2 पत्रु 2:18 - माडिया गोंड पवित्र सास्त्रम

¹⁸ वेर पोमाडेङ पोल्‍लोङ वळ्ह्‌किह्‌तोर, मति अव पोल्‍लोङ बेदिह्‌के अरवोङ. अह वळ्ह्‌किसि, वेर लजालेवा लाग्वाङ कबस्कना मेटे, लेसतोर मन्कलोरग्डाह पेसिसि, सेतेमता अग़दे पूनाङ-पूनाङ वातोर मन्कलोरिन, मेंदुदाङ लालुस्कने एग़्किह कीस्तोर.

2 पत्रु 2:18 Iomraidhean Croise

बळयिर 2:40

ओरिन तेळियिह कीयलाहि, ओसो वेल्‍लाङे पोल्‍लोङ बुदिङ-एदिङ वेहतोग़. देवुळि येसुन नमवोरिह्‌क सिक्सा ईयना मन्ह्‌ता, अद सिक्साताहि पिह्‌ट अर्म्ह्‌टु इनजोर, बुद काग़्हचोर मतोग़.

बळयिर 8:9

इंजेके अदे सहरतगा, पूजर-गूनिङ केवाल सिमोन पेदिरतोग़ मन्कल मतोग़. ओग़ तनाङ गूनिने सामरिया जाततोरिन पकाय बामिह कीसि, ननाय बेरोग़ गूनयानन इनजोर वेहचोर तिरियिंदोग़.

रोम सहरतोर 13:13

ओसो माट वेह्‌चते मनाह्‌कु, बेसता बुदते ताकिङ. अद्रमे ओचेरा लेह्‌का केवा, साट्याल बुदते विचर वातप केवा, वह्‌चळ केवा, ओसो दुस्रोरगा जीवा कर्ववा, बेसता अग़दे ताकिङ.

इपिसुसतोर 4:17

अदिनेनाह्‌क नना सामिना अदिकरते मीक इद्रम वेहतलाह आतन: देवुळतुन पुनवोर ताकनद अग़दे ताकमाटु. ओर बेव विचर्कने ताकिह्‌तोर, अव सबे उगसताङ आंदुङ.

2 तिसलुनितोर 2:4

ओग़ लाग्वोग़ मन्कल ननाये निटम देवुळतन इनजोर वेहचि, देवुळता मंदिरतगा उदनोग़. मन्कलोर मोळ्कनव सबे पेन्क-हानास्क, सबे देवुळ्क नावा मुनेह बाताङ इलेङ इनजोर, ओग़ पोग़यनोग़.

याकुब 5:5

मीट इद बूमतगा सबे रीतिनाङ विचर्क वातप ताकतिर. मति (बेद्रम नेंड नग़्का नाक अस्कनुर इन्जि, एर्रे पुनवा बेस मेयिह्‌ता, अद्रम) मीट वने देवुळ माक बूळे कीयलाह आता इनजोर पुनवा, गिर्दा-वेळ्काते मह्‌निर.

2 पत्रु 1:4

देवुळि बेरा डीसाता, बेस गूनमता मनाह्‌कु, पका दाराता, पका बेरा बर्कत ईतन इनजोर, पोल्‍लो विळ्सता. इद बर्कत मीक दोर्कताह्‌कु, देवुळतुन पुनवोरा लेह्‌कान, मीट लालुस कीसि पूरा बूळेम आयवा, तना बेद्रम मन्ह्‌ता, अद्रमलेह्‌काने मीट वने आयना इनजोर, देवुळि अह कीता.

2 पत्रु 2:14

वेरा नद्र साट्याल बुदते निंदिस मन्ह्‌ता, पापम पोल्‍लोन पर्ह्‌कसोरेन मन्ह्‌ता. विस्वसते मेग़्कवोरिन नाळेह कीसि, पापमतके ओस्तोर. लालुस आयनदिना लोप्पा कोनि, वेरे पका पुतोर. देवुळि वेरिन सिक्सा ईस्ताये.

2 पत्रु 2:2

वेल्‍लाटोर ओराङ केंजिसि, ओरा लेह्‌का आसि, लजालेवा लाग्वाङ कबस्क कीयनुर. अदिनेनाह्‌क सेतेमता अग़दा बद्‌नम आयग़ा.

2 पत्रु 2:20

वेर मन्कलोरा बेचोटा बेरा गोसा! मावा सामि, माक पिसिह केवाल येसु किर्स्तुन पुताह्‌कु, दुनियाताङ सबे रीतिना पापमताहि पिह्‌ट अरतोर. अह आस तेला, ओसोवने अदे पापमता कय इळ्न अन्जि एग़्कतोर इतेके, मुने मतदिह्‌काय इंजेके एक्‍वा सिक्साता लायकतोर आतोर.

2 पत्रु 2:7

(सेतेमतोरिन बारा, देवुळि पिसिह कीयलाह पुन्ह्‌ता. अदे सोदोम सहरतगा मतोग़) लोट इनवाल, देवुळतुह्‌क ओप्पनाह ताकतोग़. अद सहरतोर लजालेवा लाग्वाङ कबस्क कींदुर. वेग़ सेतेमतोग़ लोट, ओरा नडुम मन्जि, दिनमे ओर कीयनव लाग्वाङ कबस्किन ऊळिंदोग़, केंजिंदोग़. ऊळसोर, केंजसोर, ओग़ पका मेसेह्‌ने आसि, ओना जीवा मुर्तिय चुहेम आयो आंदु. अदिह्‌क देवुळि अद सहरतुन बूळे कीयनामुने, ओन पिसिह कीता.

2 पत्रु 3:17

नावा गोततोरिर! मीट इव पोल्‍लोन मुनेन पुतिर, अदिनेनाह्‌क उसरते मन्ह्‌टु. अद्रम मनवेके, मीट मीवा विस्वसताहि पेग़्के अर्सि, देवुळताङ केंजवोरा नाळेमते एग़्किसि, लेसकिर बहा!

यहुदाल 1:13

उड्रातस्के एग़ गोकिह्‌पा, बोमुल अग़्के गादा पेसना लेह्‌कान, वेर मन्कलोर तमाङ लजा वानाह मनदनव कबस्किन पेसिह कीस्तोर. ओसो आपुना जागातुन विळ्सिस वेलियनव उकाना लेह्‌का, (वेर वने आपुना विचर वातपे केवालोरु). वेर अमेसा-अमेसातुह्‌क सिक्सा आयना इन्जि, देवुळि ईकळ गंगाता जागातुन तयर कीस तासता.

तोहचीतव पोल्‍लोङ 13:11

पया दुस्रा उंद रकस बूमतग्डाहि पेसिस वायनद ऊळतन. तान्क गोरेपिलाता लेह्‌का रेंड कोह्‌क मताङ. अद वळ्ह्‌कनस्के बार, मासुंडता लेह्‌का वळ्ह्‌किंदु.