2 कुरिंततोर 13:10 - माडिया गोंड पवित्र सास्त्रम

¹⁰ मीवा विस्वसतुन बेर्सिह कीयलाहि, सामिनाहि माक अदिकर दोर्कता, तान बूळे कीयलाहि आयो. मियगा वातस्के, इद अदिकरते मीक कळकते वेहतनाह आयमाकि इनजोर, इंजेक मियग्डाह जेक मनदह्‌पा, इव पोल्‍लोन रासलाह आतन.

2 कुरिंततोर 13:10 Iomraidhean Croise

1 कुरिंततोर 4:21

नना मियगा वातस्के, बह कीकन? मीक सिक्सा ईसि सुद्रे कीयलाह वायकना? बार जीवा कीसि, कुलुल जीवाते वायकन? मीट बह इह्‌निर?

1 कुरिंततोर 5:4

इतेके मावा येसुसामिना पेदिरते मीट जमा आयह्‌पा, नना वने सीताते मीवा संगे मह्‌नन. ओसो मावा येसुसामिना लाव मावा संगे मन्ह्‌ता.

2 कुरिंततोर 10:2

अद इद्रम मन्ह्‌ता: पोलुर दुनियातोरा लेह्‌कान ताकिह्‌तोर इनजोर, मियगा वावालोर उच्वुर मन्कलोर माक पास्किह्‌तोर. नना अके वातस्के, ओरिन कळकते वळ्ह्‌ककन इनजोर, विचर कीयलाह आतन. मति मीवा संगे नना अद्रम वळ्ह्‌कनाह आयमाकि! नना मीक अर्जि कीय्ह्‌नन.

2 कुरिंततोर 10:4

माट इद दुनियाता बुदते, तेल्वते वने, लळेम आयोम, मति देवुळता लावते लळेम आय्ह्‌नोम. लळेम आसि, मन्कना बुदते बेसता कबुरता अडम मेग़्किस मनदनव, सबे विचर्किन बूळे कीय्ह्‌नोम.

2 कुरिंततोर 10:8

मीवा विस्वसतुन बेर्सिह कीयलाह, सामिनाहि माक अदिकर दोर्कता, तान बूळे कीयलाह आयो. इद्रमता अदिकर ईतोग़ इनजोर, नना पका पोग़यतेक तेला, ताना लोप्पा लजा आयोन.

2 कुरिंततोर 13:8

मीट सेतेम काग़्हमुळतुन माळतेके, माट मीवा विरुद बेद्रम आयकोम? माट अद्रम आयवा, मीवा तोळे मनदकोम!

2 कुरिंततोर 2:3

मीट नाक गिर्दा आनाह कीतेके, मीट वने गिर्दा आयकिर इनजोर, मीट सबेटोरा पोग़ोन नावा बर्वस मन्ह्‌ता. मति नना वातस्के, नाक गिर्दा आनाह कीयना वाटो, नाक दुकम आनाह कीकिर बहे इनजोर रेयतन. अदिनेनाह्‌क चट्पिट मियगा वावा मुने, उंद सीटि लोहच मतन.

2 कुरिंततोर 6:6

इद्रम मन्जाय मति, माट कसुरलेवा पिससोरे, देवुळता बुदतुन पुनजोरे, बेदे पोल्‍लोते मुयोग़ आयवा, दुस्रोरिन गूनम तोहचोरे, ओरिन जीवाताहि जीवा कीसोरे,देवुळता जीवा वेहतप ताकसोरे,

तीतुस 1:13

ओग़ सेह्‌नाल वेहतद पोल्‍लो निटमे. अदिनेनाह्‌क यहुदिर वेहतनव उगसताङ पीटोन, सेतेमतुन पास्कवालोरा उकुमतुन केंजवा, सेतेम काग़्हमुळतुन पोस नमिर इनजोर, विस्वसिरिन तेर्हचोर मन!