2 तिमोति 1:4 - माडिया गोंड पवित्र सास्त्रम

⁴ नना नियग्डाहि पेसतस्के, नीवा कनिरतुन सीता कीतन, नीक ऊळलाह नावा जीवा पर्ह्‌किह्‌ता. नीक ऊळतेक अचोन, नाक बेस-नेह्‌ना गिर्दा आस्ता.

2 तिमोति 1:4 Iomraidhean Croise

योहन 16:22

अद्रमलेह्‌का मीक वने इंजेके दुकम वाता, मति नना मीक ओसो कलियकन, अस्के मीट मीवा जीवाते गिर्दा आयकिर. अद गिर्दातुन बोग़े ऊंदोग़ आयनोग़.

योहन 16:24

मीट इंजेक आनाहि नावा पेदिर वेहचि बातय ताल्ह्‌कविर. ताल्ह्‌काटु, अस्के मीक दोर्कग़ा, दोर्किसि मीवा गिर्दा पूरा निंदग़ा.

बळयिर 20:19

यहुदिर नाक हव्कलाह कोहन्दुर, अस्के नाक पका तिपल वाता. मति नना उड्ला बुदते ताकसोरे, कनिर पोहचोरे, येसुना सेवा कीसोर मतन.

बळयिर 20:31

अदिह्‌क उसरते मन्ह्‌टु! नना मूंड वर्साङ मीकु नग़्का पिळ्‍विळ पियल-पोळ्‍दु, वग़ोग़-वग़ोग़ मन्कन, कनिर पोहच बुद काग़्हचोर मतदिन सीताते तासाटु.

रोम सहरतोर 1:11

बाराह्‌क इतेके, नावा सेवाता मेटे, मीकु देवुळता जीवाताहि बुद दोर्किसि, मीवा विस्वस बेस मेग़्कना इन्जि, नना मियगा वायलाह ऊळिह्‌नन.

पिलिपितोर 1:8

येसु किर्स्तु मीक जीवा कीतपे, नना वने मीक जीवा कीय्ह्‌नन, देवुळिये इद पोल्‍लोता साक्सि मन्ह्‌ता. अदिह्‌क मीक ऊळलाह पका नावा जीवा पर्ह्‌किह्‌ता.

पिलिपितोर 2:26

मति ओग़ मीक ऊळलाह पका आलिह कींदोग़. ओग़ बेमरते मतदिन मीट केंजतिर, केंजिसि मीट पका आलिह कीय्ह्‌निर इनजोर ओन्क एर्का आतस्के, ओना जीवा चुहेम आयो.

1 तिसलुनितोर 2:17

मावोर विस्वसिरिर! नना पोग़ोन रासतपु, गळ्किह्‌क मन्कलोर मियग्डाहि माक एग़िह कीस मतोर, अस्के ओर्विह्‌क-ओर्वोग़ सिरप मोकम ऊळवा मतल, मति मावा सीता मीवाय संगे मंदु. अदिह्‌क ओसोवने मीवा मोकम ऊळलाह, मावा पकाय जीवा पर्ह्‌किंदु, मियगा वायलाह अग़ ऊळसोरेन मंदोम. नना पोलुनन रेंड-मूंड मल्काङ वायलाह ऊळतन, मति देयह्‌कना मुक्याल अडम आस मता.

2 तिमोति 4:21

निमा इर्ङमताङ दियाङ वायनामुनेन, इके वायलाह तयर आम. यूबुलुस, पूदेन्‍स, लीनुस ओसो कलोदिया वेरु, ओसो इग्डोर सबेटोर विस्वसिर, नीक जय येसु वेहतलाह आतोर.

2 तिमोति 4:9

देमस इनवाल दुनियाता गिर्दातुन पसंद कीसि, नाक विळ्सिसि तिसलुनि सहरते अतोग़. किरेस्केन्‍सु इनवाल गलाति पटटे अतोग़. तीतुस बार दलमतिया पटटे अतोग़. सिरप लूकाले नावा संगे मन्ह्‌तोग़. अदिह्‌क निमा नयगा बेचोन चट्पिट वाया पग़यह्‌निन, अचोन चट्पिट वायलाह तयर आम. देवुळता सेवाते मार्कल नाक पका कबळतुह्‌क अरयनोग़, अदिनेनाह्‌क निमा नयगा वायह्‌पा, मार्कन पोस वाय.

1 योहन 1:4

मीट वने मावा संगे कलियिसि, माक पका गिर्दा वायि इनजोर, मीकु इव पोल्‍लोन रासलाह आतन.

तोहचीतव पोल्‍लोङ 21:4

देवुळि ओराङ सबे तिपल्किन जेक कीसि, ओराङ कंड्रिन उम्चिसीयग़ा. अद ओरा संगे मनाह्‌कु, मुनेता कालम मारिस अता; अदिनेनाह्‌क हामुर मनो आयग़ा, दुकम मनो आयग़ा, अळयनद मनो आयग़ा, तिपल आयनद मनो आयग़ा.”