2 तिमोति 1:8 - माडिया गोंड पवित्र सास्त्रम

⁸ अदिनेनाह्‌क मावा सामिना साक्सि ईयलाह, निमा लजा आयमा. अद्रमलेह्‌काने ओना सेवा कीयनाह्‌क, नना जेलते मह्‌नन; इद पोल्‍लोतेनाह्‌क वने निमा लजा आयमा. मति देवुळि नीक ईतद लावते, बेसता कबुरतेनाह्‌क नावा संगे तिपल आम.

2 तिमोति 1:8 Iomraidhean Croise

मार्कल 8:38

सिंड्रि आंचाळ तना मुजोन नाळेह कीयना लेह्‌कान, इद पीळतोर मन्कलोर देवुळतुन नाळेह कीसि, पापमते ताकिह्‌तोर. अद्रमतोरा नडुमि बोग़ु नना येसुनाङ कग़यवानन इनदलाह, पेग़्के-मुनेह आस्तोग़, ओनु नना मान्वना नडुम पुटटोनन वने जेक तासकन. ओसो बेद दिया नना नावा बाबाना डीसाते, पवित्र देवतुल्कना संगे वायकन, अस्के अद्रमतोग़ मन्कन मावोग़ इनदलाहि, पेग़्के-मुनेह आयकन,” इनजोर इतोग़.

लूकाल 9:26

बोग़ु नना येसुनाङ कग़यवानन इनदलाह पेग़्के-मुनेह आस्तोग़, ओनु नना मान्वना नडुम पुटटोनन वने जेक तासकन. ओसो बेद दिया नना नावा डीसाते, ओसो बाबाना डीसाते, ओसो नावा संगे मनदनव पवित्र देवतुल्कना डीसाते वायकन, अस्के अद्रमतोग़ मन्कन मावोग़ इनदलाहि पेग़्के-मुनेह आयकन.

योहन 15:27

ओसो मीट वने नना बोनन आंदन इन्जि वेहतकिर. बाराह्‌क इतेके बेस्के नना काग़्हता बोटटन, अस्केडाहि मीट नावा संगे मंदिर.

योहन 19:35

इद पुस्तकतुन रासवाल कुदि अदिन ऊळतोग़, ऊळिसि मीट येसुन नमना इन्जि वेहतह्‌तोग़.(देवुळ लोहतोग़ राजाल येसुना लोप्पा) इद ओना साक्सि करलताये आंदु इन्जि, ओन्क एर्काये.

बळयिर 5:41

विळ्सिस ईतस्के बळयिर, येसुना पेदिरतेनाह्‌क माक देबाङ अरताङ इनजोर, बेस गिर्दाते पंचताहि पेसिस अतोर.

रोम सहरतोर 1:16

मुने यहुदिरिन, पया यहुदि आयवोरिन, किर्स्तुन विस्वस केवालोर सबेटोरिन पिसिह कीयलाहि, इद कबुरतगा देवुळता लाव मन्ह्‌ता. अदिनेनाह्‌क नना दीराते इदिन वेहतलाह पेग़्के-मुने आयोन.

रोम सहरतोर 16:25

देवुळतुह्‌क जोहर आयि! नना काग़्हतनद येसु किर्स्तुना बेसता कबुर वेहतपु, देवुळतगा मीवा विस्वसतुन बेस मेग़्किह कीयनद लाव मन्ह्‌ता. इद कबुरता पोल्‍लो वेल्‍लाय जोम आनाह, मकिस मता.

रोम सहरतोर 9:33

किर्स्तुना लोप्पा मुनेने देवुळि वेहतदु सास्त्रमतगा इद्रम रासतद मन्ह्‌ता: इद ऊळाट! नना येरुसलेम सहरते बंडालेह्‌काडोन ओर्विन तासिह्‌नन, ओनगा वेल्‍लाटोर कोदुर ईस मुटनुर मति ओना पोग़ोन बोर आसा तासनुर, ओर बेस्केने मेसेह्‌ने आयोर आयनुर. इनजोर रासतद मन्ह्‌ता.

2 कुरिंततोर 6:7

सेतेम पोल्‍लोतुन पोकुर कीसोरे, देवुळता लाव माक ताकिह कीतप ताकसोरे, ईनाह-आनाह विरुद वातेक तेला, देवुळ माक ईतद सेतेमि मावा कयदे तल्वरलेह्‌काडा, अहे माक राका कीयनद वने मन्ह्‌ता.

इपिसुसतोर 3:1

इव सबे पोल्‍लोन सीता कीसि, नना पोलुनन (मियेनाह्‌क पार्तना कीय्ह्‌नन) ... नना मीट यहुदि आयवोरगा, किर्स्तु येसुना कबळ कीताह्‌के, जेलते मह्‌नन.

