोल्‍लो माक एर्का मन्ह्‌ता इतेके, सेतेमतोर मन्कलोरेनाह्‌क काय्दा तासोर. मति काय्दातुन माळवोरु, कैंगम आयवालोरु, देवुळतुन नमवोरु, पाप्यहलोरु, देवुळतके सीता केवोरु, देवुळतुन मान एवोरु, तलोग़-तपेन हव्कवालोरु, मन्कन हव्केर, सिंड्रि-साट्याल आयवालोरु, आंचाळ-कोय्तोग़ कलियतपु कोय्तोना संगे कोय्तोग़ मनवालोरु, मन्कन कलिस वमवालोरु, जोलहालोरु, जोल साक्सि एवालोरु, ओसो बोराय सेतेमता काग़्हमुळतुन माळवोरु, वेरा लेह्‌काडोरेनाह्‌के काय्दा तासिह्‌तोर.

1 तिमोति 3:3

ओग़ कल लोटि मनदनद आयो, नल्हतना-कोह्‌कना केवाल मनदनद आयो, वह्‌चळ केवाल मनदनद आयो, मति गूनमते वळ्ह्‌कवाल मनदना, ओसो कोताना लालुस मनदनद आयो.

1 तिमोति 6:4

अद्रमतोग़ पकाय पोमाडेङ आतोग़, मुर्तिय बातय पुनोग़, ओना बुदि करब आताह्‌कु, पोल्‍लोने गिटोगटो आस्तोग़. ओसो उड्लाङ-उड्लाङ पोल्‍लोन बेराङ कीसि जग्ळम पुटिह कीयलाह आस्तोग़. अदिनेनाह्‌क ओनग्डाह कुळ्सा पुटिह्‌ता, ओङ पुटिह्‌ता, उस्कना-पास्कना पुटिह्‌ता, लाग्वा विचर कीयनद पुटिह्‌ता.

2 तिमोति 3:4

तम्क नमवालोरिन नाळेह कीयनुर, विचर केवालेवा कंद्रेमते बातालाय कीयनुर, वळ्ह्‌कनुर, पोमाडेङ कीसोर तिरियनुर. देवुळतुन जीवा केवा, कुदता गिर्दातुन जीवा कीयनुर.

याकुब 2:8

ओसो निटम मीट देवुळता राजेमताङ अडोङ माळतिर इतेके, पका बेस कीय्ह्‌निर. देवुळता सास्त्रम वेहतपु, निमा कुदतुन जीवा कीतपु, दुस्रोरिन वने जीवा कीम.

याकुब 4:16

मति मीट इतेके, पका पोमाडेङ कीसोर बोळ्सिह्‌निर, इद्रमता पोमाडेङ कीयनद लागो.

याकुब 4:6

(बोग़ाय देवुळता विरुदतोग़ आतेक तेला, ओना पोग़ोन) देवुळ एक्‍वा दया तोहतह्‌ता. अदिनेनाह्‌क ताना सास्त्रमतगा इद्रम रासतद मन्ह्‌ता: नना बेरोनन इनवानु, देवुळि अडम मन्ह्‌ता, मति नना उड्लोनन इनवानु, देवुळि दया कीस्ता.

1 पत्रु 5:5

इहलेह्‌का मीट लेयोरिर वने, बेरोरा पोल्‍लोते वग़्ङिस मन्ह्‌टु. ओसो मीटु सबेटोर विस्वसि लोकुरिर बुदते उड्ला आसि, ओर्विह्‌क-ओर्वोग़ साय्ता आम्ह्‌टु. बाराह्‌क इतेके (पवित्र सास्त्रमवने इहे इन्ह्‌ता): नना बेरोनन इनवानु, देवुळि अडम आस्ता, मति नना उड्लोनन इनवाह्‌कु, देवुळि देय्वा ईस्ता. (इद पोल्‍लो मीट सीताते तासाटु.)

