2 योहन 1:10 - माडिया गोंड पवित्र सास्त्रम

¹⁰ अदिनेनाह्‌क वेहतलाह आतन, किर्स्तु काग़्हतव पोल्‍लोन काग़्हवोग़ मन्कल, मियगा काग़्हतलाह वातेके, ओन मीवा लोते केयमाटु, ओसो जोहर वने केमाटु.

2 योहन 1:10 Iomraidhean Croise

बळयिर 15:23

वेरा कयदे विस्वसिरिह्‌क सीटि लोहतोर, अद सीटटगा इद्रम रासिस मता. “अंताकिया सहरतगा, सुरिया पटटगा, किलिकिया पटटगा मनवालोर यहुदि आयवोर विस्वसिरिह्‌क: “माट मीवा ऐंगेटोर विस्वसिरोम, इतेके येसुसामिनाङ बळयिरोम, ओसो विस्वसिराङ पेदल्कनोम, सीटि रासलाह आतोम, मयेनाह मीक जोहर.

1 कुरिंततोर 16:22

बोग़ाय येसुसामिन जीवा केवेके, ओन्क सरप दल्गि! ए सामि, वय!

1 कुरिंततोर 5:11

आयो, (सीटटे नना विस्वसिरा मुडोराये लोप्पा रासतन.) बोग़ाय विस्वसिनन इन्जि, साट्याल कबळ कीतेक, लालुस कीतेके, बोमान मोळ्कतेके, कदर रेहतनव पोल्‍लोङ वळ्ह्‌कवाल मतेके, कल लोटि मतेके, नाळेह कीस तिनवाल मतेके, ओना संगे कलियमाट. ओसो ओना संगे तिनदना-उनडना वने केमाट इनजोर वेहतन.

2 तिसलुनितोर 3:14

इद सीटटे माट रासतद पोल्‍लोतुन बोग़ाय केंजवेके, ओन ऊळिस मन्ह्‌टु, ओन्क लजा वानाह ओना संगे कलियमाट.

2 तिसलुनितोर 3:6

इंजेके मावोर विस्वसिरिर! मावा येसुसामि किर्स्तुना पेदिरते, मीक उकुम ईयलाह आतोम: उच्वुर विस्वसिर कबळतुह्‌क लंडालोर आतोर, माट मीक काग़्हतव पोल्‍लोना लेह्‌का ताकोर. अद्रम मनवालोरा संगे गोत आयमाट.

तीतुस 3:10

विस्वसिरा संगे गिटोगटो आसि, कोंटेङ पुटिह केवाल मन्कन, उंद-रेंड मल्काङ अद्रम केमा इनजोर, वेहच ऊळा. ओग़ केंजवेके, ओन जेक तासा.

2 योहन 1:11

अद्रमतोन्क तोळ आयवाल मन्कल, ओनाङ लाग्वाङ कबस्कने कलियिह्‌तोग़.

3 योहन 1:10

अदिनेनाह्‌क नना अगा वासि, ओग़ बाताल बाताल कीयलाह आतोग़, अदिन सबेटोर विस्वसि मुडोरिन वेहतकन. ओग़ नावा पोग़ोन, करबताङ पोल्‍लोने जोल कसुर वाटिह्‌तोग़; अचोने आयो, उननाटोर विस्वसिर ओनगा अतेके, ओरिन बेस गिर्दाते ऊळोग़. ओसो विस्वसिरिन वने, अद्रमलेह्‌का कीयलाहि एवोग़. अद्रम केवालोरिन विस्वसिरा मुडाहि पलते पेहचीस्तोग़.