2 तिसलुनितोर 3:6 - माडिया गोंड पवित्र सास्त्रम

⁶ इंजेके मावोर विस्वसिरिर! मावा येसुसामि किर्स्तुना पेदिरते, मीक उकुम ईयलाह आतोम: उच्वुर विस्वसिर कबळतुह्‌क लंडालोर आतोर, माट मीक काग़्हतव पोल्‍लोना लेह्‌का ताकोर. अद्रम मनवालोरा संगे गोत आयमाट.

2 तिसलुनितोर 3:6 Iomraidhean Croise

मत्याल 18:17

ओसो ओकावेला ओग़ कैंगम आसि ओराङ वन केंजवेके, विस्वसिरा मुडगा इद पोल्‍लोतुन वेहा. मुडा गोटटुन वन ओग़ केंजवेके, देवुळतुन पुनवोर पर्गेर, सिद्‌वा एनवालोर वेरिन ऊळतपु, ओन तपतोन वने वेग़ मावोग़ आयोग़ इन्जि, अहे ऊळा.

रोम सहरतोर 16:17

इंजेके, मावोरिर! इद उंद पोल्‍लोतुन अर्जि कीस वेहतलाह आतन. उय्तुर मन्कलोर मन्ह्‌तोर, ओरु मीट कग़यतव पोल्‍लोन नमवा, दुस्राङे पोल्‍लोन काग़्हचि, विस्वसिरा मुडोरगा कोंटेङ पुटिह कीस्तोर. ओसो बोर-बोरिन विस्वसतुन विळ्सनाह कीस्तोर. अदिह्‌क मीट उसरते मन्ह्‌टु, ओरग्डाहि जेक मन्ह्‌टु.

1 कुरिंततोर 11:2

मीट नाक सबे पोल्‍लोने सीता कीय्ह्‌निर, अहे नना मीक काग़्हतव पोल्‍लोना लेह्‌काने ताकिह्‌निर, बेस-नेह्‌ना कीय्ह्‌निर.

1 कुरिंततोर 5:4

इतेके मावा येसुसामिना पेदिरते मीट जमा आयह्‌पा, नना वने सीताते मीवा संगे मह्‌नन. ओसो मावा येसुसामिना लाव मावा संगे मन्ह्‌ता.

1 कुरिंततोर 5:9

साट्याल मन्कलोरा संगे कलियमाट इनजोर, नना मुनेन सीटटे रासिस मतन.

2 कुरिंततोर 2:10

मीट बोनाय, बेदाय गल्तितुन मापि कीतेके, तान नना वने मापि कीय्ह्‌नन. बेदिनाय मापि कीतन, इतेके अद मीवा पाय्दातेनाह्‌क नना कीतन इनजोर, किर्स्तु पुतोग़.

इपिसुसतोर 4:17

अदिनेनाह्‌क नना सामिना अदिकरते मीक इद्रम वेहतलाह आतन: देवुळतुन पुनवोर ताकनद अग़दे ताकमाटु. ओर बेव विचर्कने ताकिह्‌तोर, अव सबे उगसताङ आंदुङ.

कुलुसितोर 3:17

बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.

1 तिसलुनितोर 4:1

मावोर विस्वसिरिर! नना इंजेके आक्रिताङ पोल्‍लोङ वेहतह्‌नन; देवुळतुह्‌क गिर्दा वानाह ताकना इनजोर, मीक काग़्हच मतोम. अहे मीट मनदलाह आतिरे. मति इंका ओसो मीट अद्रमलेह्‌काने, मुनेह वने बेर्ससोर अन्ह्‌ट इनजोर, माट येसुसामिना पेदिरते मीक अर्ज कीयलाह आतोम.

1 तिसलुनितोर 4:11

माट मीवा संगे मनदह्‌पा, मीक उकुम ईतप लेह्‌कान, दुस्रोरिह्‌क तिपल एवा, आपुना-आपुना कबळ-कामतुन ऊळाटु, लंडा आयवा कह्‌टेम कीम्ह्‌टु.

1 तिसलुनितोर 5:14

मावोर विस्वसिरिर! ओसो उंद पोल्‍लो वेहतह्‌नन: कबळतुह्‌क लंडालोरिन बुदि काग़्हाटु, आरेम आतोरा जीवातुह्‌क दीरा ईम्ह्‌टु, विस्वसते मेग़्कवोरिह्‌क तोळ ईम्ह्‌टु, सबेटोर मन्कलोरा संगे ओङ आयवा मन्ह्‌टु.

2 तिसलुनितोर 2:15

अदिनेनाह्‌क मावोर विस्वसिरिर! मीवा विस्वसते मेग़्किस मन्ह्‌टु. माट मावा तोडटे आयि, सीटटे आयि, काग़्हतव पोल्‍लोन पोस ताकाटु.

2 तिसलुनितोर 3:7

माट मियगा मतस्के, बेद्रम मनदना इन्जि तोहतोम. बोनगान ताल्ह्‌किसि तिनोम. मति बोनगान मोता आयनद आयो इनजोर, नग़्का पिळ्‍विळ पियल-पोळ्‍द तिपल आसि, एपुर पोहच कबळ कीस तितोम. मीट वने मावा लेह्‌कान मनदना इनजोर पुतिरे.

1 तिमोति 5:21

देवुळि, किर्स्तु येसु, ओसो देवुळ आचतव देवतुल्कु, वेरा मुनेह नना नीक वेहतलाह आतन: नना वेहतनव इव पोल्‍लोन पोस मन. मन्कलोरा मोकम ऊळिस, बेदे कबळ केमा. सबेटोरिन उंदिय विचरते ताकिह कीम.

1 तिमोति 6:5

इद्रमतोर लाग्वा बुदतोर आंदुर, ओसो सेतेम पोल्‍लोताहि जेक आतोर, रोमवालेवा जग्ळम आसोर मन्ह्‌तोर. इद्रमतोर देवुळतुन माळिसि, पका कोताङ कमय कीसि माक पाय्दा आस्ता इनजोर, विचर कीस्तोर.

2 तिमोति 3:5

वेर अमेसा देवुळतुन सेवा कीतप लेह्‌का, सोङ कीयनुर; मति ताना लावतुन निटम मानेम आयोर आयनुर. तिमोति, निमा इद्रमतोर मन्कलोरग्डाह जेक मन.

2 तिमोति 4:1

देवुळि ओसो किर्स्तु येसु (ओग़े किर्स्तु उंद दिया तना राजेमतुन निल्पिह कीयलाह मल्स वायनोग़; अस्के हातोरा-पिसतोरा नेयम केवाल आयनोग़); वेरा अदिकरते नना नीक इद उकुम ईय्ह्‌नन:

2 योहन 1:10

अदिनेनाह्‌क वेहतलाह आतन, किर्स्तु काग़्हतव पोल्‍लोन काग़्हवोग़ मन्कल, मियगा काग़्हतलाह वातेके, ओन मीवा लोते केयमाटु, ओसो जोहर वने केमाटु.