2 कुरिंततोर 8:16 - माडिया गोंड पवित्र सास्त्रम

¹⁶ माट मियेनाह्‌क बेचोन आलिह कीय्ह्‌नोम, अचोन तीतुस वने आलिह कीस्तोग़. अद आल्सुळतुन ओना जीवातगा वाटटद देवुळतुन जोहर कीय्ह्‌नोम.

2 कुरिंततोर 8:16 Iomraidhean Croise

2 कुरिंततोर 7:12

नना मुने मीक सीटि रासिस मतन, तान कसुर कीतोनेनाह्‌क रासोन. अहे ओग़ बोना विरुद कसुर कीतोग़, ओनेनाह्‌क वने रासोन. मति देवुळता मुनेह, मीट मावा बेचोन पर्वा कीय्ह्‌निर, इदिन तोहतलाह मीक मोका दोर्कि इन्जि, रासिस मतन.

2 कुरिंततोर 8:23

तीतुसना लोप्पा बोग़ाय ताल्ह्‌कतेक, इद्रम वेहाट: ओग़ नावा तोळतोग़ आंदोग़; अहे नावा संगे मियगा सेवा कीयलाह आतोग़. ओना संगे वावालोर इर्वुर मन्कलोरा लोप्पा, इद्रम वेहाट: ओर मावा ऐंगेटोर विस्वसिर आंदुर, विस्वसिरा मुडोर आचिस लोहतोरु. ओरा सेवातेनाह्‌क किर्स्तुह्‌कु मान दोर्किह्‌ता.

2 कुरिंततोर 8:6

इंजेके मीवा मुडगा अळ्न्दम दान ईया वेहतोग़ु, ओग़ तीतुसिये! अदिनेनाह्‌क अद कबळतुन मारिह कीयलाह वने, मीक वेहेग़ इनजोर, माट ओन अर्ज कीतोम.

पिलिपितोर 2:20

नावा लेह्‌कान मीक निटम आलिह केवाल, ओन विळ्सिसि इगा बोग़े इलेग़. मीट बेस मह्‌निरो, इलविरो इनजोर, ओग़ इगा अमेसा आलिह कीसोर मन्ह्‌तोग़.

कुलुसितोर 3:17

बाताल कीतेकाय, बाताल वळ्ह्‌कतेकाय, सबे येसुसामिना पेदिरतुन मान ईसि कीम्ह्‌टु. ओना मेटे माक देवुळबाबाना दया दोर्कता इन्जि, देवुळतुन जोहर कीसोर मन्ह्‌टु.