2 कुरिंततोर 8:3 - माडिया गोंड पवित्र सास्त्रम

³ ओर तमा बेचोक ईया पग़तोर, अचोक कोताङ ईतोर, तान्काय वीळिस वने, तमाय कुसिते ईतोर. ओर ईतदिना ननाय साक्सि मह्‌नन.

2 कुरिंततोर 8:3 Iomraidhean Croise

मार्कल 14:8

इद आंचाळि बेचोन कीया पग़ता, अचोन कीता. नावा मेंदुलपोग़ोन बेस एग़्स्कतद अतर्नेयदुन वाटिसि, नावा मेंदुलतुन गुमयातगा मिसलाह, मुनेन तयर कीतप लेह्‌का कीता.

बळयिर 11:29

इदिन केंजिसि, अंताकिया सहरतोर विस्वसिर, वग़ोग़-वग़ोग़ मन्कल बेचोक कोताङ ईया पग़यह्‌तोग़, अचोक अर्हचि, यहुदा पटटोर विस्वसिरिह्‌क लोहतकल इनजोर, विचर कीतोर.

रोम सहरतोर 10:2

देवुळतुन माळलाहि, ओरा पका जिद मन्ह्‌ता इनजोर, नना ऊळतन. मति ओर देवुळ वेहता अग़दुन पुनोर.

1 कुरिंततोर 16:2

नना मियगा वानाह्‌जोम केपमाटु, मति मीट ओर्वोग़-ओर्वोग़ मन्कल, आपुना-आपुना कमयता इसबते, ऐतारम दिया उचुक कोताङ मुनेन अलग कीस तासिस मन्ह्‌टु.

1 कुरिंततोर 9:17

नना नावा विचरते बेसता कबुरतुन वेहतना इतेके, नाक बूत दोर्कालि. मति इद कबळतुन देवुळि नावा कयदे कीसीता. अदिनेनाह्‌क नाक विचर वावेक वने, इद कबळतुन कीयाय पोयह्‌ता.

गलातितोर 4:15

नयेनाह्‌कु मीटु बेदाय सेवा कीयलाह तयर मंदिर, अचोन नावा पोग़ोन जीवा कींदिर इन्जि, नना मीवा लोप्पा वेहता पग़यकन! आया पग़तेके, मीट मीवाङ कोंडाङ इंका तेंडिस नाक एवेरिर! मीवा अद मुनेता गिर्दा बह आसि मायता?

पिलिपितोर 2:13

बाराह्‌क इतेके देवुळिये इद्रम ताकलाह, मियगा विचर्क पुटिह कीस्ता, ओसो तान्क विचर वायनव कबस्क कीयलाह, तोळ वने ईस्ता.

कुलुसितोर 4:13

मियेनाह्‌कु, ओसो लोदिकियातोर विस्वसिरेनाह्‌कु, ओसो हियरापुलिसतोर विस्वसिरेनाह्‌कु, ओग़ पका कह्‌टेम कीयलाह आतोग़. इद पोल्‍लोता साक्सि नना मह्‌नन.

1 तिसलुनितोर 2:8

मीक पकाय जीवा कीस मताह्‌कु, देवुळता बेसता कबुरतुन मीक गिर्दाते काग़्हतोम. अचोने आयो मति, मीवा पाय्दातेनाह्‌क, मीवा संगे पोत्ला आयलाह ऊळिंदोम, अचोन मीक जीवा कीतोम.

पिलेमोन 1:14

मति नीवा पोल्‍लोलेवा, नना बाताले कीयलाह विचर केवोन. बाराह्‌क इतेके निमा कीयनद बेसतल कबळि जबरदस्तिते केवा, नीवा कुसिते कीयना इनजोर, नना ऊळिह्‌नन.

1 पत्रु 4:11

बोन्क देवुळता पोल्‍लो वेहतलाह बुद दोर्कता, ओग़ु सेतेमते देवुळताङ पोल्‍लोनु कुद देवुळिये वेहतपु, अद्रम वेहतना. बोन्क साय्ता कीयलाह बुद दोर्कता, ओग़ु देवुळ ईतद लावते, दुस्रोरिह्‌क साय्ता कीयना. अस्के वेरु येसु किर्स्तुनाये लोकुर इन्जि, दुनियातोर देवुळबाबाह्‌कु मान ईयनुर. सबे मान, डीसा, राजेम अमेसा अमेसात्कु सिरप ओन्के आयि! अहे आयि!

1 पत्रु 5:2

नना मीक वेहतह्‌नन, मीवा नडुम मनदनदु देवुळता गोह्‌डटुन, कोपालोरा लेह्‌का मन्जि, ओरिन बेस ऊळाटु. इद कबळ सारातुह्‌क इनजोर केवा, देवुळता विचर इहे मन्ह्‌ता इन्जि, गिर्दाते कीम्ह्‌टु. मालसोम दोर्कग़ा इन्जि आयो, मति देवुळतुन सेवा कीय्ह्‌नन इन्जि, जीवातग्डाहि गिर्दाते कीम्ह्‌टु.