2 कुरिंततोर 13:7 - माडिया गोंड पवित्र सास्त्रम

⁷ मीट मावाङ केंजवा, बाताले लाग्वा कबळ कीयना आयो इनजोर, मियेनाह्‌क देवुळतुन पार्तना कीय्ह्‌नोम. मयगा किर्स्तुनाङ बळयिरा अदिकर मन्ह्‌ता इनजोर, मीट रेयिस ताकलाह, इदिन इनोन. अद अदिकर माट मीक तोहवेक वने बार आयो, मति मीट सेतेमते ताकनदे, माक विचर वास्ता.

2 कुरिंततोर 13:7 Iomraidhean Croise

मत्याल 6:13

ओसो कंदाता वेलाते माक पापमते अर्हमा, मति माक देयह्‌कना मुक्यानाहि पिसिह कीमु. [राजेमि, लावु, डीसाङ इव अमेसाताङ नीवाङे मन्ह्‌ताङ. माट ताल्ह्‌कतप आयि.]”

योहन 17:15

निमा वेरिन इद बूमताहि पेहचीम इनजोर ताल्ह्‌कोन. मति वेर इद बूमते मनेके, देयह्‌कना मुक्यानग्डाहि वेरिन पिसिह कीम इन्जि, नना नीक ताल्ह्‌किह्‌नन.

रोम सहरतोर 1:28

ओरिह्‌क देवुळतुन सीता कीयलाह, मुर्तिय विचर वावो. अदिनेनाह्‌क ओरा बुद करबता मनि, ओप्पवव कबस्क कीयिर इनजोर, देवुळि ओरिन विळ्सिसीता.

रोम सहरतोर 12:17

सबेटोरिह्‌क बेस ओप्पनव पोल्‍लोना विचर कीसोर ताकाटु. मीवा मेटे बेचोन आया पग़यह्‌ता अचोन, सबेटोरा संगे गूनमते मन्ह्‌टु. बोराय मीवा नुस्कन कीतेके, ओरिन कोदा पोयमाटु.

रोम सहरतोर 13:13

ओसो माट वेह्‌चते मनाह्‌कु, बेसता बुदते ताकिङ. अद्रमे ओचेरा लेह्‌का केवा, साट्याल बुदते विचर वातप केवा, वह्‌चळ केवा, ओसो दुस्रोरगा जीवा कर्ववा, बेसता अग़दे ताकिङ.

रोम सहरतोर 16:10

अपिलेसिह्‌क नना जय येसु इह्‌नन. ओग़ तिपल्कने विस्वसतुन विळ्सवा, किर्स्तुन पोस मंदोग़. अरिस्तुबुलुसना लोते मनवालोर सबेटोर विस्वसिरिह्‌क, नना जय येसु इह्‌नन.

1 कुरिंततोर 11:19

मियगा पोल्‍लोङ अरवोर मनदनुरे, अस्केन बोर देवुळतुह्‌क निटम विचर वानाह ताकिह्‌तोर इनजोर, मीट सबेटोर मन्कलोरिह्‌क एर्का आयग़ा.

2 कुरिंततोर 10:10

नना इद्रम बाराह्‌कु वेहतह्‌नन इतेके, “पोलु तनाङ सीटिने बेराङ-बेराङ, पका कळक पोल्‍लोङ रासिह्‌तोग़, मति मावा संगे मनदह्‌पा, लावलेवप लेह्‌कान दिसिह्‌तोग़, ओग़ बेस-नेह्‌ना वळ्ह्‌क पुनोग़” इनजोर, उच्वुर इन्ह्‌तोर.

2 कुरिंततोर 10:18

अदिकरतोनन इनवाल मन्कनगा, सामि ईतद अदिकर इले; मति बोन्क सामिनाहि अदिकर दोर्किह्‌ता, ओग़े निटम अदिकरतोग़ आंदोग़.

2 कुरिंततोर 13:6

अद्रम पर्ह्‌किस ऊळतेके, मयगा वने बळयिरा अदिकर निटम मन्ह्‌ता इनजोर, मीट पुनदकिर बहे.

2 कुरिंततोर 13:8

मीट सेतेम काग़्हमुळतुन माळतेके, माट मीवा विरुद बेद्रम आयकोम? माट अद्रम आयवा, मीवा तोळे मनदकोम!

