2 कुरिंततोर 7:4 - माडिया गोंड पवित्र सास्त्रम

^4-7 मकिदुनिया पटटे एव्स मतोम अस्के, माक मुर्तिय आरम दोर्को आसि. मावा सर्ने तिपल्के मताङ. मन्कलोर माक जग्ळम कींदुर. मावा जीवा वने पका रेयिस मता. मति मेसेह्‌ने मनवालोरा जीवातुन सितुर कीयनद देवुळि, तीतुसिन मयगा लोहचि, मावा जीवातुन सितुर कीसीता. सिरप ओग़ वाताह्‌के आयो, मति ओग़ मियग्डा कबुर वने ततोग़. मीट ओना जीवातुन सितुर कीसीतिर. नाक ऊळलाह पकाय मीवा जीवा पर्ह्‌किह्‌ता; ओसो मीट गल्ति कीताह्‌कु, आलिह कीय्ह्‌निर; अहे नावा संगे गूनम आयलाह, पकाय मीवा जीवा पर्ह्‌किह्‌ता इनजोर वने वेहतोग़. मीट माक जीवा कीतिर इनजोर नना पुताह्‌कु, बाताले मकिह केवालेवा, वेहतलाह आतन. मीवा लोप्पा नना पोग़यिह्‌नन. मीट नावा जीवातुन सितुर कीतिर. माट पकाय तिपल आतेक तेला, नना ओसोय गिर्दाते मह्‌नन.

2 कुरिंततोर 7:4 Iomraidhean Croise

बळयिर 5:41

विळ्सिस ईतस्के बळयिर, येसुना पेदिरतेनाह्‌क माक देबाङ अरताङ इनजोर, बेस गिर्दाते पंचताहि पेसिस अतोर.

रोम सहरतोर 5:3

वेट आसातेन आयो, मति मावाङ तिपल्कने वने, बेस-नेह्‌ना गिर्दा आतल. बह इतेके, बेस्के माट तिपल्कने अरयह्‌नल, अस्के माट दीरा पोस मनदनदिन कग़यिह्‌नल.

1 कुरिंततोर 1:4

देवुळि मीक किर्स्तु येसुना मेटे देय्वा ईता. अदिनेनाह्‌क नना मियेनाह्‌क, नावा देवुळतुन अमेसा जोहर कीय्ह्‌नन.

2 कुरिंततोर 1:4

ओग़ मावाङ सबे तिपल्कना वेलाते, मावा जीवातुन सितुर कीस्तोग़. बह इतेके ओग़ बेद्रम मावा जीवातुन सितुर कीस्तोग़, अद्रम माट वने बेदाय तिपलते मनवालोरा जीवातुन, सितुर कीयना इनजोरे.

2 कुरिंततोर 10:8

मीवा विस्वसतुन बेर्सिह कीयलाह, सामिनाहि माक अदिकर दोर्कता, तान बूळे कीयलाह आयो. इद्रमता अदिकर ईतोग़ इनजोर, नना पका पोग़यतेक तेला, ताना लोप्पा लजा आयोन.

2 कुरिंततोर 11:21

(माट बारा मीक अद्रम केवोम, अचोन अदिकर तोहोम, नाक लजा वानाह इनदलाह आतन!) मति जोल मन्कलोर पोग़यलाह दीरा कीस्तोर, नना वने दीरा कीस पोग़यिह्‌नन. (इंगो! बुदलेवोना लेह्‌कान इनदलाह आतन!)

2 कुरिंततोर 2:14

देवुळतुह्‌क जोहर आयि! अद माट सेवकिरिन, तना गेल्समुळते किर्स्तुना संगे पोत्ला आयलाह, कलियिह कीता. ओसो बेद्रम अतर्नेयदा गब, बेके अतेकाय गम-गम एग़्स्किह्‌ता, अद्रम माट बेके अतेकाय, देवुळि मावा पोल्‍लोतुन केंजवालोर मन्कलोरगा किर्स्तुन पुनाह कीस्ता.

2 कुरिंततोर 3:12

अदिनेनाह्‌क माट इद्रमता आसा तासताह्‌के, पका दीराते पोकुर कीय्ह्‌नोम.

2 कुरिंततोर 7:14

नना तीतुसनगा मीवा लोप्पा पोग़यिस मतन. नना पोग़यतद निटमे इनजोर, मीट तोहतिर. अदिनेनाह्‌क पोग़यिस मतन इनजोर, इंजेक नाक लजा वावो. माट अमेसा मीक निटमे वेहतना लेह्‌कान, नना मीवा लोप्पा तीतुसिन वेहतद वने, निटम इनजोर करल आता.

