2 कुरिंततोर 9:2 - माडिया गोंड पवित्र सास्त्रम

² बह इतेके कोताङ ईयलाह, मीट पका विचर आतिर इनजोर, नना पुतन. नीरेताहि अकाया पटटोर विस्वसिर, कोताङ ईयलाह तयर मन्ह्‌तोर इनजोर, मीवा लोप्पा मकिदुनिया पटटोर विस्वसिरिन वेहतन. मीट गिर्दा आतदिन केंजिसि, अग्डोर वेल्‍लाटोर मन्कलोर वने, कोताङ ईयलाह तयर आतोर.

2 कुरिंततोर 9:2 Iomraidhean Croise

बळयिर 18:12

पया गलियो पेदिरतोग़ मन्कल अकाया पटटागुमसि आतोग़. अस्के यहुदिर कलियिस पोलुन जग्ळा कीतोर, कीसि ओन नेयम कीयनद जागातगा ओसि, गुमसिन इद्रम वेहतोर.

बळयिर 24:17

“नना वेल्‍लाङे वर्साङ येरुसलेम इलवा मतन, मति इंजेके मावा गरिब यहुदि जाततोरेनाह्‌क, जमा कीतद दर्मम एव्सिह कीयलाह, ओसो मंदिरतगा देवुळतुह्‌क मोक ईयलाहि, येरुसलेम वास मतन.

रोम सहरतोर 15:26

येरुसलेमते मनवालोर मावा ऐंगेटोर गरिब विस्वसिर तिपलते मन्ह्‌तोर इन्जि, मकिदुनिया पटटोर ओसो अकाया पटटोर यहुदि आयवोर विस्वसिर, ओरेनाह्‌क कोताङ अर्हचि लोहचीयना इनजोर, विचर कीतोर. इवे कोताङ एव्सिह कीयलाहि, नना इंजेके दायलाह आतन.

1 कुरिंततोर 16:15

मावोर विस्वसिरिर! मीवा अकाया पटटे, मुनेतोर विस्वसिर इतेके इस्तिपनासना लोतोर विस्वस कीतोर, ओर देवुळता मन्कलोरा सेवा कीयनद कबळतेने मन्ह्‌तोर इनजोर पुतिर. ओरा लेह्‌काडोर मन्कलोरा पोल्‍लोतुन केंजिसि मन्ह्‌टु इनजोर, नना मीक अर्जि कीय्ह्‌नन. अहे ओसो सामिना कबळते तोळ आसि, कह्‌टेम केवालोर सबेटोर मन्कलोरा पोल्‍लोतुन केंजिस मन्ह्‌टु.

2 कुरिंततोर 1:1

देवुळता विचरते किर्स्तु येसुना बळयि आयलाह, अद निल्पिह कीतोनन पोलुनन. नना कुरिंत सहरते मनवालोर देवुळता मुडोरिर मीकु, ओसो मीवा अकाया पटटोर सबेटोर देवुळता मन्कलोरिह्‌क, इद सीटटुन रासिह्‌नन. मावा तोळतोग़ विस्वसि तिमोति, नावा संगे इगा मन्ह्‌तोग़.

2 कुरिंततोर 7:14

नना तीतुसनगा मीवा लोप्पा पोग़यिस मतन. नना पोग़यतद निटमे इनजोर, मीट तोहतिर. अदिनेनाह्‌क पोग़यिस मतन इनजोर, इंजेक नाक लजा वावो. माट अमेसा मीक निटमे वेहतना लेह्‌कान, नना मीवा लोप्पा तीतुसिन वेहतद वने, निटम इनजोर करल आता.

2 कुरिंततोर 7:4

मकिदुनिया पटटे एव्स मतोम अस्के, माक मुर्तिय आरम दोर्को आसि. मावा सर्ने तिपल्के मताङ. मन्कलोर माक जग्ळम कींदुर. मावा जीवा वने पका रेयिस मता. मति मेसेह्‌ने मनवालोरा जीवातुन सितुर कीयनद देवुळि, तीतुसिन मयगा लोहचि, मावा जीवातुन सितुर कीसीता. सिरप ओग़ वाताह्‌के आयो, मति ओग़ मियग्डा कबुर वने ततोग़. मीट ओना जीवातुन सितुर कीसीतिर. नाक ऊळलाह पकाय मीवा जीवा पर्ह्‌किह्‌ता; ओसो मीट गल्ति कीताह्‌कु, आलिह कीय्ह्‌निर; अहे नावा संगे गूनम आयलाह, पकाय मीवा जीवा पर्ह्‌किह्‌ता इनजोर वने वेहतोग़. मीट माक जीवा कीतिर इनजोर नना पुताह्‌कु, बाताले मकिह केवालेवा, वेहतलाह आतन. मीवा लोप्पा नना पोग़यिह्‌नन. मीट नावा जीवातुन सितुर कीतिर. माट पकाय तिपल आतेक तेला, नना ओसोय गिर्दाते मह्‌नन.

2 कुरिंततोर 8:10

अदिनेनाह्‌क इंजेके नावा विचरतुन, मीक वेहतलाह आतन: मीट कोताङ अर्हतना इनजोर, नीरेताहि विचर कीयलाह आतिर, कोताङ ईयलाह वने सुरु कीतिर. इंजेके अद कबळतुन मारिह कीम्ह्‌टु. इद मीक बेस आस्ता. कोताङ अर्हतना इनजोर, मीवा विचर मता, अद्रमे बेचोक अर्हता पग़यह्‌निर, अचोक अर्हाट.

2 कुरिंततोर 8:19

ओसो विस्वसिरा मुडोर वने, माट दान कोतान ओयनस्के, वेने मावा तोळ वायेग़ इनजोर निल्पिह कीतोर. माट इव दान कोताङ ओयनद दर्ममता सेवा कीयलाह आतोम, इदिन ऊळिसि, मन्कलोर सामिन मान ईयिर इनजोर, कीयलाह आतोम. ओसो देवुळता मन्कलोरिह्‌क तोळ ईयलाह, मावा बेचोन जिद मन्ह्‌ता इनजोर तोहतलाह, कीयलाह आतोम.

2 कुरिंततोर 8:24

अदिह्‌क मीट ओरिन जीवा कीतिर इनजोर तोहचीम्ह्‌ट. इदिन ऊळिसि, माट बाराह्‌कु मीवा लोप्पा पोग़यिह्‌नोम इन्जि, सबेटोर विस्वसिरा मुडोर पुनदनुर.

2 कुरिंततोर 8:8

इद पोल्‍लोतुन उकुम ईयना लेह्‌का इनोन, मति दुस्राङ नाह्‌कनोर विस्वसिर इद कबळते मीक वीळतोर. ओरा अचोन, मीट वने निटम जीवा कीय्ह्‌निरा बहु इनजोर, पर्ह्‌किस ऊळलाह वेहतलाह आतन.

1 तिसलुनितोर 1:7

अदिनेनाह्‌क इंजेके मीवा मकिदुनिया पटटोर सबेटोर विस्वसिर, ओसो अकाया पटटोर सबेटोर विस्वसिर, मीक ऊळिस ताकना लेह्‌कान आतिर.

इब्रितोर 10:24

ओर्विह्‌क-ओर्वोग़ जीवा कीयलाहि, बेसताङ कबस्क कीसीयलाहि, ओर्विह्‌क-ओर्वोग़ बेद्रम दीरा ईकल इनजोर, विचर कीस ऊळिङ, ओसो अद्रमलेह्‌काने कीयिङ.