2 कुरिंततोर 11:9 - माडिया गोंड पवित्र सास्त्रम

⁹ नना मियगा मतन अस्के, नाक कोताना गर्ज अर्स मताये! मति नना बोनाय पोग़ोन मोता वाटोन. मकिदुनिया पटटाहि वास मतोर विस्वसिर, नावा गर्जतेनाह्‌क पूरा तोळ ईतोर. इचानाह नना मियग्डोग़ बोनाय पोग़ोन मोता वाटोन, इंजेक मुनेह वने अद्रमलेह्‌कान मोता वाटोन.

2 कुरिंततोर 11:9 Iomraidhean Croise

बळयिर 18:3

ओर आळ इर्वुर टमिङ पंडिस वमना दंदा कींदुर. पोलु वने टमिङ पंडिंदोग़, अदिह्‌क ओग़ वने ओरगा मन्जि, अद कबळ कींदोग़.

बळयिर 18:5

पया सीलासि, तिमोति, मकिदुनिया पटटाहि कुरिंत सहरते वातोर. ओर वातापया, पोलु (तना टमिना कबळतुन विळ्सिस,) देवुळता पोल्‍लोतुन दिनमे पोकुर कींदोग़. सास्त्रम वेहतपु, देवुळि बोग़ पिसिह केवान लोहतना मता, ओग़ येसुये आंदोग़ इनजोर, यहुदिरगा साक्सि वेहन्दोग़.

बळयिर 20:33

ओसो नना बोनाङ वेंडिना, बंगर्कना, गेंदेना बेस्केन लालुस केवोन.

रोम सहरतोर 15:26

येरुसलेमते मनवालोर मावा ऐंगेटोर गरिब विस्वसिर तिपलते मन्ह्‌तोर इन्जि, मकिदुनिया पटटोर ओसो अकाया पटटोर यहुदि आयवोर विस्वसिर, ओरेनाह्‌क कोताङ अर्हचि लोहचीयना इनजोर, विचर कीतोर. इवे कोताङ एव्सिह कीयलाहि, नना इंजेके दायलाह आतन.

1 कुरिंततोर 16:17

मियग्डाहि इस्तिपनास, पुरतुनातुस, अकयकुस, वेर मुवुर आसि इगा वाताह्‌कु, नना गिर्दा आतन. जेक मनाह्‌क मीट इगा वाया पग़विर, मति वेर वाताह्‌कु, मीटे वातप लेह्‌का आता.

2 कुरिंततोर 6:4

मति सबे पोल्‍लोने, माट देवुळता सेवातोरोम इनजोर तोहतह्‌नोम. रीतरीतिनाङ तिपल्कने, दोकाने, कंडिसतनमते, दीरा पोस मह्‌नोम.

2 कुरिंततोर 9:12

बह इतेके, दान कोताङ अर्हतनद सेवा कीतेके, देवुळता मन्कलोरा गर्जते, ओरिह्‌क तोळ ईयनाह आस्ता. अचोने आयो मति, ओरिह्‌क तोळ ईतस्के, ओरा जीवाताहि देवुळतुह्‌क जोहरता पोल्‍लो पेससोरेन दास्ता.

पिलिपितोर 2:25

(तिमोति मियेके पया वायनोग़ निटमे, मति) इंजेके मावा तोळतोग़ विस्वसि मियग्डोग़ इपप्रुदितुन मियगा मल्हच लोहतलाह, विचर कीयलाह आतन. ओग़ बेसता कबुर वेहतलाह नावा संगे तोळ आंदोग़, ओसो अद कबुरतेनाह्‌क नावा संगे लळेम आयवाल वने आंदोग़. नावा साय्ता कीयलाह, मीट ओन लोहच मतिर.

1 तिसलुनितोर 2:6

मियगा मनदह्‌पा, माट येसु किर्स्तुनाङ बळयिरोम, अदिनेनाह्‌क मीट माक मान ईयना इनजोर वेहतलाह, माक अदिकर मताये. मति मीट आयि, बोर दुस्रोर आयिर, मन्कलोर माक इद्रम मान ईयिर इनजोर, माट विचर केवोम. मति पाल ऊहतनद तलोग़, तनाङ पिलाङ-पेकोरिन बेद्रम बेस-नेह्‌ना अय कीस्ता, अद्रम माट वने मीवा संगे उड्लोरा लेह्‌का, कुलुल बुदते मतोम.

1 तिसलुनितोर 2:9

मावोर विस्वसिरिर! मियगा मनदह्‌पा, माट बेद्रम एपुर पेसनाह कह्‌टेम कीतोम, इदिन मीट सीता कीय्ह्‌निर! मियग्डाहि बोनगाने माट ताल्ह्‌किस तिनदनद आयो इन्जि, नग़्का पिळ्‍विळ पियल-पोळ्‍दु, कबळ कीस तितोम! अद्रम मनजोरे मीक देवुळता बेसता कबुरतुन पोकुर कीतोम.

इब्रितोर 11:37

उय्तुरिन बंडाङ उकिस हव्कतोर; उय्तुरिन आरेते पग़्क पहतोर. [उय्तुरिन विस्वस विळ्सनाह कीस ऊळतोर.] उय्तुरिन तल्वरते हव्कतोर. विस्वस कीतोर उच्वुर मन्कलोरिन, पकाय तिपल कीताह्‌कु, ओर लोन-दुवरलेवा तिरियतोर; तमगा गेंदेङ लेवाह्‌कु, गोरे तोलाङ, एर्रे तोलाङ उहंदुर; दुस्रोरा कय इळ्न मंदुर.