2 कुरिंततोर 3:5 - माडिया गोंड पवित्र सास्त्रम

⁵ माट इव सबे कबस्क मावा बुदते कीया पग़वोम, अदिनेनाह्‌क माटे इविन कीतोम इनजोर इनोम. देवुळिये मावा कयदे सबे आया पग़नाह कीता.

2 कुरिंततोर 3:5 Iomraidhean Croise

लूकाल 21:15

मीक बाताल वळ्ह्‌कना मन्ह्‌ता, ताना बुदि नना मीक ईकन. मीवा कोटुलतोर मीवा पोल्‍लोतुन केंजतस्के, पोल्‍लो मल्हता पग़वोर आयनुर. मीवा पोल्‍लोतुन जोल वने तोहता पग़वोर आयनुर.

लूकाल 24:49

ओसो नावा देवुळबाबाल बाताल ईकन इन्जि पोल्‍लो विळ्सिस मतोग़, अद पवित्र जीवातुन नना मियगा लोहतकन. बेचानाह देवुळतग्डा लाव मीवा पोग़ोन रेगो, अचानाह मीट इदे येरुसलेम सहरतगान मन्ह्‌टु,” इनजोर वेहतोग़.

योहन 15:5

नना तोंडालेह्‌काडोनन; मीट नावाङ कांदानिर आंदिर. बोर नयगा जोळेम आस मन्ह्‌तोर, नना ओरगा जोळेम आस मह्‌नन, अस्के अव कांदाङ वलियिसि पका आदिह्‌ताङ. बाराह्‌क इतेके नयग्डाहि एग़िस मतेके, मीक देवुळतेनाह्‌क बातय कीया वावो.

रोम सहरतोर 15:18

यहुदि आयवोरु नना वेहतव पोल्‍लोन केंजतोर; नावा कयदे कीतवु, बामनाह लेह्‌काडाङ सीनान ऊळतोर. ऊळिसि, केंजिसि, किर्स्तुन विस्वस कीतोर. इद्रमलेह्‌का देवुळता जीवाता लावते, येरुसलेम सहरताहि इलुरिकुम पट एवनाह, नना किर्स्तुना बेसता कबुरताङ सबे पोल्‍लोन तपवालेवा वेहतन. इद्रम किर्स्तु नावा कयदे कीतव पोल्‍लोनु दीराते वेहतह्‌नन, अविस्किन विळ्सिसि दुस्रा बेदे वेहोन.

1 कुरिंततोर 15:10

मति नना इंजेके बळयिनन मह्‌नन इतेके, देवुळता दयाते मह्‌नन! देवुळि नाक ईतद दया उगस अनो. किर्स्तुनाङ बळयिर दुस्रोरिह्‌काय एक्‍वा, नना एपुर पेसनाह कह्‌टेम कीतन. तेला मति निटम इतेके, नावाय लावते नना केवोन, देवुळि तना देय्वाते नयग्डाहि कह्‌टेम कीता.

1 कुरिंततोर 3:10

देवुळि नाक तना देय्वाते ईतद बुदता इसबते, बेस तेल्वतोग़ बेल्दर जोता दोहतना लेह्‌कान, नना मुने मीक किर्स्तुना पोल्‍लो वेहतन. दुस्रोर मन्कलोर बार ताना पोग़ोन तेहचोर दायना लेह्‌का, मीक काग़्हतह्‌तोर. मति ताना पोग़ोन तेहचोर अनवाल मन्कल, तना बेद रीतते दोहतह्‌तोग़ इनजोर, उसरते सीता कीयना गावले.

1 कुरिंततोर 3:6

बह इतेके, (मीट विस्वसिरिर पोर्ह्‌काना लेह्‌कान मह्‌निर.) नना वीतवाना लेह्‌कान, कबळ सुरु कीतोनन; अपुलोस पेग़्के एग़ अर्हतोना लेह्‌कान, (मीक येसुनाङ पोल्‍लोन कग़यलाह साय्ता) कीतोग़. मति मीक बेर्सिह कीतद इतेके देवुळिये!

2 कुरिंततोर 12:9

मति येसुसामि नाक इद्रम इतोग़: “इद तिपलता संगे नना नीक देय्वा ईतन, अदे आस्ता. बाराह्‌क इतेके नीक लाव लेवस्केन, नावा लाव नियगा पका ताकिह्‌ता,” इनजोर इतोग़. अदिनेनाह्‌क इंजेके नाक लाव लेवस्के, किर्स्तुना लाव नयगा ताकना इनजोर, बेस-नेह्‌ना गिर्दाते पोग़यिह्‌नन.

2 कुरिंततोर 2:16

विस्वस केवा देवुळतग्डाहि जेक आयवालोरिह्‌क, मावा पोल्‍लो हामुरता गबता लेह्‌कान आस्ता. किर्स्तुन विस्वस कीस पिसवालोरिह्‌क बारा, पिसनदिना गबता लेह्‌कान आस्ता. मति देवुळि लाव एवेक अचोन, इद्रम ताना कबळ कीयलाह, बोग़े लायक इलोग़.

2 कुरिंततोर 4:7

बंगर-वेंडिन रेंड दियाना अळ्कातगा तासना लेह्‌कान, बेसता कबुरतुन देवुळि मयगा ईता. इद बेसता कबुरता वेहता वावप मनदनद लावु, मयग्डाह आयो, मति तानग्डाहिये मन्ह्‌ता इनजोर तोहतलाह, अद्रम कीता.

पिलिपितोर 2:13

बाराह्‌क इतेके देवुळिये इद्रम ताकलाह, मियगा विचर्क पुटिह कीस्ता, ओसो तान्क विचर वायनव कबस्क कीयलाह, तोळ वने ईस्ता.

पिलिपितोर 4:13

किर्स्तु नाक लाव ईस्तोग़, अदिनेनाह्‌क नना बह तेला पिस पग़यह्‌नन.

2 तिमोति 2:2

नना काग़्हतव पोल्‍लोन, वेल्‍लाटोर मन्कलोरा मुनेह निमा केंजतिन. अव पोल्‍लोन काळ्ङलाहि, दुस्रोरिन काग़्हतना लायकतोर सेतेमतोरिह्‌क वेहा.

याकुब 1:17

बाराह्‌क इतेके पोळ्‍दतुन, नेलातुन, उकानु पुटिह कीतोग़ देवुळबाबानग्डाह, सबे बेसताङ माचलेववु बर्कत्कु वास्ताङ. मति (पोळ्‍दता, नेलाता वेह्‌च बेद्रम एक्‍वा-तक्‍वा मिळ्न्दसोर दास्ता, अद्रमलेह्‌काडा मावा देवुळ आयो.) ताना गूनम बेस्केन मिळ्न्दो.