2 कुरिंततोर 11:10 - माडिया गोंड पवित्र सास्त्रम

¹⁰ इद पोल्‍लोतुन नना पोग़यसोर तिरियिह्‌नने. किर्स्तु नाक ईतद सेतेमते वेहतह्‌नन रा: मीवा अकाया पटटोग़ बोग़े नाक पोग़यवाह कीया पग़वोग़.

2 कुरिंततोर 11:10 Iomraidhean Croise

बळयिर 18:12

पया गलियो पेदिरतोग़ मन्कल अकाया पटटागुमसि आतोग़. अस्के यहुदिर कलियिस पोलुन जग्ळा कीतोर, कीसि ओन नेयम कीयनद जागातगा ओसि, गुमसिन इद्रम वेहतोर.

बळयिर 18:27

पया अपुलोस अकाया पटटे दायलाह विचर कीतोग़. विचर कीतस्के, इपिसुसतोर विस्वसिर ओन गिर्दाते अगा लोहतोर. अकायातोर विस्वसिरिह्‌क सीटि रासिस, अपुलोसिन बेस ऊळलाह वेहतोर. पया ओग़ अकायाते अतोग़. अगा अतस्के, देवुळि देय्वा ईताह्‌कु, येसुन विस्वस कीतोर मन्कलोरिह्‌क पका तोळ ईतोग़.

रोम सहरतोर 1:9

देवुळता मग़ना बेसता कबुरतुन पोकुर कीसोरे, नना पूरा जीवाताहि ताना सेवा कीय्ह्‌नन. नना देवुळतुन पार्तना कीयह्‌पा, ऊक-ऊके मीवा सीता कीय्ह्‌नन इनजोर, देवुळिये साक्सि मन्ह्‌ता. ओसो “ए देवुळबाबा, नीवा विचर मतेके, रोम सहरतोर विस्वसिरगा दायलाह, इद मल्का तेला नाक अग़ दोर्कि” इनजोर, इह वने पार्तना कीय्ह्‌नन.

रोम सहरतोर 16:5

ओरा लोतगा जमा आयवालोर विस्वसिरा मुडुह्‌क नना जय येसु इह्‌नन. ओसो मियग्डोर दुस्रोर विस्वसिरा वने सीता वास्ता. नावा गोतयाल इपनितुसिह्‌क जय येसु इह्‌नन. पूरा आसिया पटटगा किर्स्तुन मुने विस्वस कीतोग़ ओग़े आंदोग़.

रोम सहरतोर 9:1

(देवुळता गूनमताहि माक बेवे एग़िह कीया पग़वोङ इतेके,) नावा इस्रयेलतोर यहुदि जाततोर बाराह्‌क एग़तोर? ओरेनाह्‌कु नना पका आल्सुळते मह्‌नन, उंद दिया तपवा, नावा जीवा नोस्ता. येसुन विस्वस केवाह्‌कु, ओरिह्‌क दोर्कनद सिक्सा नाक दोर्कि! ओरा बद्लातुह्‌क, देवुळि नाके सरप ईसि, किर्स्तुनग्डाह एग़िह कीतेक तेला बेसे! मति ओर पिसिर इनजोर, ओरेनाह्‌क अचोन नना आलिह कीय्ह्‌नन. किर्स्तुना मुनेह किरिया, इद निटमे, नना जोल वळ्ह्‌कोन,देवुळता जीवा वने इद पोल्‍लोता साक्सि मन्ह्‌ता.

1 कुरिंततोर 16:15

मावोर विस्वसिरिर! मीवा अकाया पटटे, मुनेतोर विस्वसिर इतेके इस्तिपनासना लोतोर विस्वस कीतोर, ओर देवुळता मन्कलोरा सेवा कीयनद कबळतेने मन्ह्‌तोर इनजोर पुतिर. ओरा लेह्‌काडोर मन्कलोरा पोल्‍लोतुन केंजिसि मन्ह्‌टु इनजोर, नना मीक अर्जि कीय्ह्‌नन. अहे ओसो सामिना कबळते तोळ आसि, कह्‌टेम केवालोर सबेटोर मन्कलोरा पोल्‍लोतुन केंजिस मन्ह्‌टु.

2 कुरिंततोर 1:1

देवुळता विचरते किर्स्तु येसुना बळयि आयलाह, अद निल्पिह कीतोनन पोलुनन. नना कुरिंत सहरते मनवालोर देवुळता मुडोरिर मीकु, ओसो मीवा अकाया पटटोर सबेटोर देवुळता मन्कलोरिह्‌क, इद सीटटुन रासिह्‌नन. मावा तोळतोग़ विस्वसि तिमोति, नावा संगे इगा मन्ह्‌तोग़.

