2 पत्रु 2:1 - माडिया गोंड पवित्र सास्त्रम1 मति देवुळता कबुर वेहवालोरोम इनजोर, नाळेह केवालोरु, मुने देवुळता मन्कलोरा नडुम मंदुर. अद्रम इंजेके वने, जोल पोल्लोङ काग़्हवालोर मियगा मनदनुर. विस्वसतुन बूळे कीयनव जोल पोल्लोन, कुस्क्ने पोकुर कीयनुर. आपुना जीवाता कर्सा ईस ओरिन असतोग़ माल्काना पोल्लो केंजवा ताकनुर. इद्रम कीसि, ओर कुद चट्पिटे गोसातगा अरयनुर. Faic an caibideil |
2 पत्रु 2:1
73 Iomraidhean Croise
मति दुस्राङ जातिनोरिह्क इंका, किर्स्तु येसुनगा विस्वस कीताह्कु, अब्रहमिह्क ईतद बर्कत दोर्कग़ा. ओसो देवुळ मुने पोल्लो विळ्सतपे, ताना पवित्र जीवा माक विस्वसिरिह्क दोर्कग़ा, इद्रमता विचरते, किर्स्तुये माकु अडोना संगे वातद सरपताहि पिसिह कीतोग़. माक सरपताहि पिसिह कीयलाहि, ओग़ तनाय पोग़ोन सरप एतोग़. बह इतेके बोग़ाय मरातगा वेळ्हतोग़ु सरपतोग़ आस्तोग़ इन्जि, सास्त्रमते रासतद मन्ह्ता.
इदिन पुन्ज मन्ह्टु! मन्कलोर वासि, मन्कना बुदताहि पुटटव पोल्लोनु, (देवुळताङ पोल्लोङ इनजोर) काग़्हतह्तोर. ओर पका बुदतोर दिसतेक तेला, ओराङ पोल्लोङ उगसताङ ओसो जोल पोल्लोङ आंदुङ. लोकुर वेहतव अव इद दुनियाताङ अङ्ळमताङ पाय्दालेवाङ उतुर्कनाङ पोल्लोङ आंदुङ, किर्स्तुनग्डाह वातव आयोङ. अदिनेनाह्क अव पोल्लोङ काग़्हचि तमा कयदे कीयलाहि, ओरिह्क मीट अग़ एमाटु.
देयह्कना मुक्याल राजेम कीयनद जागातगा मीट मह्निर इनजोर, नना पुतन. मियग्डोग़ मन्कल अंतिपस इनवाल, नाक नमसोरे, नावा लोप्पा साक्सि ईसोर मतोग़. ईताह्कु, अग्डोर देयह्कना मुक्याल मनदनद, मीवा सहरतोर मन्कलोर ओन हव्कतोर. मीवा मन्कन हव्कतस्के वने, मीट नाक पोस विळ्सविर, नाक विस्वस कीयनदिन विळ्सविर इनजोर पुतन.
मोळ्किसि ओर इद्रम पूना पाटा वाग़तोर: “नीक मन्कलोर हव्किस मतोर, निमा नीवा नेतुर पोहच डोलतिन. अद नेतुरता कर्सा कीसि, सबे पुळ्गिनाहि, दुस्राङ-दुस्राङ पोल्लोङ वळ्ह्कवालोरग्डाहि, सबे देसेह्कनोरग्डाहि, सबे जातिनोरग्डाहि, मन्कलोरिन देवुळतेनाह्क अलग कीतिन. ओसो ओरिन मावा देवुळता राजेमतोर कीतिन, तानाङ बूमयालोर वने कीतिन, ओर पूरा बूमते राजेम कीयनुर. अदिह्क तोला सीटटुन एतलाहि, ओसो तानगा मेततद वटेतुन तेंडलाहि, निमान लायकतोनिन!” इनजोर पूना पाटा वाग़तोर.
Sanasan