इपिसुसतोर 3:13

अदिनेनाह्‌क नना जेलतगा मियेनाह्‌क सिक्सा आयनदिन ऊळिस, मीट आरेम आयमाटु इनजोर, मीक वेहतह्‌नन. (किर्स्तुनगा मनदनद बर्कततुन, मीट यहुदि आयवोरगा एव्सिह कीताह्‌के, नाक इद्रम आता इतेके,) नावा तिपलतेनाह्‌क वने, मीवाय पाय्दा आस्ता.

इपिसुसतोर 4:1

इव सबे पोल्‍लोनेनाह्‌कु, देवुळि मीक तना मन्कलोर आयना इन्जि केयता, तेन सीता कीसि, तान्क विचर वातपु ताकाटु. मीट इद्रम ताकना इन्जि, नना सामिनेनाह्‌क जेलते मनवानन, मीवाङ काल्काय अरयह्‌नन.

इपिसुसतोर 4:17

अदिनेनाह्‌क नना सामिना अदिकरते मीक इद्रम वेहतलाह आतन: देवुळतुन पुनवोर ताकनद अग़दे ताकमाटु. ओर बेव विचर्कने ताकिह्‌तोर, अव सबे उगसताङ आंदुङ.

पिलिपितोर 1:7

मीट सबेटोरिन इद्रम सीता कीयनद नाक बेस ओप्पिह्‌ता. बह इतेके नना इगा जेलते मनदह्‌पा, मीट सबेटोरिर नावा तोळ आतिर. ओसो किर्स्तुना विरुदतोरिन पोल्‍लो मल्हचि, ओना बेसता कबुर सेतेम मन्ह्‌ता इनजोर करल कीयनद, इद नावा कबळते वने, मीट तोळ आतिर. अदिनेनाह्‌क मीक नना जीवा कीय्ह्‌नन.

पिलिपितोर 3:10

सेतेमता अग़ि बेद इतेके, किर्स्तुन पुनदना; बेद लावते किर्स्तुन देवुळि जीवा अर्हता, अद लावतुन पुनदना; ओग़ तिपल आतप लेह्‌कान, नना वने तिपल आसि, ओना तिपलतगा कलियना; बह आयि, देवुळि नाक जीवा अर्हचीयि इनजोर किर्स्तु डोलतोग़, अद्रमलेह्‌का नावा मन्कना बुद डोलिस मनदना; इव पोल्‍लोना पोग़ोन नावा विचर मन्ह्‌ता.(अदिनेनाह्‌क बेव पोल्‍लोन मुने पका पाय्दाताङ इंदन, अविस्किन इंजेके विळ्सलाह आतन.)

पिलिपितोर 4:13

किर्स्तु नाक लाव ईस्तोग़, अदिनेनाह्‌क नना बह तेला पिस पग़यह्‌नन.

कुलुसितोर 1:11

ओसो इद्रम वने पार्तना कीयलाह आतोम: मीक बेदाय तिपल वातेक वने, मीट आरेम आयवा, ओङ आयवा, विस्वसते निच मनदलाहि, देवुळि तना पका बेरा डीसाते मीक लाव ईयि. ओसो मीट बेस गिर्दाते देवुळतुन जोहर कीसोर मनदना इनजोर, पार्तना कीयलाह आतोम. बाराह्‌क इतेके, पोग़ोन तना वेह्‌चतगा पिसवालोर ओना मन्कलोरेनाह्‌क, मावा देवुळबाबाल वेल्‍लाय बर्कत तासतोग़. ओसो मीक वने अग्डा तूस दोर्कना लायकतोर कीतोग़.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

1 तिसलुनितोर 3:4

माट मियगा मनदह्‌पा, माक तिपल वायना मन्ह्‌ता इनजोर, मुनेन मीक वेहचोर मतोम, अद्रमलेह्‌काने आता, इदिन मीट पुतिरे.

1 तिमोति 2:6

माट पापमते दोहतप मतल, मति वेग़ तना जीवाता कर्सा ईसि, माक विळ्सिह कीतोग़.(अदिनेनाह्‌क कतमतोर पापमताहि पिसना इन्जि, देवुळता विचर मन्ह्‌ता.) इद पोल्‍लो सबेटोर लोकुरिन पुन्पिह कीयनद कगो इंजेक एवता.

2 तिमोति 1:10

इंजेके माक पिसिह केवाल किर्स्तु येसु बूमतगा वास मताह्‌कु, देवुळि मावा पोग़ोन दया कीता इनजोर तोहचीता. किर्स्तु हामुरता लावतुन बूळे कीतोग़, ओसो बेसता कबुरतुन विस्वस केवालोर मन्कलोर, अमेसा-अमेसातुह्‌क देवुळता संगे पिसिह्‌तोर इनजोर तोहतोग़.

2 तिमोति 1:12

अदिनेनाह्‌क नाकु इव तिपल्क वाताङ, वातेक तेला नना लजा आयोन. बाराह्‌क इतेके, नना बोन विस्वस कीतन इनजोर पुतन. (नना देवुळतुन विस्वस कीतन,) नना ताना कयदे तासिसीतद नावा जीवातुन, अदु किर्स्तु मल्स वायनद दिया एवनाह, राका कीस तास पग़यह्‌ता इनजोर, बेस-नेह्‌ना पुतन.

