2 कुरिंततोर 6:1 - माडिया गोंड पवित्र सास्त्रम

¹ माट देवुळता संगे कबळ कीय्ह्‌नोम, अदिनेनाह्‌क मीक अर्जि कीस वेहतह्‌नोम. मीट देवुळता दयातुन दोर्किह कीतिर, ताना लेह्‌कान पिसाट. तान सीता केवालेवा मनमाट.

2 कुरिंततोर 6:1 Iomraidhean Croise

मत्याल 23:37

“ए येरुसलेमतोरिर, ए येरुसलेमतोरिर देवुळता कबुरतोरिन हव्कवालोरिर, मियके देवुळ लोहतोर बळयिरिनु बंडाङ उकवालोरिर! बेद्रम तलोग़ कोग़ु तनाङ पीसेन काग़ोलिह्‌ता, अद्रमलेह्‌काने मीकु नयगा गुम कीयना इन्जि, बेचोको मल्काङ नावा विचर आंदु! मति मीट नाकु अह कीयलाह एविर.

बळयिर 11:23

बार्नबस अगा एवतोग़ अस्के, देवुळि अग्डोर विस्वसिरिह्‌क बेद्रम देय्वा ईता इनजोर, ओग़ ऊळिसि, पका गिर्दा आतोग़. ओग़ इतेके सेतेमतोग़ मन्कल, पका विस्वस केवाल, ओसो देवुळता जीवाते निंदिस मनवाल. “मीवा पूरा जीवाताहि येसुन विळ्सवालेवा निच मन्ह्‌टु” इन्जि, ओर विस्वसिरिन वेहतोग़. पया बार्नबस अगा मनदह्‌पा, वेल्‍लाटोर येसुन विस्वस कीतोर.

बळयिर 14:3

अस्के पोलु, बार्नबस, वेर इर्वुर बळयिर वेल्‍लाङे दियाङ अगान मतोर. येसुसामिना पोग़ोन विस्वस कीसि रेयवालेवा, ओना दयाता पोल्‍लोतुन पोकुर कीसोर मतोर. पोकुर कीनेके, येसु ओरा कयदे तना लावताङ वेल्‍लाङे बामिह कीयनाङ सीनाङ तोहचि, ओर वेहतनाङ पोल्‍लोङ सेतेमे इनजोर तोहतोग़.

रोम सहरतोर 12:1

मावोर विस्वसिरिर! मीक इंजेक एवनाह वेहतव, देवुळता दयाताङ पोल्‍लोन सीता कीसीसि, मीट बाताल कीयना इनजोर, मीक अर्जि कीय्ह्‌नन: नावा मनमुळ इंजेके नयेनाह्‌क इले मति, देवुळतेनाह्‌के मन्ह्‌ता इन्जि, मीवाङ मेंदुस्किन देवुळता सेवातेनाह्‌कु ताना कयदे विळ्सिसीम्ह्‌टु. इद्रमताये मोकि देवुळतुह्‌क विचर वास्ता, इदिने देवुळतुन निटम माळना इनजोर इनदना.

1 कुरिंततोर 3:9

इंजेके पोलम माल्कानाये आंदु, बूततोरा आयो. अहे बेदाय लोन माल्काले जागा आयलाह दोहतद मन्ह्‌ता, बेल्दर्किह्‌क (लोन दोहवालोरिह्‌क) आयो. अद्रमलेह्‌काने मीट देवुळताये लोकुरिर आंदिर, तानेनाह्‌के पिसिह्‌निर. माट बारा सिरप देवुळता कबळ ऐंगेन केवालोरोम.

2 कुरिंततोर 10:1

पोलु मावा संगे मनदह्‌पा, उड्ला बुदते मन्ह्‌तोग़, मयग्डाहि जेक मनदह्‌पा बारा, पका कळक मन्ह्‌तोग़ इनजोर, नाक मन्कलोर इन्ह्‌तोर. इंजेके ननाय पोलुनन, गूनमते वळ्ह्‌कवाल, कुलुल बुदते मनवाल किर्स्तुना पेदिरते, मीक उंद पोल्‍लो वेहतह्‌नन,

गलातितोर 2:21

यहुदिराङ अडोन नोमताह्‌कु, देवुळ माकु सेतेमतोर इता इतेके, किर्स्तु मयेनाह्‌कु हास पया बाताल पाय्दा? मति ओग़ हाताह्‌के, देवुळता दया माकु दोर्कता इन्जि, अद दयातुनु पेग़्के तासिसि, नना मल्स अडोनके अनोन.” (इद्रमि येसुसामि नाकु पुन्पिह कीतव इव पोल्‍लोङ नना पत्रुन वेहतन.)

गलातितोर 3:4

(अडोन नोमिसि सेतेमतोरिर आयलाह ऊळिह्‌निर इतेके,) मीट किर्स्तुनगा आसा कीताह्‌कु, अचोन तिपल एतिर; अद पूरा उगसेन अताया?

1 तिसलुनितोर 3:5

अदिनेनाह्‌क मीट विस्वसते मह्‌निरो, इलविरो इनजोर, नावा जीवा गाबर आताह्‌कु, तान पुनदलाहि, तिमोतिन मियगा लोहतन. लोकुरगा पापमता विचर पुटिह कीयनद देयह्‌कना मुक्याल, मीक वने विस्वस विळ्सनाह कीता बहे, माट पका कह्‌टेम कीस, मीक देवुळता पोल्‍लो काग़्हतद कबळ उगसिन आता बहे इनजोर, रेयिस मतन.

तीतुस 2:11

सबेटोर मन्कलोरिन पापमताहि पिसिह कीयलाहि, देवुळि तना दयातुन पुन्पिह कीयलाह आता.

इब्रितोर 12:15

मियग्डाहि बोग़े देवुळि दया कीयनद अग़दाहि लेसमाकेग़. अद्रमतोग़ लेसतोग़ मन्कना विस्वस केवद वीसम, वेल्‍लाटोरिन तिपल कीसि कळ्‍वोग़ कीस्ता.

इब्रितोर 12:25

अदिनेनाह्‌क उसरते मन्ह्‌टु! देवुळ वेहतनदिन पास्कमाट. इद बूमते मतोग़, (तना कबुरतोग़ मोसाना कयदे,) देवुळि कबुर वेहतस्के, केंजोम इनजोर इस्रयेल मन्कलोर कैंगम आतोर. ओर अद्रम कीताह्‌कु, सिक्साताहि पिस पग़वोर. इतेके अद इंजेके, देवुळदीपते मनवाल (ताना मग़ना मेटे) माक वेहतह्‌पा, केंजोम इनजोर कैंगम आतेके, माट सिक्साताहि बह पिस पग़यकल? मुर्तिय पग़वल!

इब्रितोर 4:1

मीक आरम ईकन इनजोर, देवुळि मुनेन पोल्‍लो विळ्सिस मता. अद पोल्‍लो इंजेक वने अरयह्‌ता. अदिनेनाह्‌कु आरम दोर्कनगा एव्वोम आयकोम बहा इनजोर, मीट ओर्वोग़-ओर्वोग़ रेयिस मन्ह्‌टु.

1 पत्रु 4:10

देवुळि ओर्विह्‌क-ओर्विह्‌क रीतरीतिनाङ कबस्क कीयलाह, बुद ईता. मीट देवुळ ईतव बुदिनु जबब्दरते काळ्ङवालोरा लेह्‌का मन्ह्‌टु. मन्जि, देवुळ तूसिसीतव बुदिनु, मीटु ओर्विह्‌क-ओर्वोग़ कबळ अरयलाह काळ्ङाटु.