2 कुरिंततोर 2:3 - माडिया गोंड पवित्र सास्त्रम

³ मीट नाक गिर्दा आनाह कीतेके, मीट वने गिर्दा आयकिर इनजोर, मीट सबेटोरा पोग़ोन नावा बर्वस मन्ह्‌ता. मति नना वातस्के, नाक गिर्दा आनाह कीयना वाटो, नाक दुकम आनाह कीकिर बहे इनजोर रेयतन. अदिनेनाह्‌क चट्पिट मियगा वावा मुने, उंद सीटि लोहच मतन.

2 कुरिंततोर 2:3 Iomraidhean Croise

1 कुरिंततोर 4:21

नना मियगा वातस्के, बह कीकन? मीक सिक्सा ईसि सुद्रे कीयलाह वायकना? बार जीवा कीसि, कुलुल जीवाते वायकन? मीट बह इह्‌निर?

2 कुरिंततोर 1:15

इद्रमे बर्वस कीसि, नयग्डाहि मीक रेंड मल्काङ पाय्दा दोर्कि इनजोर, मुने मियगाने वायलाह विचर कीस मतन.

2 कुरिंततोर 1:23

मीक तेर्हचि लजा वानाह केवोन इनजोर, मियगा वावोन. नावा इद पोल्‍लो सेतेम इलवेके, देवुळिये नाक एळ्हि.

2 कुरिंततोर 12:11

नना बेदिह्‌क ओजोन! मति माटे किर्स्तुनाङ बळयिरगा पका बेरोरोम इनजोर, उच्वुर जोल वेहचोर तिरियिह्‌तोर. निटमे ओरिह्‌काय नना बेदे पोल्‍लोते उड्लोनन आयोन. अदिह्‌क नावा लोप्पा मीट पोग़यना मता! मति मीट केमेन मताह्‌कु, ननाय पोग़यतन, ओसो बुदलेवोना लेह्‌कान आतन! पोग़यलाह मीटे नाक तग़्हतप लेह्‌का कीतिर!

2 कुरिंततोर 12:21

ओसो इद्रम वने रेयतन: मियग्डोर विस्वसिर उच्वुर, ओर्विह्‌क-ओर्वोग़ साट्याल कबस्क, लजालेवा करब कबस्क, इद्रमता पापम कींदुर. ओर तमा पापमता अग़दाहि मलवदिन ऊळिसि, नाक दुकम आनाह आयो बहा; इद्रम नावा देवुळि नाक मीवा मुनेह, लजा वानाह केवो बहा इनजोर रेयतन.

2 कुरिंततोर 13:10

मीवा विस्वसतुन बेर्सिह कीयलाहि, सामिनाहि माक अदिकर दोर्कता, तान बूळे कीयलाहि आयो. मियगा वातस्के, इद अदिकरते मीक कळकते वेहतनाह आयमाकि इनजोर, इंजेक मियग्डाह जेक मनदह्‌पा, इव पोल्‍लोन रासलाह आतन.

2 कुरिंततोर 2:9

मुनेता सीटटे, मीट ओन सिक्सा ईयना इन्जि, वेहच मतन. नना वेहतनव सबे पोल्‍लोन, मीट केंजिह्‌निरा, केंजविरा इनजोर ऊळलाह वने, नना सीटि लोहच मतन.

2 कुरिंततोर 7:12

नना मुने मीक सीटि रासिस मतन, तान कसुर कीतोनेनाह्‌क रासोन. अहे ओग़ बोना विरुद कसुर कीतोग़, ओनेनाह्‌क वने रासोन. मति देवुळता मुनेह, मीट मावा बेचोन पर्वा कीय्ह्‌निर, इदिन तोहतलाह मीक मोका दोर्कि इन्जि, रासिस मतन.

2 कुरिंततोर 7:16

सबे पोल्‍लोने नाक मियगा पूरा बर्वस मन्ह्‌ता इनजोर, नना गिर्दा आतन.

2 कुरिंततोर 7:8

नना मीक रासतद सीटटुन अर्विसि, गळ्क मीट दुकम आस मतिर. विस्वसिरिन दुकम आनाह कीतन इनजोर, मुने आल्सिंदन, मति इंजेक आल्सोन.

2 कुरिंततोर 8:22

तीतुसना ओसो ओना तोळतोना संगे, ओसो ओर्वोग़ मावा ऐंगेटोग़ विस्वसिन लोहतलाह आतोम. ओग़ देवुळता सेवातगा गिर्दाते मनवाल इनजोर वेल्‍लाङे पोल्‍लोने, वेल्‍लाङे मल्काङ पर्ह्‌किस ऊळतोम. मियगा ओग़ पका आसा कीताह्‌कु, इंजेके मियगा वायलाह ओना ओसोय जिद मन्ह्‌ता.

गलातितोर 5:10

मीट वने नावा पोल्‍लोतुन कबुल कीकिरे इन्जि, देवुळतेनाहि नावा बर्वस मन्ह्‌ता. मीक तिपल केवाल पया, बोग़े मनेग़, ओन्क देवुळता सिक्सा दोर्कग़ाये.

2 तिसलुनितोर 3:4

मीक माट उकुम ईतप लेह्‌का, मीट कीयलाह आतिर. मुनेह ओसो सामि मीक ताकिह कीताह्‌कु, मीट कीसोरेन मनदकिर इन्जि, सामिनगा नावा बर्वस मन्ह्‌ता.

पिलेमोन 1:21

नावा पोल्‍लोतुन केंजिह्‌निन इनजोर, बर्वस कीस रासलाह आतन. नना वेहता पोल्‍लोतुह्‌काय, एक्‍वा वने कीकिन इनजोर पुतन.