2 कुरिंततोर 8:6 - माडिया गोंड पवित्र सास्त्रम

⁶ इंजेके मीवा मुडगा अळ्न्दम दान ईया वेहतोग़ु, ओग़ तीतुसिये! अदिनेनाह्‌क अद कबळतुन मारिह कीयलाह वने, मीक वेहेग़ इनजोर, माट ओन अर्ज कीतोम.

2 कुरिंततोर 8:6 Iomraidhean Croise

बळयिर 24:17

“नना वेल्‍लाङे वर्साङ येरुसलेम इलवा मतन, मति इंजेके मावा गरिब यहुदि जाततोरेनाह्‌क, जमा कीतद दर्मम एव्सिह कीयलाह, ओसो मंदिरतगा देवुळतुह्‌क मोक ईयलाहि, येरुसलेम वास मतन.

रोम सहरतोर 15:25

मति मियगा वायनामुने, येरुसलेमते मनवालोर सामिना मन्कलोरा सेवा कीयलाह, नाक अगा दाया पोयह्‌ता.

2 कुरिंततोर 12:18

मियगा वायलाह, नना तीतुसिन लोहच मतन. ओग़ु ओर्वोग़ तोळतोग़ विस्वसिना संगे, मियगा वास मतोग़. तीतुस मियगा कोताङ ताल्ह्‌किस मतोग़ा? ताल्ह्‌कोग़. तीतुस ओसो नना उंदिय विचरतोरोम मतोम, ओसो उंदिय रीतते ताकतोम.

2 कुरिंततोर 2:13

नावा ऐंगेटोग़ विस्वसि तीतुस वने अगा वासि, मियकेडा कबुर ततनोग़ इनजोर, अग़ ऊळसोर मतन. मति ओग़ अगा वावोग़; वावाह्‌कु नावा जीवा चुहेम आयो. जीवा चुहेम आयवाह्‌कु, नना तरोवस सहरतोरिन दाय्ह्‌नन इनजोर वेहचि, मकिदुनिया पटटे वातन.

2 कुरिंततोर 8:10

अदिनेनाह्‌क इंजेके नावा विचरतुन, मीक वेहतलाह आतन: मीट कोताङ अर्हतना इनजोर, नीरेताहि विचर कीयलाह आतिर, कोताङ ईयलाह वने सुरु कीतिर. इंजेके अद कबळतुन मारिह कीम्ह्‌टु. इद मीक बेस आस्ता. कोताङ अर्हतना इनजोर, मीवा विचर मता, अद्रमे बेचोक अर्हता पग़यह्‌निर, अचोक अर्हाट.

2 कुरिंततोर 8:19

ओसो विस्वसिरा मुडोर वने, माट दान कोतान ओयनस्के, वेने मावा तोळ वायेग़ इनजोर निल्पिह कीतोर. माट इव दान कोताङ ओयनद दर्ममता सेवा कीयलाह आतोम, इदिन ऊळिसि, मन्कलोर सामिन मान ईयिर इनजोर, कीयलाह आतोम. ओसो देवुळता मन्कलोरिह्‌क तोळ ईयलाह, मावा बेचोन जिद मन्ह्‌ता इनजोर तोहतलाह, कीयलाह आतोम.

2 कुरिंततोर 8:23

तीतुसना लोप्पा बोग़ाय ताल्ह्‌कतेक, इद्रम वेहाट: ओग़ नावा तोळतोग़ आंदोग़; अहे नावा संगे मियगा सेवा कीयलाह आतोग़. ओना संगे वावालोर इर्वुर मन्कलोरा लोप्पा, इद्रम वेहाट: ओर मावा ऐंगेटोर विस्वसिर आंदुर, विस्वसिरा मुडोर आचिस लोहतोरु. ओरा सेवातेनाह्‌क किर्स्तुह्‌कु मान दोर्किह्‌ता.

2 कुरिंततोर 8:4

देवुळता मन्कलोरिन साय्ता कीयनद सेवातगा, माक वने कलियलाह ईम्ह्‌ट, देय्वा ईम्ह्‌टु इनजोर, ओर माक पकाय अर्जि कीतोर.

2 कुरिंततोर 9:5

बेस-नेह्‌ना दान कोताङ ईकोम इनजोर, मुनेन पोल्‍लो विळ्सिस मतिर. अविस्किन मीट चिव्टम आयवा, ओप्पे कीस तासना इन्जि, वेर तोळतोर विस्वसिरिन, मुनेन मियगा कबुर लोहतना इनजोर, विचर कीतन. पया माट मियगा वातस्के, अद दान तयर मनदग़ा. अव दान कोतान जबरदस्ति मियग्डाह ऊंदना लेह्‌का आयो, मति मीवा विचरतेन, मीट ओप्पे कीस तासना इन्जि, नना वेरिन लोहतह्‌नन.

पिलिपितोर 4:18

इपप्रुदितुना कयदे मीट लोहतिर, अव नाक दोर्कताह्‌कु, इंजेके नयगा सबे मन्ह्‌ता, आलिसि पिसनाह वने मन्ह्‌ता. मीट ईतद दान, देवुळतुह्‌क विचर वायनद, बेस गम-गम एग़्स्कतद मोकलेह्‌का आता.

1 पत्रु 4:10

देवुळि ओर्विह्‌क-ओर्विह्‌क रीतरीतिनाङ कबस्क कीयलाह, बुद ईता. मीट देवुळ ईतव बुदिनु जबब्दरते काळ्ङवालोरा लेह्‌का मन्ह्‌टु. मन्जि, देवुळ तूसिसीतव बुदिनु, मीटु ओर्विह्‌क-ओर्वोग़ कबळ अरयलाह काळ्ङाटु.