2 कुरिंततोर 5:13 - माडिया गोंड पवित्र सास्त्रम

¹³ उच्वुर मन्कलोर माक ऊळिस पिसाङ आतोर इनजोर इतेके, देवुळतेनाह्‌क अद्रमलेह्‌काने मनि. उच्वुर माक बेस बुदतोर इनजोर इतेके, मीवा पाय्दातेनाह्‌क अद्रमलेह्‌काने मनि.

2 कुरिंततोर 5:13 Iomraidhean Croise

मार्कल 3:21

येसुना लोतोर इद पोल्‍लोतुन केंजिसि, ओन ततलाह अतोर. बाराह्‌क इतेके, येसु बय्माङ आतोग़ इनजोर, लोकुर वळ्ह्‌किंदुर.

रोम सहरतोर 12:3

देवुळि नाक देय्वा ईस, तना बळयि इनजोर निल्पिह कीता. अद अदिकरते मियग्डाह ओर्विन-ओर्विन नना वेहतह्‌नन: नना विस्वसते बेरोनन इनजोर पोमाडेङ कीयनदायो, मति देवुळि नाक बेद्रमता बुदि ईता, अदिना इसबते नना बेद्रमतोग़ विस्वसिनन इन्जि, बेसतल बुदते विचर कीम्ह्‌टु.

2 कुरिंततोर 11:1

नना बुदलेवोना लेह्‌कान वेहचोर मनाह्‌क, ओङ आयमाटु, गळ्क आपिस केंजाट. मुर्बत कीसि केंजसोर मन्ह्‌टु.

2 कुरिंततोर 12:11

नना बेदिह्‌क ओजोन! मति माटे किर्स्तुनाङ बळयिरगा पका बेरोरोम इनजोर, उच्वुर जोल वेहचोर तिरियिह्‌तोर. निटमे ओरिह्‌काय नना बेदे पोल्‍लोते उड्लोनन आयोन. अदिह्‌क नावा लोप्पा मीट पोग़यना मता! मति मीट केमेन मताह्‌कु, ननाय पोग़यतन, ओसो बुदलेवोना लेह्‌कान आतन! पोग़यलाह मीटे नाक तग़्हतप लेह्‌का कीतिर!

2 कुरिंततोर 12:6

नयगा पोग़यलाह वेल्‍लाङे पोल्‍लोङ मन्ह्‌ताङ; अविस्किन पोग़यतेके, नना बुदलेवोनन आयोन आवेनन; सेतेमतोनने आवेनन; मति नना पोग़योन. बाराह्‌क इतेके, नना कीयनव कबस्किन, ओसो वेहतनव पोल्‍लोन, मन्कलोर ऊळिह्‌तोर. अविस्किन ऊळिसि, नना बेद्रमतोनन इनजोर पुनिर, अदे बेसु. मति देवुळि नाक पका बेराङ-बेराङ पोल्‍लोन लेकाते तोहता इन्जि, मन्कलोर नाक मान ईयनद ओप्पो. अदिनेनाह्‌क अविस्कना लोप्पा, नना पका पोमाडेङ कीयनद आयो इनजोर, देवुळि नाक दुकम ईयनद उंद तिपल ईता.देयह्‌कना मुक्याल लोहतपु, इद तिपल नाक अमेसा सिक्सा कीसोरेन मन्ह्‌ता.

2 कुरिंततोर 7:12

नना मुने मीक सीटि रासिस मतन, तान कसुर कीतोनेनाह्‌क रासोन. अहे ओग़ बोना विरुद कसुर कीतोग़, ओनेनाह्‌क वने रासोन. मति देवुळता मुनेह, मीट मावा बेचोन पर्वा कीय्ह्‌निर, इदिन तोहतलाह मीक मोका दोर्कि इन्जि, रासिस मतन.

कुलुसितोर 1:24

माट विस्वसिरा मुलु, किर्स्तुना मेंदुलता लेह्‌कान मह्‌नल. तना मेंदुलतेनाह्‌कु, किर्स्तुना तिपल इंका मारोये, ओना तिपलते नना वने कलियिह्‌नन. अदिनेनाह्‌क नावा मेंदुदगा तिपल आतेक तेला, गिर्दातेन मह्‌नन.

2 तिमोति 2:10

अदिनेनाह्‌क देवुळि आचतोर लोकुरेनाह्‌क, सबे तिपल्किन आपसोर केमेन मह्‌नन. ओर किर्स्तु येसुन विस्वस कीताह्‌कु, देवुळि ओरिन पिसिह कीयि, ओसो ओर अमेसातुह्‌क मनदनद, ताना डीसाता वेह्‌चतगा मनिर इनजोर, इव तिपल्किन आपिह्‌नन.