2 कुरिंततोर 1:23

मीक तेर्हचि लजा वानाह केवोन इनजोर, मियगा वावोन. नावा इद पोल्‍लो सेतेम इलवेके, देवुळिये नाक एळ्हि.

2 कुरिंततोर 10:15

दुस्रोर कीतद कबळतुन, माटे कीतोम इनजोर पोग़यवालोरोम आयोम; मीवा विस्वस बेर्सनेक-बेर्सनेके, मीवा पटटगा मावा सेवा वने पका बेर्सग़ा इनजोर, इद्रम आसा मन्ह्‌ता. मति देवुळि बेचोन अंद ईयग़ा, अचोने कीकोम.

2 कुरिंततोर 11:12

पोलुना ओसो ओना गोततोरा लेह्‌कान, माट वने कबळ कीतोम इनजोर पोग़यलाह, जोल पोल्‍लोङ काग़्हवालोर अग़ ऊळिह्‌तोर. अद्रम पोग़यलाह, नना ओरिह्‌क अग़ एवोन. अदिनेनाह्‌क बेद्रम इचानाह बोनाङे कोताङ एनवा मतन, अद्रमलेह्‌काने मुनेह वने मनदकन.(मति ओर अद्रम मनदा पग़वोर; बह इतेके ओर लोकुराङ कोताङ तिन्जिये पिसिह्‌तोर.)

2 कुरिंततोर 11:31

येसुसामिना बाबाल (ओन्क अमेसातुह्‌क जोहर आयि!), मावा देवुळबाबाना किरिया रा, नना जोल वळ्ह्‌कोन!

2 कुरिंततोर 12:19

मयगा कसुर इले इन्जि, मीक तोहतलाह इचोन वेहतोम इनजोर, विचर कीय्ह्‌निरा? अद्रम आयो! माट इतेके देवुळता मुनेह, किर्स्तुना अदिकरते वळ्ह्‌कलाह आतोम. नावा गोततोरिर! माट बाताल कीय्ह्‌नोम, अद सबे मीवा विस्वस बेर्सना इनजोर, कीयलाह आतोम.

2 कुरिंततोर 9:2

बह इतेके कोताङ ईयलाह, मीट पका विचर आतिर इनजोर, नना पुतन. नीरेताहि अकाया पटटोर विस्वसिर, कोताङ ईयलाह तयर मन्ह्‌तोर इनजोर, मीवा लोप्पा मकिदुनिया पटटोर विस्वसिरिन वेहतन. मीट गिर्दा आतदिन केंजिसि, अग्डोर वेल्‍लाटोर मन्कलोर वने, कोताङ ईयलाह तयर आतोर.

गलातितोर 1:20

देवुळता मुनेह किरिया कीस वेहतह्‌नन, नना बेव मीक रासतन, अवु जोल आयोङ, निटमताङे!

गलातितोर 2:20

हव्कनागुटातगा वेळ्हतप आतन इतेके, नना जीवात बह मनदकन? आयो, नावा पाळ्ना जीवा हाता, इंजेके किर्स्तुना जीवाये नावा लोप्पा जागा आता. पया इद मेंदुदगा नना जीवात मह्‌नन इतेके, देवुळता मग़ि किर्स्तुना पोग़ोन विस्वस कीसिये पिसिह्‌नन. ओग़े नाकु जीवा केवाल, नयेनाह्‌कु तना जीवा एवाल आंदोग़.

1 तिसलुनितोर 2:10

मीट विस्वसिरिर पुतप लेह्‌का, माट मीवा संगे मनदह्‌पा, मावा ताकमुळ पवित्र, सेतेमता ओसो कसुरलेवा मता, इदिना मीट साक्सि मह्‌निर, ओसो देवुळ वने साक्सि मन्ह्‌ता.

1 तिसलुनितोर 2:5

मीक गिर्दा वानाह वेहचि, नाळेह कीयलाहि मियगा वावोम. मावा लालुसतुन मकिह कीसि, मीक नाळेह कीयलाहि वने वावोम, देवुळिये मावा साक्सि मन्ह्‌ता. इदिन मीट वने पुतिर.

1 तिमोति 2:7

अदिनेनाह्‌क इद सेतेम पोल्‍लोतुनु, यहुदि आयवोर वने नमना इन्जि, निमा ओरेके अन्जि वेहवाल-काग़्हवाल, नावा बळयिनिन आयकिन, इह इनजोरे देवुळ नाक लोहता; नना जोल वळ्ह्‌कोन, सेतेमे वेहतह्‌नन.