2 कुरिंततोर 12:1 - माडिया गोंड पवित्र सास्त्रम

¹ इद्रम पोग़यतेके, नाक बाताले पाय्दा दोर्को, दोर्कवेकाय नाक पोग़य पोयतह्‌ताये; सामि नाक लेकाते पुन्पिह कीतव पोल्‍लोनु, ओसो नाक तोहतव पोल्‍लोन वेहतकन:

2 कुरिंततोर 12:1 Iomraidhean Croise

योहन 16:7

तेला मति मीक सेतेम वेहतह्‌नन, नना अतेके मीवा पाय्दाये आयग़ा. नना अनवेके, तोळ मनदनद देवुळता जीवा मियके वावो आयग़ा. मति नना अतन इतेके, तान मियके लोहतकन.

योहन 18:14

“वग़ोग़ मन्कल लोकुरेनाह्‌क हायना, इवटेन मावा पाय्दा आयग़ा,” इद्रम इन्जि, यहुदिराङ पेदल्किन मुने वेहच मतोग़, ओग़ वेग़े कयपाल इनवाल आंदोग़.

बळयिर 18:9

उंद दिया नग़्का देवुळ तोहतना लेकाते, येसुसामि पोलुह्‌क दिसिस, “नना नीवा तोळ मह्‌नन पोलु. नीक बोरे कय बोयोर आयनुर. इद सहरतगा वेल्‍लाटोरिन नना आचतन. अदिह्‌क केमेन मनमा, रेयवालेवा पोकुर कीसोर अन,” इनजोर इतोग़.

बळयिर 23:11

पया अदे नग़्का, येसुसामि पोलुनगा लेकाते वासि, “पोलु निमा रेयमा! बेद्रम इद येरुसलेम सहरतगा, नावा पोल्‍लोता साक्सि ईतिन, अद्रमे रोम सहरतगा वने, नावा पोल्‍लोता साक्सि नीक ईयना मन्ह्‌ता,” इनजोर वेहतोग़.

1 कुरिंततोर 10:23

मीट वेहतह्‌निर, “माक सबे कीयलाह पोलिह्‌ता” इह्‌निर, मति नना वेहतह्‌नन, “सबे कीयलाह पोलिह्‌ता, मति सबे कबळतुह्‌क अरवोङ” इह्‌नन. सबे कीयलाह पोलिह्‌ताये, मति विस्वसिरा मुडोरिर मीक विस्वसते बेर्सलाहि, सबे कबळतुह्‌क अरवोङ.

1 कुरिंततोर 14:6

मावोर विस्वसिरिर! नना मियगा वासि देवुळि नाक वेहतद पोल्‍लो वेहेनन, इलवेके मीट मुने पुनवव पोल्‍लोन वेहेनन, इलवेके देवुळता जीवाता दळ्मते वेहेनन, इलवेके मीक काग़्हेनन, अस्के मीक पाय्दा आयग़ा! मति इद्रम कीयनद विळ्सिसि, नना पुनवद बासाते वळ्ह्‌कतेके, मीक बाताल पाय्दा आयग़ा?

1 कुरिंततोर 6:12

मीट उच्वुर मन्कलोरिर, माक सबे कीयलाह पोलिह्‌ता इह्‌निर. अद निटमे, मति सबे कबस्कनाहि पाय्दा दोर्को इह्‌नन. नाक सबे कीयलाह पोलिह्‌ताये, मति बेदिने नाक आव्रे कीयलाह एवोन.

2 कुरिंततोर 12:11

नना बेदिह्‌क ओजोन! मति माटे किर्स्तुनाङ बळयिरगा पका बेरोरोम इनजोर, उच्वुर जोल वेहचोर तिरियिह्‌तोर. निटमे ओरिह्‌काय नना बेदे पोल्‍लोते उड्लोनन आयोन. अदिह्‌क नावा लोप्पा मीट पोग़यना मता! मति मीट केमेन मताह्‌कु, ननाय पोग़यतन, ओसो बुदलेवोना लेह्‌कान आतन! पोग़यलाह मीटे नाक तग़्हतप लेह्‌का कीतिर!

2 कुरिंततोर 12:5

इद्रमतोग़ मन्कना पोल्‍लोतुन वेहचि, नना पोग़यकन! मति नावा लोप्पा वेहतना इतेके, सिरप नावा लावते कीया पग़वव पोल्‍लोने वेहच पोग़यकन. दुस्राङ पोल्‍लोन वेहचि पोग़योन.

2 कुरिंततोर 12:9

मति येसुसामि नाक इद्रम इतोग़: “इद तिपलता संगे नना नीक देय्वा ईतन, अदे आस्ता. बाराह्‌क इतेके नीक लाव लेवस्केन, नावा लाव नियगा पका ताकिह्‌ता,” इनजोर इतोग़. अदिनेनाह्‌क इंजेके नाक लाव लेवस्के, किर्स्तुना लाव नयगा ताकना इनजोर, बेस-नेह्‌ना गिर्दाते पोग़यिह्‌नन.

2 कुरिंततोर 8:10

अदिनेनाह्‌क इंजेके नावा विचरतुन, मीक वेहतलाह आतन: मीट कोताङ अर्हतना इनजोर, नीरेताहि विचर कीयलाह आतिर, कोताङ ईयलाह वने सुरु कीतिर. इंजेके अद कबळतुन मारिह कीम्ह्‌टु. इद मीक बेस आस्ता. कोताङ अर्हतना इनजोर, मीवा विचर मता, अद्रमे बेचोक अर्हता पग़यह्‌निर, अचोक अर्हाट.

गलातितोर 1:12

मन्कनग्डाहि नना इद कबुरतुन केंजोन, मन्कनग्डाहि नना कग़योन वने. मति नाकु येसु किर्स्तुये अदिन पुन्पिह कीतोग़.

गलातितोर 2:2

अगा देवुळिये नाक ओसीताह्‌कु नना अतन. अन्जि अग्डोर विस्वसिरगा, बोर मोदुल मन्कलोर मन्ह्‌तोर, ओरगा अतन. दुस्राङ जातिनोरगा नना काग़्हतद बेसता कबुरतुन, ओरिन ओर्के एग़िह कीस वेहतन. निमा काग़्हतद कबुर देवुळतग्डाहे वाता इनजोर, ओर पेदल्क नाक इनदनुर बहे; अस्के नावा पूरा कह्‌टेम उगसे अनो आयग़ा इन्जि, नावा आसा मता.

इपिसुसतोर 3:3

देवुळि तना मकिस मतद पोल्‍लोतुन नाक तोहचीता, अद पोल्‍लोता लोप्पा नना पोग़ोन उचुन-उचुन रासतन.

1 तिसलुनितोर 4:15

माटु सामि वेहतद पोल्‍लोते मीक इद्रम वेहतह्‌नोम इतेके, येसु मल्स वायनस्के, इद बूमते जीवात मनवालोर विस्वसिर, डोलतोर विस्वसिरिह्‌काय मुने देवुळदीपते अनोर.

1 योहन 5:20

देवुळता मग़ि येसुसामि इद बूमतगा वासि, सेतेम देवुळतुन पुनदना इन्जि, ओग़ माक बुद ईतोग़. माट इंजेके इदे निटम देवुळता संगे जोळेम आतल इतेके, ताना मग़ि येसु किर्स्तुना संगे जोळेम आतल. सेतेम देवुळ ओसो अमेसाता पिसमुळ एवाल वेग़े आंदोग़. माक विस्वसिरिह्‌क इव सबे पोल्‍लोङ एर्काय मन्ह्‌ताङ.