2 कुरिंततोर 7:11 - माडिया गोंड पवित्र सास्त्रम

¹¹ देवुळतुह्‌क विचर वातप दुकम आस मतिर. अदिनेनाह्‌क मीक बेस-नेह्‌ना आता ऊळाट! इंजेके मीट सेतेम मन्कलोरिर इनजोर तोहतलाह आतिर, गल्ति कीतोन ऊळिस, ओङ आतिर. ओना सिक्साते कलियकोम इनजोर रेयतिर. इंजेके नाक ऊळलाहि, पकाय मीवा जीवा पर्ह्‌किह्‌ता. नावा संगे गूनम आयलाह, मीवा जीवा पर्ह्‌किह्‌ता. गल्ति कीतोन नेयम कीयलाह आतिर. ओसो मीट सबे पोल्‍लोने, मुर्तिय कसुरलेवोरिर इनजोर तोहतिर.

2 कुरिंततोर 7:11 Iomraidhean Croise

मार्कल 3:5

येसु ओङते सबेटोरिन ऊळतोग़, मति ओर कैंगम बुदते मतदिन ऊळिसि, येसु दुकम आतोग़. आसि वाग़ता कयदोन “नीवा कय आहा!” इतोग़, अस्के ओग़ कय आहतोग़. आहतस्के ओना कय सव्रेम आता.

योहन 2:17

पया “नावा जीवातुह्‌काय वीळिसि, नीवा लोतुन पवित्र तासलाह ऊळिह्‌नन,” इद सास्त्रमते दाविद राजाल रासतद पोल्‍लो ओनाङ कग़यवालोरिह्‌क सीता वाता.

बळयिर 17:16

पोलु एतेंस सहरतगा सीलास, तिमोति, वेरेनाह्‌क केपिस मतोग़. पया अद सहरतगा तिरियनेके, ओग़ बेक ऊळतेकाय ओन्क पेन्कनाङ बोमाङे दिसिंदुङ. अविस्किन ऊळिसि, ओना जीवा चुहेम आयो.

रोम सहरतोर 11:20

नना वेहतह्‌नन, निटमे! मति इद पोल्‍लोतुन सीता कीम्ह्‌टु: ओर विस्वस केवाह्‌के, देवुळि ओरिन एळ्पिस पोहतप लेह्‌का कीता; मति मीट विस्वस कीताह्‌के, मीक कलियिह कीता. अदिनेनाह्‌क पोग़यसोर तिरियमाट! देवुळतुह्‌क रेयिस मन्ह्‌टु.

रोम सहरतोर 14:18

इद्रम कीस किर्स्तुना सेवा कीतिर इतेके, मीवा ताकमुळ देवुळतुह्‌क विचर वायग़ा, अहे मन्कलोर वने मीक कदर ईयनुर.

रोम सहरतोर 3:5

उय्तुर तमा मन्कना बुदते इद्रम इनेर, “मावा पापमतेनाह्‌कु, देवुळि पका सेतेम दिसिह्‌ता. पापमता इद्रम पाय्दा आस्ता इतेके, देवुळि माक सिक्सा ईसि, सेतेमते नेयम केवो,” इनेर.

1 कुरिंततोर 12:25

मेंदुदाङ कय्क, काल्क वने तमतमा कोटुल आयवा, तमेनाह्‌क उंदतुह्‌क उंदि तोळ आयिङ इनजोर, अद्रम पंडटा.

1 कुरिंततोर 5:2

ओग़ मन्कल अद्रमता कबळ कीतोग़ इनजोर, मीट मुडोर मन्कलोरिर दुकम आसि, ओन मुडग्डाहि पेसिह कीयना मता. मति मीट कोनि पोग़यसोर तिरियलाह आतिर!

2 कुरिंततोर 13:7

मीट मावाङ केंजवा, बाताले लाग्वा कबळ कीयना आयो इनजोर, मियेनाह्‌क देवुळतुन पार्तना कीय्ह्‌नोम. मयगा किर्स्तुनाङ बळयिरा अदिकर मन्ह्‌ता इनजोर, मीट रेयिस ताकलाह, इदिन इनोन. अद अदिकर माट मीक तोहवेक वने बार आयो, मति मीट सेतेमते ताकनदे, माक विचर वास्ता.

2 कुरिंततोर 2:6

मीवा मुडोर वेल्‍लाटोर मन्कलोर वेहचि, ओन्क बेद सिक्सा ईतिर, अद इंजेके आस्ता.

2 कुरिंततोर 6:4

मति सबे पोल्‍लोने, माट देवुळता सेवातोरोम इनजोर तोहतह्‌नोम. रीतरीतिनाङ तिपल्कने, दोकाने, कंडिसतनमते, दीरा पोस मह्‌नोम.

2 कुरिंततोर 7:1

गोततोरिर! इद्रम देवुळि मावा संगे मनदलाह पोल्‍लो विळ्सताह्‌कु, मावा मेंदुलतुन ओसो मावा जीवातुन, सिरसिर कीस मनदकल, कळ्‍वोग़ आयवा! देवुळतुन रेयिस, पूरा पवित्र आसोर दाकल.

2 कुरिंततोर 7:9

इंजेके गिर्दा आतन, मीट दुकम आतिर इनजोर आयो, मति मीवा दुकमतेनाह्‌कु, मीट पापमता अग़दाहि देवुळतके मलतिर इनजोरे. मीट देवुळतुह्‌क विचर वातप दुकम आस मतिर. अदिनेनाह्‌क इंजेके मयेनाह मीवा विस्वसता बाताले नुस्कन आयो.

