2 कुरिंततोर 3:7 - माडिया गोंड पवित्र सास्त्रम

⁷ मुनेता करलताङ अडोङ तेप्ळे बंडानगा रासतव मताङ. अविस्किन इस्रयेल मन्कलोरगा ईयह्‌पा, मोसाना मोकमतगा देवुळता डीसाता वेह्‌च मांजसोर मता. मति अद वेह्‌च कमि आनेक वने, ओर ओनगा मांजनदिन ऊळ पग़वोर. अडोना सेवा मन्कलोरिन कसुरतोर कीसि, ओरिन हामुरतके ओसीस्ता इनजोर वेहतने. हामुरतके ओसीयनद सेवातगा इचोन लाव मतेक अचोन,

2 कुरिंततोर 3:7 Iomraidhean Croise

बळयिर 6:15

पया अद पंचतगा उदिस मतोर सबेटोर इस्तिपननके ऊळतोर, अस्के ओना मोकम देवतुलता मोकमलेह्‌का मांजतप दिसता.

रोम सहरतोर 5:20

देवुळि लोकुरिह्‌क अडोङ बाराह्‌कु ईता इतेके, ओर अडोङ देहचोर, तमा पापम बुदतुन बेस पुनदना इनजोरे. मति लोकुर बेचोन पापम कीसोर अतोर, अचोने देवुळता दया वीळसोर अता.

रोम सहरतोर 7:10

ओसो (देवुळताहि एग़िसि, ताना मुनेह) डोलतप लेह्‌का आतोनन इन्जि पुतन. लोकुर अमेसाता पिसमुळता अग़दुन पुनिर इनजोर, देवुळि माक अडोङ ईता. मति (अविस्किन देहताह्‌कु,) अवे अडोङ नाकु हामुरता अग़दे ओसीतप मन्ह्‌ताङ.

रोम सहरतोर 7:22

देवुळताङ अडोना लोप्पा, नावा जीवातगा पका गिर्दा आस्ता.

रोम सहरतोर 7:5

माट मुने मन्कना बुदते ताकसोर मतल अस्के, मावाङ मेंदुस्किन पापम कीयलाह, लालुस्क ताकिह कींदुङ. मोसानाङ अडोङ पुताह्‌कु, अव लालुस्क नेका वीळसोर अताङ. अदिनेनाह्‌क माट पापम कबस्क कीसोरे, अमेसाता हामुरता लायकतोरल मतल.

1 कुरिंततोर 13:10

मति इद कालमता मारेंगाते माक पूरा तेळियग़ा. अद तूकने वळ्गा तोहतनदिना गर्ज अरवो आयग़ा.

2 कुरिंततोर 3:3

किर्स्तु रासिसि, मावा कयदे लोहतद सीटटा लेह्‌कान मीट मह्‌निर इनजोर, सबेटोर पुतोर. अद सीटि सयते रासतद आयो, मति जीवात मनदनद देवुळता जीवाते रासतद मन्ह्‌ता. मोसानाङ अडोना लेह्‌का तेप्ळे बंडानगा रासतद आयो, मति मन्कलोरा जीवातगा रासतद मन्ह्‌ता.

2 कुरिंततोर 3:6

देवुळि इंजेके मन्कलोरा संगे पूना करल कीता. अद करलतुन पोकुर कीयनद सेवा कीयलाह, माक ओप्पे कीता. अद पूना करल मोसाल रासतव अडोना इसबते आयो, मति देवुळता जीवाता इसबते आंदु.(बोग़े रासतव अडोन पूरा नोम पग़वोग़,) अदिह्‌क अवु माक हामुरतेके ओसीस्ताङ. देवुळता जीवा बार, माक अमेसाता पिसमुळतके ओसीस्ता.

2 कुरिंततोर 3:8

देवुळता जीवाता सेवातगा, तान्काय एक्‍वा लाव मनो? मन्ह्‌ताये.

गलातितोर 3:10

बोर अडोन नोमिसि सेतेमतोर आयलाह ऊळिह्‌तोर, ओर कतमतोरिह्‌क सरपे दल्गिह्‌ता. बाराह्‌क इतेके बोरु अडोना पुस्तकते रासतवु, कतम अडोनु नोमसोर मनोर, ओरिह्‌क सरप दल्गिह्‌ता, इन्जि सास्त्रमते रासतद मन्ह्‌ता. इद्रमलेह्‌का विस्वसते ताकवालोरिह्‌क बर्कत दोर्किह्‌ता, अडोन नोमवालोरिह्‌क बार सरप दल्गिह्‌ता.

गलातितोर 3:21

अह इतेके मोसानाङ अडोङ, देवुळ विळ्सतव पोल्‍लोना विरुद मन्ह्‌ताङा? अद्रम मुर्तिय आयो! माक पिसिह कीया पग़यह्‌ता, इद्रमता बेदाय अडो मतेके, निटमे अडोन नोमिसिये, माट सेतेमतोरल आवेरल.

इब्रितोर 12:18

इस्रयेल मन्कलोरिह्‌क देवुळताङ अडोङ दोर्कतस्के, ओर सीनय मेटातगा जमा आस मतोर; (अदु इद बूमते मनदनद कय बोयनद मेटा आंदु.) मेटातगा ओरिह्‌क पका मळ्गनद किसु, ईकळ-गंगा, दूंद-मुर्गम दिसता. पका जोरते अकुम ऊरनदु, देवुळता बेरा लेङु, ओरिह्‌क केंज वाता. अद लेङतुन केंजिसि, ओर पका रेयते, देवुळ इद्रम माक वळ्ह्‌कमाकि इन्जि, मोसान कालगडेम अरतोर.“मन्कल आयेग़, जन्वर आयि, अद मेटातुन इटटेके, बंडाङ उकिस हव्कनद सिक्सा ईयनदे,” इनजोर देवुळि उकुम ईस मता. पकाय रेयिस मताह्‌कु, अद उकुमतुन केंजलाह, पग़वोर आस मतोर. सीनय मेटातगा आतद पूरा, निटम अचोन रेय वसनाह मता इतेके, मोसाल वने, “नना रेयतुह्‌क साङलाह आतन,” इनजोर इतोग़. मति मीट इतेके, इद बूमते मनदनद मेटातगा वाविर.

इब्रितोर 3:3

लोतुन पंडवाल इतेके मन्कले मन्ह्‌तोग़. मति देवुळ बारा सबेटविन पंडटा. बेद्रम लोतुन पंडवाल अद लोतुह्‌काय एक्‍वा मान-कदरतोग़ आस्तोग़, अद्रमे येसु मोसाह्‌काय एक्‍वा, पका मान-कदरता लायकतोग़ आंदोग़.

इब्रितोर 9:4

तानगा बंगरते माचतद दूपम बोळ्सनद मेजा मता. ओसो बंगरते माचतद संदुक वने मता, अदु देवुळता करलता सीना मता. अद संदुकता लोप्पा बंगरता कोपा मता. कोपाता लोप्पा पोग़ोटाहि अरतद मना तिंडि मता. ओसो संदुकता लोप्पा आरुनना डुडि मता. अद डुडि कोळ्सिस मता. ओसो देवुळताङ अडोङ कोटिस मतव, रेंड तेप्ळे बंडाङ मताङ.