2 कुरिंततोर 4:11 - माडिया गोंड पवित्र सास्त्रम

¹¹ निटमे माट जीवात मनाह्‌जोम, येसुनेनाह्‌कु अमेसा हामुरता दोकाते अरयह्‌नोम. ओना जीवा मावाङ रेंड दियानाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळना इन्जि, माट दोकाते अरयह्‌नोम.

2 कुरिंततोर 4:11 Iomraidhean Croise

रोम सहरतोर 8:11

बेद देवुळि येसुन हामुरतग्डाहि तेग़्किह कीता, अदे देवुळता जीवा, मीवा जीवातगा जागा आता. अदे जीवाता लावते, मीट डोलतापया वने, देवुळि येसु किर्स्तुन कीतप लेह्‌का, मीवाङ मेंदुस्किह्‌क वने उंद दिया जीवा ईयग़ा.

1 कुरिंततोर 15:31

मावोर विस्वसिरिर! मावा किर्स्तु येसुसामि नावा मेटे, मियगा बेचोटा बेरा कबळ कीतोग़ इन्जि, नना पोग़यसोर मह्‌नन, इद करलता पोल्‍लो. ओसो नावा सेवातेनाह्‌क दिनमे हामुरता दोका नाक वास्ता, इद अचोने करलता पोल्‍लो.

1 कुरिंततोर 15:49

इद बूमते माट तोळ्योते पंडटोग़ आदमना लेह्‌कान मह्‌नल. तेला मति इंजेके मावा ताकमुळि, पोग़ोटोग़ मन्कल किर्स्तुना लेह्‌कान मनि.

2 कुरिंततोर 4:10

येसुनेनाह्‌कु माट अमेसा हामुरता दोकाते अरयह्‌नोम. इद्रमलेह्‌का ओना जीवा मावाङ मेंदुस्कनगा मन्जि, माक पिसिह कीस्ता इनजोर, मन्कलोर ऊळिह्‌तोर.

2 कुरिंततोर 4:12

इद्रम मीक बेसता कबुरतुन पोकुर कीयनाह्‌कु, माक हामुरता दोका मन्ह्‌ता. मति अद कबुर मियगा एवताह्‌कु, मीक देवुळ ईयनद पिसमुळ मन्ह्‌ता.

2 कुरिंततोर 5:4

इद मेंदुलते मनदह्‌पा, माट मोताते मन्जि ऊल्गिह्‌नल. इतेके डोलतस्के इद मेंदुलतुन विळ्सिस दाकल इनजोर ऊल्गवल. मति इद मेंदुलता बद्ला, पोग़ोटा पूना मेंदुल दोर्कि इनजोर, ऊल्गलाह आतल. अस्के हामुरतुन पिसमुळ गेल्सता इतप लेह्‌का आस्ता.

2 कुरिंततोर 6:9

उच्वुर माक अदिकरलेवोर इन्ह्‌तोर, वेल्‍लाटोर बार माक किर्स्तुनाङ बळयिर इन्जि, बेस पुन्ह्‌तोर. डोललाह आतोर इनजोर, मन्कलोर माक इन्ह्‌तोर, मति इदु! माट जीवातेन मह्‌नोम. देवुळि माक सुद्रे कीसोर मन्ह्‌ताये, मति मावा जीवातुन ओयो.