2 कुरिंततोर 11:6 - माडिया गोंड पवित्र सास्त्रम

⁶ नाक वळ्ह्‌कलाह कोनि तेळियो, मति सेतेम पोल्‍लोता लोप्पा, नना बुद पुनवोनन आयोन. इदिन माट सबे पोल्‍लोने, सबे रीतिने, मीक पोळ्क्ने तोहतोम.

2 कुरिंततोर 11:6 Iomraidhean Croise

1 कुरिंततोर 1:17

किर्स्तु नाक तना पेदिरते एग़ मीहतलाह लोहोग़ मति, तना बेसता कबुरतुन पोकुर कीयलाह लोहतोग़. मन्कलोरा लेह्‌काडा बुद कीसि, दुस्रोरिह्‌क विचर वानाह पोकुर कीयलाहि आयो. अद्रम पोकुर कीस मतेक अचोन, किर्स्तु हव्कनागुटातगा डोलतद पोल्‍लो कबळतुह्‌क अरवप आवालि.

1 कुरिंततोर 1:21

इतेके देवुळि मुनेन तना बुदते इद्रम विचर कीता: इद दुनियाता बुदते, मन्कलोर नाक पुनमाकिर इता. माट किर्स्तुना बेसता कबुरतुन पोकुर कीय्ह्‌नोम. अद पोल्‍लो बुदता, तेल्वता आयो इनजोर, लोकुर पास्किह्‌तोर. मति मन्कलोर पास्कनद पोल्‍लोतेन, विस्वस केवालोरिन पिसिह कीकन इनजोर, देवुळतुह्‌क विचर वाता.

1 कुरिंततोर 12:8

अद बेद्रम बुद ईस्ता इनजोर वेहतह्‌नन: देवुळता जीवा ओर्विह्‌क बुदताङ पोल्‍लोङ वळ्ह्‌कनद बुदि ईस्ता, अदे जीवा दुस्रोन्क, पुनवव पोल्‍लोन पुन्ज वेहतनद बुदि ईस्ता.

1 कुरिंततोर 2:13

इदे देय्वाता लोप्पा मन्कलोरा बुदि माक काग़्हो, मति देवुळता जीवा काग़्हता. तानाङ विचर्किन माट अद काग़्हतव पोल्‍लोने, तेळियिह कीस वेहतह्‌नोम.

2 कुरिंततोर 10:10

नना इद्रम बाराह्‌कु वेहतह्‌नन इतेके, “पोलु तनाङ सीटिने बेराङ-बेराङ, पका कळक पोल्‍लोङ रासिह्‌तोग़, मति मावा संगे मनदह्‌पा, लावलेवप लेह्‌कान दिसिह्‌तोग़, ओग़ बेस-नेह्‌ना वळ्ह्‌क पुनोग़” इनजोर, उच्वुर इन्ह्‌तोर.

2 कुरिंततोर 12:12

नना मियगा मनदह्‌पा, तिपल्किन आपसोरे, देवुळता सेवा कीतन. अस्के देवुळ तोहतव सीनाङ, मन्कलोर बामनाह लेह्‌काडाङ कबस्कु, देवुळता लावताङ कबस्क, नावा कयदे आताङ. नना निटम येसु किर्स्तुना बळयिनन इनजोर, इव पोल्‍लोङ तोहंदुङ.

2 कुरिंततोर 4:2

मति इद्रम कीय्ह्‌नोम: मकिस मकिस लजा वानाह कीयनव कबस्कनगा सीता केवोम, सत्रल बुदते ताकोम, देवुळता पोल्‍लोतुन एत्लम मिळ्हच वेहोम, मति देवुळता मुनेह सेतेम पोल्‍लोतुन पङ्ने पोकुर कीय्ह्‌नोम. मावाङ केंजवालोर, ओर सेतेमतोर इनजोर, मावा पोल्‍लोतुन नमिर इन्जि, माट इद्रम ताकिह्‌नोम.

2 कुरिंततोर 5:11

अदिनेनाह्‌क सामिह्‌क रेयिस पिसनदिन पुतोम. पुताह्‌कु, मावा पोल्‍लोतुन विस्वस कीम्ह्‌टु इनजोर, मन्कलोरिन तेळियिह कीय्ह्‌नोम. मावाङ विचर्क देवुळतुह्‌क पोळ्क्ने दिसिह्‌ताङ! मीवा जीवातुह्‌क वने, मावाङ विचर्क पोळ्क्ने दिसिस मनदनुङ इन्जि, नना आसा कीतन.

2 कुरिंततोर 6:6

इद्रम मन्जाय मति, माट कसुरलेवा पिससोरे, देवुळता बुदतुन पुनजोरे, बेदे पोल्‍लोते मुयोग़ आयवा, दुस्रोरिन गूनम तोहचोरे, ओरिन जीवाताहि जीवा कीसोरे,देवुळता जीवा वेहतप ताकसोरे,

2 कुरिंततोर 7:2

अलेट रा! मावा संगे गोत आम्ह्‌टु! माट बोनाय संगे लाग्वाङ केवोम, बोने एळ्होम, बोने नाळेह कीस तिनोम.

इपिसुसतोर 3:4

नना रासतन अव पोल्‍लोन मीट अर्वतस्के, किर्स्तुना लोप्पा मकिस मतद पोल्‍लो, नाक बेद्रम तेळियता इनजोर, मीट पुनदकिर.