2 तिमोति 1:16

उनेसिपुरुस इनवाना लोतोरा पोग़ोन, सामिना दया वायि. नना जेलते मनदनदिन ऊळिस, ओग़ लजा आयवा, नाक ऊळलाह वातोग़. ओसो वेल्‍लाङे मल्काङ नाक तोळ ईतोग़.

2 तिमोति 2:3

किर्स्तु येसुना सेवा कींदोम, आदिनेनाह्‌कु माट तिपल आतोम. ओर्वोग़ बेसतोग़ सीपय तिपल आस्तोग़, अद्रमलेह्‌का निमा वने ओना सेवा कीयनाह्‌कु, मावा संगे तिपल आम.

2 तिमोति 2:8

दाविद राजाना कूळतोग़, येसु किर्स्तुन सीता कीम. हामुरतग्डाहि देवुळि ओन जीवा अर्हता. नना पोकुर कीयनद इदे बेसता कबुर आंदु.

2 तिमोति 2:9

इदे बेसता कबुरतुन पोकुर कीयनाह्‌क, नना तिपल आयलाह आतन; लाग्वोग़ मन्कन दोहतप लेह्‌कान, नाक दोहचि जेलते वाटटोर. मति देवुळता पोल्‍लोतुन इतेके, बोग़े दोहच तास पग़वोग़.

2 तिमोति 4:17

मति येसुसामि नावा संगे निचि, नाक लाव ईतोग़. बह इतेके नावा नेयम कीयनगा, यहुदि आयवोर सबेटोर केंजनाह, नावा मेटे बेसता कबुर पूरा पोकुर आयना इनजोरे. (ओसो नेयम केवाल बेरोग़ साय्बाल, नाक हामुरता सिक्सा ईस मनेग़,) मति सामि नाक तोळ आताह्‌कु, नना पिसतन.

2 तिमोति 4:5

निमा मात्रम अमेसा सबे पोल्‍लोने उसर मन. तिपल आयह्‌पा आरेम आयमा, बेसता कबुरतुन वेहचोर मन. नीवा कयदे ईतद सेवातुन मारिह कीम.

1 योहन 4:14

इद दुनियातोरिन पिसिह कीयलाहि, देवुळबाबाल तना मग़िन लोहतोग़ इनजोर, माट ऊळतोम. ओसो अद पोल्‍लो निटमे मन्ह्‌ता इनजोर, साक्सि मह्‌नोम.

यहुदाल 1:24

मीट पापमते अरवालेवा, मीक राका कीयलाहि देवुळि पग़यह्‌ता. मीक बेदे कसुरलेवा, पका गिर्दा आनाह कीसि, तना मिळ्स्कनद डीसाता मुनेह, निल्पिह कीया पग़यह्‌ता.

तोहचीतव पोल्‍लोङ 1:2

नना ऊळतव सबेटविन रासतन. नना रासतव पोल्‍लोङ देवुळताङ आंदुङ. इव पोल्‍लोङ येसु किर्स्तुना लोप्पा साक्सि ईस्ताङ.

तोहचीतव पोल्‍लोङ 1:9

नना योहननन, मीवा ऐंगेटोग़ विस्वसिनन. माट ऐंगेन येसु किर्स्तुना राजेमतोर मन्कलोरल आतल. ओनेनाह्‌क माट ऐंगे तिपल आय्ह्‌नल. ओसो ऐंगेन तिपलते दीरा पोस मह्‌नल. नना देवुळता पोल्‍लो ओसो येसुना लोप्पा साक्सि वेहताह्‌कु, नाक सिक्सा ईयलाह, सम्दुर नडुम मनदनद पतमुस इनदनद तोग़दगा तासिस मतोर.

तोहचीतव पोल्‍लोङ 12:11

गोरेपिलाता नेतुर मावाङ सबे कसुर्किन एडिह कीता इदिन पुन्जि, मावोर विस्वसिर मासुंडता कसुर ओपतदिन रेयोर. माट येसुनोरोम इन्जि साक्सि ईताह्‌कु, हामुर वायग़ा इन्जि पुतोर, पुन्जाय मति ओर तमा जीवाता पर्वा केवोर. इद्रमलेह्‌का ओर मासुंडतुन आरे कीतोर.

तोहचीतव पोल्‍लोङ 19:10

इतस्के नना अद देवतुलतुन दंडुम अरयलाह, तानाङ काल्क अरतन; मति अद इता, “नाक दंडुम अरमा! नीवा लेह्‌कान, नीवा ऐंगेटोर विस्वसिरा लेह्‌कान, नना वने येसुनेनाह्‌क साक्सि ईसोर, देवुळतुन माळवानने! देवुळतुने मोळ्का. बह इतेके येसुना साक्सि ईयनदे, देवुळता सेतेम कबुर वेहतनाह आस्ता,” इनजोर इता.