2 कुरिंततोर 13:9

माट लावलेवोरोम दिसतेक बार आयो, मीट लावतोर मतेक, माट गिर्दा आय्ह्‌नोम. मीट मीवा ताकमुळते तपतव पोल्‍लोन सुद्रे कीसि, देवुळतुह्‌क विचर वानाह पिसना इनजोर, पार्तना कीय्ह्‌नोम.

2 कुरिंततोर 6:4

मति सबे पोल्‍लोने, माट देवुळता सेवातोरोम इनजोर तोहतह्‌नोम. रीतरीतिनाङ तिपल्कने, दोकाने, कंडिसतनमते, दीरा पोस मह्‌नोम.

2 कुरिंततोर 8:21

सिरप देवुळता मुनेह मावाङ कबस्क ओप्पनव आयो, मति मन्कलोरा मुनेह वने, माट कसुरलेवप दिसना इन्जि, सीता कीसोर मह्‌नोम.

पिलिपितोर 4:8

मावोरिर! इद उंद पोल्‍लो पिसता, बेव पोल्‍लोङ बेस-नेह्‌ना, असलताङ मन्ह्‌ताङ, अवे पोल्‍लोने सीता कीसोर मन्ह्‌टु: इतेके बर्वस लायकताङ पोल्‍लोङ, मानेम आयना लेह्‌काडाङ पोल्‍लोङ, सेतेमताङ पोल्‍लोङ, पवित्र पोल्‍लोङ, गिर्दाताङ पोल्‍लोङ, बेस विचर वायनव पोल्‍लोङ, इविस्किने सीता कीसोर मन्ह्‌टु.

1 तिसलुनितोर 5:23

सुकम ईयनद देवुळि मीक पूरा पवित्र कीयि; मीवा बुदतुन, मीवा जीवातुन, मीवा मेंदुलतुन पूरा राका कीयि; अस्के मावा येसुसामि किर्स्तु ओसो वायह्‌पा, मीट बेदे कसुरलेवा मनदकिर.

1 तिमोति 2:2

राजालोर ओसो अदिकरते मनवालोर सबेटोर, बेसता बुदते राजेमतुन काळ्ङना इन्जि, ओरेनाह्‌क वने पार्तना कीयना गावले. अस्के माट रेयलेवा देवुळ वेहतव अडोने तिरिय पग़यकल, दुस्रोरिह्‌क विचर वानाह ताक पग़यकल, अह आसि मावा मनमुळ सुकमते दायग़ा.

2 तिमोति 2:15

निमा इद्रम मन: देवुळि नीक ऊळिस बेस गिर्दा आनाह मनदलाह, अद्रम मन. बेस-नेह्‌ना कबळ कीतेके, लजा अरनाह आयो. निमा देवुळता सेतेम पोल्‍लोतुन तपवालेवा काग़्हचि, बेस-नेह्‌ना कबळ केवाल मन्कना लेह्‌कान मन.

2 तिमोति 4:18

अद्रमे सबे लाग्वाङ पोल्‍लोनाहि येसुसामि नाक पिसिह कीयनोग़, ओसो नाक पोग़ोन तना राजेम ताकिह कीयनगा, बेस-नेह्‌ना ओयनोग़. ओन्के अमेसा-अमेसातुह्‌क मान आयि. आमेन!

याकुब 1:12

पापमते अर्हतनव पोल्‍लोङ वातेक तेला, बोर लोकुर विस्वसते मेग़्किस निच मन्ह्‌तोर, ओर देय्वातोरु. ओर दीरा पोसि देवुळतुन विळ्सवाह्‌कु, ओरिह्‌क देवुळतेनाह अमेसाता पिसमुळता इनम दोर्कग़ा. बह इतेके, नाक बोर जीवा कीस्तोर, ओरिह्‌क अद अमेसाता पिसमुळता इनम ईकन इन्जि, देवुळि पोल्‍लो विळ्सिस मता.

1 पत्रु 2:12

देवुळतुन पुनवोरा नडुम मनदह्‌पा, मीटु कसुरलेवपु असल मन्ह्‌टु. ओर मीकु “वेर लाग्वोरे!” इन्जि कसुर तोहतेकाय, मीवा असलता ताकमुळतुन ऊळनुर. ऊळिसि पया पेग़्के ओर इंका देवुळता मोकम ऊळनद दियाते, देवुळतुनु मान ईयनुर.