2 पत्रु 2:21 - माडिया गोंड पवित्र सास्त्रम

^21-22 इतेके, वेर देवुळता सेतेम अग़दुन पुनवा मन्ज मतेके, वेरिह्‌क बेस ओप्पिस मनालि. “नयु तना ककतदिने नाकलाह मलयह्‌ता, नोग़तद पदि मल्स चिक्‍लातगाने दोळ्गलाह दास्ता,” अद्रमलेह्‌काने आतोर; वेर देवुळ तोहतद अग़दुन पुन्ज मन्जि, अद पवित्र अग़दुन विळ्सिसि, (तमा पाळ्ना अग़दुने ओसोवने पोयतोर).

2 पत्रु 2:21 Iomraidhean Croise

मत्याल 21:32

योहन मीकु सेतेमता अग़ तोहतलाह वातोग़, मति मीट लोकुरिर ओन नमविर. सिद्‌वा एनवालोर ओसो बोगेस्कु मात्रम ओन नमतोर. ओर तमा पापमताहि मिळ्न्दतदिन ऊळिस तेला मीटु मिळ्न्दविर, योहनिन नमवाये मतिर.

लूकाल 12:47

“अदिनेनाह्‌क बोग़ मेटिह्‌क तना माल्काल वेहतद कबळ पूरा एर्का मन्जि तेला, ओग़ मुर्तिय तयरते मनोग़, ओसो तना माल्काना विचरता लेह्‌का, ओग़ कबळ वने केवोग़ इतेक, ओग़ मन्कह्‌कु पका देबाङ अरयनुङ.

योहन 15:22

नना वासि ओरा संगे वळ्ह्‌कवेके, (ओरिह्‌कु नीवाङ केंजोम इनदलाह दोर्को आवालि, इतेके) ओरगा कसुर मनो आवालि. मति इंजेके नना ओरा संगे वळ्ह्‌कताह्‌कु, ओरिह्‌कु तमा कसुरतुनु मकिह कीयलाह जागाय इले.

योहन 9:41

अस्के येसु ओरिन इतोग़, “‘माट गुडिरा लेह्‌का ईकळते ताकिह्‌नोम, (मति तोवयलाह, देवुळताहि कग़यलाह माक गिर्दा मन्ह्‌ता,’) इद्रम मीट इन्ज मतेके, मीवा कसुर मनो आवालि, (देवुळि मीक मापि केवालि). मति माट तोवयह्‌नोम, (पूरा पुतोरोम) इनजोर इह्‌निर. अदिह्‌के मीवा पापम अहे मन्ह्‌ता, (देवुळि मीक मापि केवो,)” इनजोर इतोग़.

रोम सहरतोर 7:12

इद्रमलेह्‌का देवुळ ईतव अडोङ लागोङ इन्जि इनोन. अव सबे देवुळताहि वाताङ, सेतेमताङ ओसो बेसताङ आंदुङ.

गलातितोर 6:2

मीट ओर्विना-ओर्वोग़ तिपलतुन-मोतातुन कांजाटु. इदे रीतते किर्स्तु वेहतद अडोतुन माळकिर.

1 तिसलुनितोर 4:2

येसुसामि माक अदिकर ईताह्‌कु, मीक बाताल बाताल उकुम ईस मतोम, अदिन मीट पुतिर.

1 तिमोति 6:14

इतेके, नना नीक वेहतव पोल्‍लोन तपवालेवा, नियगा कसुर दिसवपु, केंजिस ताका. मावा येसुसामि किर्स्तु ओसो वानाह्‌जोम, केंजसोर मन.

इब्रितोर 10:26

नना इव पोल्‍लोन बाराह्‌क रासतन इतेके, माट बेद सेतेम मन्ह्‌ता इनजोर पुतल. इद्रम पुन्ज-वेन्ज पापम कीसोर मतेके, अद्रमता पापमतुन मायिह कीयलाहि, इंजेके बेदे मोकि इले.

याकुब 4:17

अदिनेनाह्‌क बोग़ बेसता कबळ कीयलाह पुन्ह्‌तोग़, मति अदिन केवोग़ इतेके, ओग़ पापम कीस्तोग़.

2 पत्रु 3:2

वेल्‍लाय मुने, देवुळता पवित्र कबुरतोर तानाङ पोल्‍लोन वेहतोर; ओसो मावा पिसिह केवाल येसुसामि किर्स्तु ईतद उकुम, ओनाङ बळयिरा तोडटे मियगा वाता. इव मीट कग़यतव पोल्‍लोन सीता कीम्ह्‌टु इनजोर, नना वेहतलाह आतन.

यहुदाल 1:3

नावा गोततोरिर! देवुळि माट सबेटोर मन्कलोरिन पिसिह कीतद पोल्‍लोतुन रासलाहि, नाक पकाय विचर वास मता. मति उच्वुर मन्कलोर मावा मुडगा कुस्क्ने नेङतोर. ओरिह्‌क देवुळताहि सिक्सा दोर्किह्‌ता इनजोर, मुनेन ताना सास्त्रमतगा रासतद मन्ह्‌ता. ओर देवुळतुन माळवोर मन्कलोरु. अद तना दयाते मावा पापमतुन मापि कीस्ता इतेके, माट विचर वातपु बातय कीया पग़यह्‌नल इनजोर काग़्हतह्‌तोर. ओसो मावा वग़ोग़े माल्काल येसुसामि किर्स्तुना अदिकरते मनोर. अदिह्‌क मीट ओरा अडम मन्जि, येसुसामि माक ईतद कबुरतेनाह्‌क लळेम आयना इन्जि, इंजेक मीक रासलाह आतन. इद कबुरतुन बोग़े बेस्केन मिळ्हतनदनायो इन्जि, येसुसामि तान माक पोकुर कीया वेहतोग़.