2 पत्रु 2:2 - माडिया गोंड पवित्र सास्त्रम

² वेल्‍लाटोर ओराङ केंजिसि, ओरा लेह्‌का आसि, लजालेवा लाग्वाङ कबस्क कीयनुर. अदिनेनाह्‌क सेतेमता अग़दा बद्‌नम आयग़ा.

2 पत्रु 2:2 Iomraidhean Croise

मत्याल 22:16

अह कीसि, ओर तमाङ कग़यवालोर ओसो एरोद राजाना तुंगातोर उय्तुरिन येसुन ताल्ह्‌कलाह लोहतोर. “गूरु, निमा सेतेम मन्कनिन आसि, देवुळता अग़ सेतेमते तोहतह्‌निन इनजोर, माट पुह्‌नोम. निमा बोर बाताल इनदनुर इनजोर आल्सविन, लोकुरा मोकम ऊळिस वळ्ह्‌कविन, इद माक एर्काये.

मत्याल 24:24

बाराह्‌क इतेके, नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बेराङ-बेराङ बामिह कीयनाङ सीनाङ तोहचि, देवुळ आचतोर लोकुरिन वने लेसिह कीयलाह ऊळनुर. मति ओर अह कीया पग़वोर आयनुर.

मार्कल 12:14

लोहतस्के, ओर येसुनगा वासि, “गूरु, निमा सेतेम मन्कनिन मह्‌निन, बोर बाताल इनदनुर इनजोर आल्सविन, निमा लोकुरा मोकम ऊळिस वळ्ह्‌कविन, देवुळता अग़दुन सेतेमते तोहतह्‌निन, इद माट पुह्‌नोम. इंजेक माक वेहा, रोम सर्करतुह्‌क सिद्‌वा दोहतनद, मावाङ अडोना अडम मन्ह्‌ताया, इलेया?

मार्कल 13:22

बाराह्‌क इतेके नना देवुळ लोहतोग़ राजानन इनवालोर जोलहालोरु, ओसो देवुळता कबुरतोनन इनवालोर जोलहालोरु, इद्रमतोर पुटनुर. ओर बामिह कीयनाङ कबस्कु ओसो सीनाङ तोहचि, देवुळ आचतोर लोकुरिन वने, लेसिह कीयलाह ऊळनुर. मति ओर अह कीया पग़वोर आयनुर.

योहन 14:6

अस्के येसु ओन इतोग़, “अग़दन ननाने, सेतेमतन ननाने, जीवातन वने ननाने आंदन, तोमा. नावा संगे वावालेवा, बाबानेके बोग़े एवया पग़वोग़.

बळयिर 13:10

“ए सत्रल मन्कनिन, पका नाळेमता कबळते निंदतद देयमतिन, निमा सेतेमता अडम मह्‌निन. बह निमा देवुळता सेतेमता पोल्‍लोतुन मिळ्हतनदिन विळ्सविना?

बळयिर 14:2

मति येसुन विस्वस केवोर यहुदिर बाताल कीतोर इतेके, विस्वसिरिन जग्ळम कीयलाहि, यहुदि आयवोरगा अन्जि, ओरिन ओङ तग़्हचीतोर.

बळयिर 16:17

अद पिला बेद्रम कींदु इतेके, “वेर सबेट्क बेरा देवुळताङ सेवकिर आंदुर. देवुळ लोकुरिन बेद्रम पिसिह कीस्ता, अदिन मीक पोकुर कीस्तोर” इनजोर, केयसोर-केयसोर मावा पयाह पयाह वांदु.

बळयिर 18:26

पया ओग़ इपिसुस सहरतगा देवुळता पार्तनाता लोन अतोग़, अन्जि अगा पका दीराते पोल्‍लोङ वेहन्दोग़. उंद दिया पिरिस्किलालि, अक्‍विलाल, वेरु ओग़ वेहतनाङ पोल्‍लोन केंजतोर. केंजिसि ओन तमा लोन ओसि, देवुळताङ पोल्‍लोन ओसो बेस-नेह्‌ना तेळियिह कीसीतोर.