2 कुरिंततोर 8:24

अदिह्‌क मीट ओरिन जीवा कीतिर इनजोर तोहचीम्ह्‌ट. इदिन ऊळिसि, माट बाराह्‌कु मीवा लोप्पा पोग़यिह्‌नोम इन्जि, सबेटोर विस्वसिरा मुडोर पुनदनुर.

पिलिपितोर 1:14

अद्रमे नना जेलते मनाह्‌कु, वेल्‍लाटोर विस्वसिर सामिनेनाह्‌क दीरा कीतोर. कीसि मुर्तिय रेयवालेवा दीराते देवुळता पोल्‍लोतुन बेस पोकुर कीस्तोर.

पिलिपितोर 1:20

अद दिया नावा सेवाते बेदे लजाता पोल्‍लो दिसो आयग़ा इनजोर, नावा पूरा आसा मन्ह्‌ता. बह इतेके, इचानाह बेद्रम नना दीराते किर्स्तुना सेवा कीतन, अद्रमे इंजेक वने कीयलाह आतन. नना हातेकाय, पिसतेकाय, नावा सेवाते किर्स्तुना पेदिर बेरा आयग़ा.

पिलिपितोर 1:26

अदिनेनाह्‌क नना मियगा वायकन अस्के, किर्स्तु येसुना देय्वाते पोलु पिह्‌ट अरतोग़ इनजोर, मीट किर्स्तु येसुह्‌कु पका मान ईकिर.

पिलिपितोर 2:17

बूमयालोर देवुळतुह्‌क जन्वरता पूरा मोक ईतप लेह्‌का, मीट अगा पिलिपि सहरते, मीवा विस्वसतेनाह्‌कु, तिपल आसोरेन मह्‌निर, अद्रम मीट देवुळतुन माळिह्‌निर. (नाक इगा रोम सहरतेहव्कतेक वने,) नावा नेतुर मीवा मोकतगा वळ्पतप आयग़ा. अदिह्‌क नना बेस गिर्दा आयकन. इंगो! मीवा संगे बेस गिर्दा आयकन.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

1 तिसलुनितोर 2:19

मीक पकाय ऊळ वसिस मता. बाराह्‌क इतेके, मावा येसुसामि वायनोग़ अस्के, ओना मुनेह मीट वने मावा संगे मनदकिर इनजोर, माक आसा तासनाह कीतिर. अस्के मीटे माक गिर्दा आनाह कीकिर. माट मावा कबळतुन बेस-नेह्‌ना मारिह कीतोम इनजोर, पोग़यनाह केवालोरिर मीटे!

1 तिसलुनितोर 2:2

मीवा सहरते वावस्के, पिलिपि सहरतगा पकाय तिपल आतोम. अग्डोर मन्कलोर माक बेद्रम उस्कतोर-पास्कतोर, इद मीट पुतिरे. अद्रमलेह्‌का मियग्डोर लोकुर वने माक पकाय विरुद कीसाय मति, देवुळता बेसता कबुरतुन मीक वेहतलाहि, दीरा पोस मतोम; मावा देवुळि माक दीरा ईस मता.

2 तिसलुनितोर 1:4

अदिनेनाह्‌क माट (नाह्‌क-नाह्‌क वेलियिह्‌पा,) इद पोल्‍लोतुन वेहतह्‌नोम: तिसलुनितोर विस्वसिरिन, लोकुर पकाय तिपल कीस्तोर, पकाय सिक्सा कीस्तोर. तेला मति ओर दीरा पोस मन्ह्‌तोर, विस्वस कीसोरेन मन्ह्‌तोर इनजोर, देवुळता विस्वसिरा मुडा मुनेह, मीवा लोप्पा पोग़यिह्‌नोम.

पिलेमोन 1:7

तमो! देवुळता मन्कलोरिन जीवा कीसि, ओरा जीवातुन पकाय दळदळ आनाह कीतिन. अद्रम कीसि, निमा नाक बेस-नेह्‌ना गिर्दा आनाह कीतिन, नावा जीवातुह्‌क सुकम आनाह कीतिन.

याकुब 1:2

मावोर विस्वसिरिर, मियगा बेस्के मीवा आसातुन देहतनव अलग-अलग रीतताङ पोल्‍लोङ वायनुङ, अस्के मीट पका गिर्दा आम्ह्‌टु.