2 कुरिंततोर 9:2

बह इतेके कोताङ ईयलाह, मीट पका विचर आतिर इनजोर, नना पुतन. नीरेताहि अकाया पटटोर विस्वसिर, कोताङ ईयलाह तयर मन्ह्‌तोर इनजोर, मीवा लोप्पा मकिदुनिया पटटोर विस्वसिरिन वेहतन. मीट गिर्दा आतदिन केंजिसि, अग्डोर वेल्‍लाटोर मन्कलोर वने, कोताङ ईयलाह तयर आतोर.

इपिसुसतोर 4:26

बेचोन ओङ वातेक तेला, अद ओङ मीक पापमते अर्हमाकि. पोळ्‍द अनवाये मीवा ओङ रेगि!

इपिसुसतोर 5:11

ईकळते ताकवालोराङ पाय्दालेवाङ कबस्कनगा कलियमाट. मति ओराङ कबस्किन पिङम-पङम तेळियिह कीम्ह्‌टु.

पिलिपितोर 2:12

अदिनेनाह्‌क गोततोरिर, मीक वेहतलाह आतन: नना मियगा मतन अस्के, बेद्रम मीट नना काग़्हतव पोल्‍लोन केंजिस ताकतिर, अद्रमलेह्‌का इंजेक वने नना मियग्डाहि जेक मनदह्‌पा, इंका पका जिदते मीट अव पोल्‍लोन केंजिसि ताकाटु. बेद पिसमुळता अग़दे देवुळि मीक ताकिह कीयलाह आता, अदे अग़दे मीट तान रेयिसि, उड्ला बुदते ताकसोर मन्ह्‌टु.

1 तिसलुनितोर 4:6

बोग़े तना तोळतोग़ विस्वसिना (मुतेन कव्स मन्जि,) मावोग़ विस्वसिय कोनि इनजोर, ओना अडम पापम कीयनद आयो. इद्रमताङ कबस्क केवालोरिह्‌क, सामिनाहि सिक्सा दोर्किह्‌ता; अदिह्‌क अद्रम बेस्केन केमाट इनजोर, माट मीक मुनेन कळक पोल्‍लोते वेहच मतोम.

1 तिमोति 5:20

पापम कीतोर मुक्यालोरिन, विस्वसिरा मुडा मुनेह तेर्हा. अस्के दुस्रोर पापम केवा, रेयिस मनदनुर.

2 तिमोति 2:15

निमा इद्रम मन: देवुळि नीक ऊळिस बेस गिर्दा आनाह मनदलाह, अद्रम मन. बेस-नेह्‌ना कबळ कीतेके, लजा अरनाह आयो. निमा देवुळता सेतेम पोल्‍लोतुन तपवालेवा काग़्हचि, बेस-नेह्‌ना कबळ केवाल मन्कना लेह्‌कान मन.

तीतुस 3:8

इंजेके नना रासतन अव पोल्‍लोङ जोलताङ आयोङ. नना नीक वेहतह्‌नन, इव मोदुल पोल्‍लोङ इन्जि, इविस्किन तेळियिह कीसोर मन. अस्के देवुळतुन विस्वस कीतोरु, बेसताङ कबस्क कीयना सीतातेन मनदनुर. नना वेहतव पोल्‍लोङ सबेट्काय बेसताङ, ओसो मन्कलोरिह्‌क पाय्दाताङ पोल्‍लोङ आंदुङ.

इब्रितोर 4:1

मीक आरम ईकन इनजोर, देवुळि मुनेन पोल्‍लो विळ्सिस मता. अद पोल्‍लो इंजेक वने अरयह्‌ता. अदिनेनाह्‌कु आरम दोर्कनगा एव्वोम आयकोम बहा इनजोर, मीट ओर्वोग़-ओर्वोग़ रेयिस मन्ह्‌टु.

याकुब 3:17

मति देवुळतग्डा बुद मनवाल, देवुळतगान पूरा सीता तासिह्‌तोग़, दुस्रोरा संगे गूनमते मन्ह्‌तोग़, कुलुल बुदते ताकिह्‌तोग़, दुस्रोरा पोल्‍लो केंजिह्‌तोग़, जीवा लोपिह्‌तोग़, अमेसा बेसताङ कबस्क कीस्तोग़, उड्लोग़-बेरोग़ इद्रम इनोग़, ओसो सोङ केवाल आयोग़.

1 पत्रु 1:17

मीटु “ए बाबा!” इन्जि केयिसि मोळ्कनद देवुळि, बेस्केने मोकम ऊळिसि नेयम केवो, अद मीवा ताकमुळतुन ऊळिसि नेयम कीस्ता. अदिह्‌के मीटु इद दुनियाते पय्नम अनवाना लेह्‌का आसि, रेंड दियाङ मनदह्‌पा, देवुळतुन रेयिसि ताकाटु.

यहुदाल 1:23

उच्वुर मन्कलोरिन देयमदीपता किसताहि पेहतना लेह्‌कान, पिसिह कीम्ह्‌टु. ओसो उच्वुर मन्कलोरिन ऊळिस, दया कीम्ह्‌टु; मति ओर कीयनद पापमते, मीट वने एग़्कनद आयो इनजोर, उसरते मन्ह्‌टु; ओरा पापमता माच मीक तुंडमाकि.

तोहचीतव पोल्‍लोङ 3:19

बोरिन-बोरिन नना जीवा कीतन, ओरिन सुद्रे कीयलाह तेर्हतह्‌नन. अदिनेनाह्‌क जिद कीसि, मीवा लेसिस दायनद अग़दाहि मल्म्ह्‌टु.