बळयिर 19:9

मति उय्तुर मन्कलोर कैंगम आसि, पोलुनाङ पोल्‍लोङ केंजोर. ओसो येसुना अग़ मुर्तिय लागो इनजोर, जमा आता मुडा मुनेह पास्क बोटटोर. अदिनेनाह्‌क अद पार्तनाता लोतुन विळ्सिस, विस्वसिरिन पोसि पोलु पेसिस अतोग़. अन्जि तुरनुस इनवाल गूरु काग़्हतनद लोतगा, लोकुरिन येसुनाङ पोल्‍लोङ दिनमे वेहन्दोग़.

बळयिर 22:4

अदिह्‌क येसुसामिना अग़दे ताकवालोर आस्क-कोय्तोरिन दोहच, जेलतगा वाटिंदन. ओरिन हव्कनाह तिपल कीसोर मतन.

बळयिर 24:14

“मति इद उंद पोल्‍लो नना कबुल आय्ह्‌नन. बेद अग़दुन वेर लाग्वा अग़दा तुंगा इन्ह्‌तोर, अदे येसुसामिन विस्वस कीयनद अग़दे नना ताकिस, मावाङ तादोर-बाबोरा देवुळतुन माळिह्‌नन. मोसानाङ अडोनगा, ओसो देवुळता कबुरतोरा सास्त्रमतगा रासतव सबे पोल्‍लोन माळिह्‌नन.

रोम सहरतोर 2:24

देवुळता सास्त्रम मीवा लोप्पा करल वेहतह्‌ता: यहुदि आयवोरमन्कलोर मीक ऊळिसि देवुळतुन पास्किह्‌तोर.

1 तिमोति 5:14

अदिनेनाह्‌क लेया आंचाळ रांडे आतेक अचोन, कोटुलतोरिह्‌क वळ्ह्‌कलाह अग़ दोर्कवाह, इद्रम कीयि: मुजोह्‌क अनि, पिलाङ-पेकोर कंजि, लोन पोस मनि.

तीतुस 2:5

कुदतुन आव्रे कीम, दुस्रोन कवमा, लोता कबळते लंडा आयमा, गूनमते ताका, नीवा मुजोना पोल्‍लोते वरेम आस मन,” इनजोर लेया आस्किन काग़्हता पग़यह्‌ताङ. आंचाळ इद्रम मतेक अचोन, दुस्रोर देवुळता पोल्‍लोतुन पास्कोर.

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.

2 पत्रु 2:12

मति वेर जोल काग़्हवालोर इतेके, तमा पुनवव पोल्‍लोना लोप्पा पास्किह्‌तोर. वेर विचर कीया पुनवव, बुदलेवव जन्वर्कना लेह्‌काडोर आंदुर. इद्रमताङ जन्वर्क बेदे कबळतुह्‌क अरवाह्‌कु, अविन पोस हव्कनाय ओजिह्‌ता. अद्रमलेह्‌काने देवुळि वेरिन बूळे कीयग़ा.

2 पत्रु 2:15

वेर सीदा दायनद अग़दुन विळ्सिस लेसतोर. वेर मन्कलोर बहोर इनवाल मुय्तोना मग़ि, बलामि इनवाना अग़दुन पोयतोर. वेग़ बलामि इतेके, लाग्वद कबळताङ कोतान जीवा कीस मतोग़.

2 पत्रु 2:18

वेर पोमाडेङ पोल्‍लोङ वळ्ह्‌किह्‌तोर, मति अव पोल्‍लोङ बेदिह्‌के अरवोङ. अह वळ्ह्‌किसि, वेर लजालेवा लाग्वाङ कबस्कना मेटे, लेसतोर मन्कलोरग्डाह पेसिसि, सेतेमता अग़दे पूनाङ-पूनाङ वातोर मन्कलोरिन, मेंदुदाङ लालुस्कने एग़्किह कीस्तोर.

2 पत्रु 2:21

इतेके, वेर देवुळता सेतेम अग़दुन पुनवा मन्ज मतेके, वेरिह्‌क बेस ओप्पिस मनालि. “नयु तना ककतदिने नाकलाह मलयह्‌ता, नोग़तद पदि मल्स चिक्‍लातगाने दोळ्गलाह दास्ता,” अद्रमलेह्‌काने आतोर; वेर देवुळ तोहतद अग़दुन पुन्ज मन्जि, अद पवित्र अग़दुन विळ्सिसि, (तमा पाळ्ना अग़दुने ओसोवने पोयतोर).