2 पत्रु 2:10

तमा मन्कना बुद वेहतपु, करबताङ लालुस्कने ताकवालोरिन, सामिना अदिकरतुन पास्कवालोरिन कोनि, पका सिक्सा ईस्ता. जोल पोल्‍लोङ काग़्हवालोर वेर मन्कलोर, बेदिह्‌के बह रेयोर, पका कैंगम आस्तोर; ओसो रेयवालेवा बेरा लावताङ देयह्‌किन बाताङे आयोङ इन्जि पास्किह्‌तोर.

2 पत्रु 2:12

मति वेर जोल काग़्हवालोर इतेके, तमा पुनवव पोल्‍लोना लोप्पा पास्किह्‌तोर. वेर विचर कीया पुनवव, बुदलेवव जन्वर्कना लेह्‌काडोर आंदुर. इद्रमताङ जन्वर्क बेदे कबळतुह्‌क अरवाह्‌कु, अविन पोस हव्कनाय ओजिह्‌ता. अद्रमलेह्‌काने देवुळि वेरिन बूळे कीयग़ा.

2 पत्रु 2:18

वेर पोमाडेङ पोल्‍लोङ वळ्ह्‌किह्‌तोर, मति अव पोल्‍लोङ बेदिह्‌के अरवोङ. अह वळ्ह्‌किसि, वेर लजालेवा लाग्वाङ कबस्कना मेटे, लेसतोर मन्कलोरग्डाह पेसिसि, सेतेमता अग़दे पूनाङ-पूनाङ वातोर मन्कलोरिन, मेंदुदाङ लालुस्कने एग़्किह कीस्तोर.

2 पत्रु 2:3

जोल पोल्‍लोङ काग़्हवालोर कोताना लालुसतुह्‌क, तमाय पुटिह कीतव पोल्‍लोन वेहतनुर. ओसो अविस्किन वेहचि, मीक नाळेह कीयनुर. ओरिन सिक्सा ईयनद देवुळि, वेल्‍लाय जोमताहि तयर मन्ह्‌ता. अद ओरिन बूळे कीयग़ा; अद कूर्कसोर मनो.

यहुदाल 1:16

वेर जोलतोर इतेके, मुयोग़-मुयोग़ आयवालोरु; अमेसा दुस्रोरिन कसुर ओपवालोरु; तमाङ लालुस्क मतप केवालोरु; तमाङ तोडिने पोमाडेङ पोल्‍लोङ वळ्ह्‌कवालोरु; आपुना पाय्दातेनाह्‌क दुस्रोरिन मिङताङ-मिङताङ वळ्ह्‌कवालोर आंदुर.

तोहचीतव पोल्‍लोङ 13:1

पया उंद रकस सम्दुरताहि पेसिस वायनद ऊळतन. तान्क दहा कोह्‌क मताङ, ओसो एळुङ तलाङ मताङ. दहा कोह्‌कनगा दहा राजटोपिङ मताङ. तानाङ एळुङ तलानगा देवुळतुन पास्कना लेह्‌काडाङ पेदिर्क रासतव मताङ.

तोहचीतव पोल्‍लोङ 16:11

तमा मंटातेनाह्‌क, ओसो तमाङ बोटानेनाह्‌क, पोग़ोटा देवुळतुन उस्कना-पास्कना कीतोर. मति तमा पापमता अग़दाहि मलवोर.

तोहचीतव पोल्‍लोङ 16:21

ओसो पोग़ोटाहि रेंड वीसाङ किलोङ इचोटाङ आदुर बंडाङ मन्कलोरा पोग़ोन अरताङ. आदुर्कनेनाह मन्कलोर पकाय तिपल आतोर. अदिनेनाह्‌क आदुर्कना पीळातुह्‌कु, मन्कलोर देवुळतुन उस्कना-पास्कना कीतोर.

तोहचीतव पोल्‍लोङ 16:9

पकाय कांकाते मन्कलोर तिपल आंदुर, आसि इव बेराङ पीळाना पोग़ोन अदिकर मनदनद देवुळतुन, उस्कना-पास्कना कींदुर. मति तमा पापमता अग़दाहि मलवोर, अहे देवुळतुन मान ईस मोळ्कोर.