2 कुरिंततोर 7:9 - माडिया गोंड पवित्र सास्त्रम

⁹ इंजेके गिर्दा आतन, मीट दुकम आतिर इनजोर आयो, मति मीवा दुकमतेनाह्‌कु, मीट पापमता अग़दाहि देवुळतके मलतिर इनजोरे. मीट देवुळतुह्‌क विचर वातप दुकम आस मतिर. अदिनेनाह्‌क इंजेके मयेनाह मीवा विस्वसता बाताले नुस्कन आयो.

2 कुरिंततोर 7:9 Iomraidhean Croise

मत्याल 3:8

अदिह्‌के देवुळता पेदिरते एग़ मीयनामुने, मीवा पापमता अग़दाहि मिळ्न्दिसि, सेतेमता कबळ कीस तोहाटु.

लूकाल 15:10

नना मीक वेहतह्‌नन, अद्रमे पापमता अग़दाहि मलवाल ओर्वोग़ पापि मन्कनेनाह्‌कु, देवुळदीपतगा देवुळि, तनाङ देवतुल्कना संगे गिर्दा कीयग़ा,” इनजोर वेहतोग़.

लूकाल 15:32

मति वेग़ नीवा तमोग़ डोलिस मतोग़, इंजेक जीवा अरतोग़. लेसिस मतोग़, ओसोवने दोर्कतोग़. अदिनेनाह्‌क माट गिर्दा आयना गावले’ इतोग़,” इनजोर येसु इद्रम पीटो वेहच मारिह कीतोग़.

लूकाल 15:7

नना मीक वेहतह्‌नन, अद्रमे देवुळतुन माळवालोर उंद कमि नूर (99) मन्कलोरु ‘माकु पापमता अग़दाहि मलयलाह गर्ज इले’ इनदनुर. मति ओरिह्‌काय, ओर्वोग़ पापि मन्कल तना पापमता अग़दाहि मलतेक अचोन, ओनेनाह्‌के देवुळदीपतगा पका गिर्दा आयग़ा.

बळयिर 20:21

पापमता अग़दाहि जर मल्सि, देवुळता पोल्‍लो केंजिसि, मावा येसुसामिन विस्वस कीयना इनजोर, यहुदिरिह्‌क ओसो युनानिरिह्‌क वेहतन.

2 कुरिंततोर 1:12

दुनियाते माट बाताल बाताल कीतोम, देवुळ ईतद सेतेम बुदते, नाळेह केवद बुदते कीतोम इन्जि, मावा जीवा वेहतह्‌ता, कासा इतेके मीवा संगे ताकिह्‌पा. इदिना लोप्पा माट पोग़यिह्‌नोम. मति अमेसा माट देवुळता देय्वाते कीतोम, मन्कना बुदते आयो.

2 कुरिंततोर 2:16

विस्वस केवा देवुळतग्डाहि जेक आयवालोरिह्‌क, मावा पोल्‍लो हामुरता गबता लेह्‌कान आस्ता. किर्स्तुन विस्वस कीस पिसवालोरिह्‌क बारा, पिसनदिना गबता लेह्‌कान आस्ता. मति देवुळि लाव एवेक अचोन, इद्रम ताना कबळ कीयलाह, बोग़े लायक इलोग़.

2 कुरिंततोर 7:8

नना मीक रासतद सीटटुन अर्विसि, गळ्क मीट दुकम आस मतिर. विस्वसिरिन दुकम आनाह कीतन इनजोर, मुने आल्सिंदन, मति इंजेक आल्सोन.