2 कुरिंततोर 11:21 - माडिया गोंड पवित्र सास्त्रम

²¹ (माट बारा मीक अद्रम केवोम, अचोन अदिकर तोहोम, नाक लजा वानाह इनदलाह आतन!) मति जोल मन्कलोर पोग़यलाह दीरा कीस्तोर, नना वने दीरा कीस पोग़यिह्‌नन. (इंगो! बुदलेवोना लेह्‌कान इनदलाह आतन!)

2 कुरिंततोर 11:21 Iomraidhean Croise

2 कुरिंततोर 10:10

नना इद्रम बाराह्‌कु वेहतह्‌नन इतेके, “पोलु तनाङ सीटिने बेराङ-बेराङ, पका कळक पोल्‍लोङ रासिह्‌तोग़, मति मावा संगे मनदह्‌पा, लावलेवप लेह्‌कान दिसिह्‌तोग़, ओग़ बेस-नेह्‌ना वळ्ह्‌क पुनोग़” इनजोर, उच्वुर इन्ह्‌तोर.

2 कुरिंततोर 11:1

नना बुदलेवोना लेह्‌कान वेहचोर मनाह्‌क, ओङ आयमाटु, गळ्क आपिस केंजाट. मुर्बत कीसि केंजसोर मन्ह्‌टु.

2 कुरिंततोर 11:17

इंजेक नना वेहतलाह आतन, अद पोल्‍लो सामिना विचर मतप आयो; ओर्वोग़ बुदलेवोना लेह्‌कान, पोमाडेङते इनदलाह आतन.

2 कुरिंततोर 13:10

मीवा विस्वसतुन बेर्सिह कीयलाहि, सामिनाहि माक अदिकर दोर्कता, तान बूळे कीयलाहि आयो. मियगा वातस्के, इद अदिकरते मीक कळकते वेहतनाह आयमाकि इनजोर, इंजेक मियग्डाह जेक मनदह्‌पा, इव पोल्‍लोन रासलाह आतन.

2 कुरिंततोर 6:8

दुस्रोर माक मान ईतेकाय, पास्कतेकाय, माक लागोर इतेकाय, बेसतोर इतेकाय; उच्वुर माक नाळेह केवालोर इतेकाय, माट सेतेमतेन ताकिह्‌नोम.