2 पत्रु 2:17 - माडिया गोंड पवित्र सास्त्रम

¹⁷ वेर जोल पोल्‍लोङ काग़्हवालोर वततव चुवाना लेह्‌काडोर; वळ्‍दे तेळिस दायनद मोयुलता लेह्‌काडोर, (इतेके मेसेह्‌ने केवालोर) आंदुर. वेरेनाह्‌क देवुळि अमेसाता ईकळतुन तासता.

2 पत्रु 2:17 Iomraidhean Croise

मत्याल 22:13

राजाल पया तनाङ आजोङ आयवालोरिन केयिस इतोग़, ‘वेनाङ कय्किन-काल्किन दोहचि, वेन पलत मुर्गंगाते पोहचीम्ह्‌ट. अगा मनवालोर अळयना-केयना, मुडुर-मुडुर पल्क कोग़्कना, इह कीसोर मनदनुर,’ इन्जि इतोग़.

मत्याल 25:30

वेग़ सेवकि बेदे कबळतुह्‌क ओजोग़! वेन पलत मुर्गंगाते पोहचीम्ह्‌ट. अगा मनवालोर अळयना-केयना, मुडुर-मुडुर पल्क कोग़्कना कीसोर मनदनुर,’ इन्जि माल्काल वेहतोग़.

मत्याल 8:12

मति माट इस्रयेलतोरोम इन्जि देवुळदीपते नेङकोम, इद्रम इनवालोर उय्तुरिन, देवुळ मनवदु ईकळता जागाते देवुळि पलत पोहचीयग़ा. अगा ओरु अळयना, पल्क कोग़्कना कीयनुर.”

इपिसुसतोर 4:14

अदिनेनाह्‌क वायनव दियाने, माटु उड्लोरा लेह्‌का मनवल. बोळ्से मन्कलोर तमा सत्रल बुदते, माक लेसिह कीयनदायो. ओर काग़्हतव दुस्राङ-दुस्राङ पोल्‍लोन केंजिसि, वळ्यु इके-अके तिर्हतनद ओडाता लेह्‌का माट आयनदायो.

इब्रितोर 12:18

इस्रयेल मन्कलोरिह्‌क देवुळताङ अडोङ दोर्कतस्के, ओर सीनय मेटातगा जमा आस मतोर; (अदु इद बूमते मनदनद कय बोयनद मेटा आंदु.) मेटातगा ओरिह्‌क पका मळ्गनद किसु, ईकळ-गंगा, दूंद-मुर्गम दिसता. पका जोरते अकुम ऊरनदु, देवुळता बेरा लेङु, ओरिह्‌क केंज वाता. अद लेङतुन केंजिसि, ओर पका रेयते, देवुळ इद्रम माक वळ्ह्‌कमाकि इन्जि, मोसान कालगडेम अरतोर.“मन्कल आयेग़, जन्वर आयि, अद मेटातुन इटटेके, बंडाङ उकिस हव्कनद सिक्सा ईयनदे,” इनजोर देवुळि उकुम ईस मता. पकाय रेयिस मताह्‌कु, अद उकुमतुन केंजलाह, पग़वोर आस मतोर. सीनय मेटातगा आतद पूरा, निटम अचोन रेय वसनाह मता इतेके, मोसाल वने, “नना रेयतुह्‌क साङलाह आतन,” इनजोर इतोग़. मति मीट इतेके, इद बूमते मनदनद मेटातगा वाविर.

2 पत्रु 2:4

अद इद्रमि: पापम कीतव पोग़ोटाङ देवतुल्किन वने, देवुळि विळ्सो; अविस्किन गोल्स्कने दोहचि, देयमदीपते मनदनद ईकळ गंगाता सिक्सा-बोंदातगा वाटिसीता. वाटिसि तना नेयम कीयनद दियातेनाह्‌क तासता.

यहुदाल 1:6

अहे वळ्गा देवतुल्कु, देवुळ ईतद तमा अदिकरतुन वीळिसि, देवुळ अविनेनाह्‌क तासतद जागातुन विळ्सताङ. देवुळि अविस्किन गोल्स्कने दोहचि, अमेसातेनाह्‌क मनदनद ईकळ गंगाता सिक्सा-बोंदातगा वाटिसि, नेयम कीयनद दियातेनाह्‌क तासता.