2 कुरिंततोर 5:12 - माडिया गोंड पवित्र सास्त्रम

¹² माट बेसतोरोम इनजोर, ओसो उंद मल्का तोहतलाह, इद पोल्‍लो इनोम. मति उच्वुर मन्ह्‌तोर, ओर उगस मन्कलोरिह्‌क दिसनव पोल्‍लोना इसबतेने वळ्ह्‌किह्‌तोर. मति तमा जीवालोप्पाडा पोल्‍लोतुन सीता केवोर. अद्रमतोर मन्कलोरा मुनेह, मावा लोप्पा मीट पोग़यलाह, मीक अग़ ईयलाह आतोम.

2 कुरिंततोर 5:12 Iomraidhean Croise

2 कुरिंततोर 10:12

उच्वुर तम्क बेचोन बेरोरोम इनजोर, तमाय कबळतुन ऊळिस इन्ह्‌तोर. तमतमाय निच जोकिस ऊळिह्‌तोर, ओसो तम्क बेरोरोम इनजोर इन्ह्‌तोर. अद्रमतोर मन्कलोर तेल्वलेवोर आंदुर. माट कोनि ओरा मुडोरोम आयोम, ओरा संगे निच जोकिस ऊळवालोरोम आयोम. ओरे तेला बेरोर आयिर, माट अचोटोरोम आयोम!

2 कुरिंततोर 10:18

अदिकरतोनन इनवाल मन्कनगा, सामि ईतद अदिकर इले; मति बोन्क सामिनाहि अदिकर दोर्किह्‌ता, ओग़े निटम अदिकरतोग़ आंदोग़.

2 कुरिंततोर 10:7

मीवा मोकम मुनेह बेव पोल्‍लोङ दिसिह्‌ताङ, अविना लोप्पा बेस विचर कीम्ह्‌टु. नना किर्स्तुना मन्कनन इनजोर इनवाल मन्कल, तना किर्स्तुना मन्कल आतप लेह्‌कान, माट वने किर्स्तुनोरोम आंदोम, इदिन पुनेग़!

2 कुरिंततोर 10:8

मीवा विस्वसतुन बेर्सिह कीयलाह, सामिनाहि माक अदिकर दोर्कता, तान बूळे कीयलाह आयो. इद्रमता अदिकर ईतोग़ इनजोर, नना पका पोग़यतेक तेला, ताना लोप्पा लजा आयोन.

2 कुरिंततोर 12:11

नना बेदिह्‌क ओजोन! मति माटे किर्स्तुनाङ बळयिरगा पका बेरोरोम इनजोर, उच्वुर जोल वेहचोर तिरियिह्‌तोर. निटमे ओरिह्‌काय नना बेदे पोल्‍लोते उड्लोनन आयोन. अदिह्‌क नावा लोप्पा मीट पोग़यना मता! मति मीट केमेन मताह्‌कु, ननाय पोग़यतन, ओसो बुदलेवोना लेह्‌कान आतन! पोग़यलाह मीटे नाक तग़्हतप लेह्‌का कीतिर!

2 कुरिंततोर 3:1

इद्रम रासताह्‌कु, माट मावाय लोप्पा ओसोवने पोग़यिह्‌नोम इनजोर इह्‌निर बहे? अद्रम आयो! पोलुर सेतेम मन्कलोर इनजोर, दुस्रोर मन्कलोर मावा लोप्पा रासतद सीटटुनु, मियगा ततलाहि माक गर्ज इले. माट दुस्रा नाग़ दायह्‌पा, मियग्डाहि अद्रमता सीटटा गर्ज वन इले. उच्वुर मन्कलोर अद्रम कीस्तोर, मति माट केवोम.

2 कुरिंततोर 6:4

मति सबे पोल्‍लोने, माट देवुळता सेवातोरोम इनजोर तोहतह्‌नोम. रीतरीतिनाङ तिपल्कने, दोकाने, कंडिसतनमते, दीरा पोस मह्‌नोम.

पिलिपितोर 1:26

अदिनेनाह्‌क नना मियगा वायकन अस्के, किर्स्तु येसुना देय्वाते पोलु पिह्‌ट अरतोग़ इनजोर, मीट किर्स्तु येसुह्‌कु पका मान ईकिर.