2 कुरिंततोर 5:18 - माडिया गोंड पवित्र सास्त्रम

¹⁸ इव सबे पोल्‍लोङ देवुळताहि वाताङ. किर्स्तुना हामुरता मेटे, अद माक तना संगे कलियिह कीता. ओसो मन्कलोरिन तना संगे कलियिह कीयनद सेवातुन, माक ईता.

2 कुरिंततोर 5:18 Iomraidhean Croise

लूकाल 10:5

बेदाय लोतगा अतेके सबेट्क मुने, ‘इद लोतोरिह्‌क सुकम दोर्कि,’ इनजोर बर्कत ईम्ह्‌टु.

लूकाल 24:47

अदिनेनाह्‌क पापमता मापि दोर्कना इतेके, पापमता अग़दाहि मलयना. इद कबुरतुन किर्स्तुना अदिकरते येरुसलेमतग्डाह सुरु कीसि, पूरा बूममेंड पोकुर केमुळ आयग़ा.

योहन 3:16

देवुळि दुनियातोरिन बेद्रम जीवा कीता इतेके, तना वग़ोग़ मग़िन इद दुनियातोरेनाह्‌क मोक आयलाह ईता. बोर ओन नमनुर, ओर बूळेम आयोर, मति अमेसाता पिसमुळ ओरिह्‌क दोर्कग़ा. अदिनेनाह्‌कु देवुळि तना वग़ोग़ मग़िन दुनियाते लोहता.

योहन 3:27

योहन ओरिन इतोग़, “देवुळि देय्वा एवालेवा, बोन्काय बातय दोर्को.(अदिह्‌के सबेटोर ओनक्‍केन दास्तोर इन्जि, मीवा जीवा कर्वतप आयमाकि.)

बळयिर 10:36

(देवुळि आचतोग़) येसु किर्स्तु, पापि मन्कलोरिन देवुळता संगे कलियिह कीतोग़ (ओग़े येसु कतमतोरा माल्काल). इदे बेसता कबुरतुन देवुळि तना इस्रयेल लोकुरिह्‌क लोहता, इदिन मीट पुतिर.

रोम सहरतोर 11:36

बाराह्‌क इतेके, सबे देवुळतग्डाहिये पुटटाङ, तानाय कयदे सबे ताकिह्‌ताङ, तानेनाह्‌के सबेटव मन्ह्‌ताङ. तान्के अमेसा-अमेसातुह्‌क मान आयि! आमेन.

रोम सहरतोर 5:1

मावा विस्वसतेनाह्‌कु, देवुळि माक सेतेमतोर कीता इनजोरे, मावा किर्स्तु येसुसामिना मोकतेनाह्‌कु, माट देवुळता संगे गूनम आतल.

1 कुरिंततोर 1:30

मति देवुळि मीक किर्स्तु येसुना संगे जोळे कीता. किर्स्तुना मेटे माट देवुळतुन पुनदनद बुदि दोर्किह कीतल. किर्स्तुना मेटे माक देवुळ सेतेमतोर कीता, पवित्र मन्कलोर कीता. किर्स्तुये माक पापमता सिक्साताहि विळ्सिह कीतोग़.

1 कुरिंततोर 11:12

सुरुमुनेतद आंचाळि कोय्तोनग्डाह तयर आता. इंजेक कोय्तोग़ आंचानग्डाह पुटिह्‌तोग़. मति सबेटव देवुळता मेटे तयर आताङ.

1 कुरिंततोर 12:6

देवुळता पेदिरते विस्वसिर अलग-अलग रीतताङ कबस्क कीस्तोर, मति उंदिय देवुळ ओर सबेटोराङ कय्कने, सबे कबस्क कीयनाह कीस्ता.

1 कुरिंततोर 3:5

अले अह इतेके, अपुलोस बोग़ आंदोग़? पोलु बोग़ आंदोग़? वेहाट, माट इतेक वेट देवुळता सेवकिरोम! माट वेहताह्‌कु, मीट विस्वस कीतिर. माक ओर्विन-ओर्विन येसुसामि बेद कबळतुह्‌क निल्पिह कीतोग़, अदे कबळ कीतोम.

1 कुरिंततोर 8:6

अह इतेकाय, माट विस्वसिरेनाह्‌क उंदिय देवुळ मन्ह्‌ता इतेके मावा देवुळबाबाले. ओग़े सबेटविन पुटिह कीतोग़. माट ओनेनाह्‌के पिसिह्‌नल. अद्रमलेह्‌काने मावा सामि इतेके किर्स्तु येसुसामि वग़ोग़े! देवुळि ओना कयदे सबेटविन पुटिह कीता. ओनाय कयदे माक वने पिसिह कीता.

कुलुसितोर 1:22

अद्रम मन्जाय मति, ताना मग़ि मन्कना मेंदुल अग़्के, बूमतगा वास मियेनाह्‌क डोलताह्‌कु, देवुळि मीक तना संगे कलियिह कीता. मीट ताना मुनेह नितस्के पवित्र मनदना, बाताले डागिललेवा मनदना, बाताले कसुरलेवा मनदना इनजोर, तना संगे कलियिह कीता.

इब्रितोर 2:17

अदिनेनाह्‌क ओग़ सबे पोल्‍लोनगा, तनाङ तमोर-एलास्कना लेह्‌कान आयनद गर्ज मता. इद्रमलेह्‌का ओग़ देवुळता सेवाते, दया केवाल बर्वसलायकतोग़ पेर्माल आसि, मन्कलोरा पापमतेनाह्‌कु, तनाय जीवाता मोक ईतोग़.

याकुब 1:17

बाराह्‌क इतेके पोळ्‍दतुन, नेलातुन, उकानु पुटिह कीतोग़ देवुळबाबानग्डाह, सबे बेसताङ माचलेववु बर्कत्कु वास्ताङ. मति (पोळ्‍दता, नेलाता वेह्‌च बेद्रम एक्‍वा-तक्‍वा मिळ्न्दसोर दास्ता, अद्रमलेह्‌काडा मावा देवुळ आयो.) ताना गूनम बेस्केन मिळ्न्दो.

1 योहन 2:2

मावा पापमता मापि आयना इन्जि, मावा सिक्सातुन तना पोग़ोन एचि, डोलिस मतोग़. सिरप मावाय आयो, मति पूरा दुनियामेटोरा पापमतेनाह्‌क डोलिस मतोग़.

1 योहन 4:10

बेद्रम जीवा कीयना इनजोर, माट देवुळतुन जीवा कीसि तोहवल. मति देवुळिये इद पोल्‍लोतुन बेस-नेह्‌ना तोहता. बेद्रम इतेके, अद माक जीवा कीता, ओसो तना मग़ि मावा पापमता सिक्सातुन तना पोग़ोन एचि डोलेग़ इनजोर, ओन लोहच मता. इदे निटम जीवा कीयनद आंदु.