2 पत्रु 2:7

(सेतेमतोरिन बारा, देवुळि पिसिह कीयलाह पुन्ह्‌ता. अदे सोदोम सहरतगा मतोग़) लोट इनवाल, देवुळतुह्‌क ओप्पनाह ताकतोग़. अद सहरतोर लजालेवा लाग्वाङ कबस्क कींदुर. वेग़ सेतेमतोग़ लोट, ओरा नडुम मन्जि, दिनमे ओर कीयनव लाग्वाङ कबस्किन ऊळिंदोग़, केंजिंदोग़. ऊळसोर, केंजसोर, ओग़ पका मेसेह्‌ने आसि, ओना जीवा मुर्तिय चुहेम आयो आंदु. अदिह्‌क देवुळि अद सहरतुन बूळे कीयनामुने, ओन पिसिह कीता.

यहुदाल 1:10

मति वेर मन्कलोर तमा पुनवव पोल्‍लोना लोप्पा, लेवाङ-मताङ वळ्ह्‌किस पास्किह्‌तोर. विचर कीया पुनवव जन्वर्कना लेह्‌का, ओरिह्‌क बेस्काय बाताल कीया वसिह्‌ता, अदे ओर विचर केवालेवा कीस्तोर. अवे पोल्‍लोना मेटे, तमा कुद बूळेम आस्तोर.

यहुदाल 1:15

ओग़ सबेटोर मन्कलोरिन नेयम कीयलाह वायनोग़. देवुळतुह्‌क विचर वावाह कीतव लाग्वाङ कबस्क कीतोरिनु, अहे तना विरुद ओप्पवव पोल्‍लोङ वळ्ह्‌कतोरिनु, सिक्सा ईयलाह, वायनोग़” इनजोर, हनोक मुनेन वेहतोग़.

यहुदाल 1:7

इद्रमलेह्‌काने सोदोम-गोमोरा, इव सहर्कनोर, अहे एरे-गूरे मतव नाह्‌कनोर मन्कलोर वने, अव देवतुल्क कीतप लेह्‌का कीतोर; इतेके मुर्तिय ओप्पवव साट्याल कबस्क कीसोर मंदुर. देवुळि ओरिन अमेसातेनाह्‌क मळ्गसोर मनदनद किसतगा वाटिस सिक्सा ईता. ओरिह्‌क अद्रम आतदिन ऊळिसि, सबेटोर मन्कलोर रेयिस मनदना इनजोर, इद पोल्‍लो तोहतह्‌ता.

तोहचीतव पोल्‍लोङ 12:9

पया मीकाय्ल तना तोळतव देवतुल्कना संगे, मासुंडतुन ओसो ताना तोळतविन बूमतगा अर्ह्‌चीता. अद मासुंडि इतेके सुरुमुनेता तरसि! तान देयह्‌कना मुक्याल वने इन्ह्‌तोर, ओसो सय्तन वने इन्ह्‌तोर. अदे बूममेटोरिन नाळेह कीसोर वाता.

तोहचीतव पोल्‍लोङ 13:14

मुनेता रकसता मुनेह सीना तोहतलाह, तान्क अदिकर दोर्किह्‌ता. अद सीना तोहचि, बूमतगा मनवालोर सबेटोर मन्कलोरिन, अद नाळेह कीस्ता. अद पयाडा रकस बूमतगा मनवालोरिन इद्रम इन्ह्‌ता: “तल्वर कसेग़ते नोमुर आसि, सव्रेम आतद रकसता बोमा पंडाटु,” इन्ह्‌ता.

तोहचीतव पोल्‍लोङ 13:8

मन्कलोर हव्किस मतद गोरेपिलाता अमेसातुह्‌क पिसवालोरा पुस्तकतगा, बोराङ-बोराङ पेदिर्क दुनिया पुटवस्केन रासतव मन्ह्‌ताङ, ओर रकसतुन माळोर आयनुर. मति ओरिन विळ्सिसि, बूमतगा मनवालोर सबेटोर, अद रकसतुन मोळ्कनुर.